Anupam Kher Meets PV Sindhu: ఓరి దేవుడా ఇన్ని అవార్డులా, కప్‌బోర్డ్స్‌లో కాస్త ఖాళీ కూడా లేదు - పీవీ సింధుపై అనుపమ్ ఖేర్ కామెంట్స్

Anupam Kher Meets PV Sindhu: పీవీ సింధుని బాలీవుడ్ నటుడు అనుపమ్ ఖేర్ కలిశారు.

అనుపమ్ ఖేర్ పీవీ సింధుని ఆమె ఇంట్లో కలిశారు. (Image Credits: Twitter)

 Anupam Kher Meets PV Sindhu: 

పీవీ సింధుని కలిసిన నటుడు అనుపమ్ ఖేర్..

ప్రముఖ బాలీవుడ్ నటుడు బ్యాడ్మింటన్ క్రీడాకారిణి పీవీ సింధుని ఆమె ఇంట్లో కలిశారు. ఈ సందర్భంగా తీసిన ఓ వీడియోను సోషల్ మీడియాలో షేర్ చేశారు. హోమ్‌ టూర్‌లా ఆ వీడియో తీసి ఫ్యాన్స్‌తో పంచుకున్నారు. ఆ సమయంలోనే కబోర్డ్స్‌లో వరుసగా అమర్చి ఉన్న అవార్డులను చూపించారు. ఇన్ని అవార్డులు చూసిన ఆశ్చర్యం కలుగుతోందని అన్నారు అనుపమ్ ఖేర్. పీవీ సింధు కూడా సోషల్ మీడియాలో అనుపమ్ ఖేర్‌తో దిగిన ఫోటోను షేర్ చేశారు. దిగ్గజ నటుడ్ని కలుసుకోవటం ఆనందంగా ఉందని అన్నారు. ఇన్‌స్టాగ్రామ్‌  రీల్స్‌లో అనుపమ్ ఖేర్ వీడియో పోస్ట్ చేశారు. అందులో పీవీ సింధుకి వచ్చిన మెడల్స్, అవార్డ్స్ కనిపిస్తున్నాయి. "ఒకే ఒక ఛాంపియన్. ఈ గోడను ఓ సారి చూడండి. మా ఇంట్లో చాలా అవార్డులున్నాయని నేను ఇన్నాళ్లు గర్వపడ్డాను. కానీ ఇక్కడ చూడండి. ఇది అద్భుతం కదూ" అని వీడియోలో మాట్లాడారు అనుపమ్ ఖేర్. "ఓ మై గాడ్. ఇక్కడ ఖాళీ చోటే లేదు" అని అవార్డులను చూపిస్తూ కామెంట్ చేశారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Anupam Kher (@anupampkher)

సింధు..స్ఫూర్తినిచ్చే హీరో: అనుపమ్ ఖేర్ 
 
"ఇది చాలా గొప్ప ఫీలింగ్. ఛాంపియన్ పీవీ సింధుని కలిశాను. ఆమె నన్ను ఎంతో గౌరవించారు. తనకు వచ్చిన అవార్డులన్నీ చూపించారు. 8 ఏళ్ల నుంచే అవార్డులు, ట్రోఫీలు సాధించారు. ఆమె ఇండియా డాటర్. మన గౌరవం. మనందరికీ స్ఫూర్తినిచ్చే హీరో. జయహో. జైహింద్" అని ఇన్‌స్టా రీల్‌కి క్యాప్షన్ ఇచ్చారు. పీవీ సింధు కూడా సోషల్ మీడియాలో ఈ మీట్‌కు సంబంధించిన ఫోటోలు షేర్ చేశారు. "ఇండియన్ సినిమా గర్వించే నటుడిని కలవటం అదృష్టంగా భావిస్తున్నాను. ఎంతో నవ్వుకున్నాం. ఎన్నో మాట్లాడుకున్నాం. ఇది నాకెంతో గౌరవంగా భావిస్తున్నాను" అని అన్నారు పీవీ సింధు. పీవీ సింధు రెండు సార్లు ఒలింపిక్స్‌లో మెడల్ సాధించారు. 2016 రియో గేమ్స్‌లో వెండి పతకం, 2021లో టోక్యో ఒలిపింక్స్‌లో కాంస్య పతకం సాధించారు. ఇక నటుడు అనుపమ్ ఖేర్ వరుస హిట్‌లతో జోష్ మీదున్నారు.  ఆయన నటించిన కశ్మీర్ ఫైల్స్, కార్తికేయ-2 బిగ్గెస్ట్ హిట్స్‌గా నిలిచాయి. 

Had the fortune of spending time with one of the all time greats of Indian cinema. The laughs, the memories and quality conversation. What an honour. 😇 @AnupamPKher pic.twitter.com/yYEj3dZN4B

— Pvsindhu (@Pvsindhu1) September 28, 2022