Computer vision syndrome: కంప్యూటర్ విజన్ సిండ్రోమ్ అంటే ఏంటి? అంత ప్రమాదకరమా?

కంప్యూటర్ స్క్రీన్‌ని నిరంతరం రెండు గంటల కంటే ఎక్కువసేపు చూసేవారికి, కంప్యూటర్ విజన్ సిండ్రోమ్ వచ్చే ప్రమాదం ఎక్కువగా ఉంటుంది. ఈ సమస్య నుండి మిమ్మల్ని మీరు ఎలా రక్షించుకోవాలో తెలుసుకుందాం.

Photo Credit : Pexels

కంప్యూటర్ విజన్ సిండ్రోమ్ ఈ పేరు వినగానే కంప్యూటర్‌ పై ఎక్కువ సేపు పనిచేయడం కంటికి లేదా దృష్టికి సంబంధించిన సమస్యగా అనిపించవచ్చు. కానీ ఇది మీ శరీరానికి  ఆరోగ్యానికి సంబంధించిన అనేక ఇతర సమస్యలను కూడా కలిగిస్తుంది. సమయానికి చికిత్స చేయకపోతే, సమస్య పెరుగుతుంది. ఈ రోజుల్లో, కరోనావైరస్ మహమ్మారి కారణంగా, పిల్లల పాఠశాలలు, పెద్దల కార్యాలయాలు, ప్రతిదీ ఇంటి నుండి నడుస్తోంది. దీని కారణంగా స్క్రీన్ చూసే సమయం గణనీయంగా పెరిగింది. 2020 డేటా ప్రకారం, భారతదేశంలో సగటున ప్రతి వ్యక్తి ప్రతిరోజూ కనీసం 7 గంటల పాటు స్మార్ట్‌ఫోన్, ల్యాప్‌టాప్, కంప్యూటర్ లేదా టాబ్లెట్ వంటి గాడ్జెట్‌లను ఉపయోగిస్తున్నారు.

కంప్యూటర్ విజన్ సిండ్రోమ్ (CVS)ని డిజిటల్ ఐ స్ట్రెయిన్ అని కూడా అంటారు. ఎందుకంటే ఇది కళ్ళపై అధిక ఒత్తిడిని కలిగిస్తుంది. ఇది కాకుండా, తలనొప్పి , మెడ నొప్పి  భుజం నొప్పి వంటి సమస్యలు కూడా సంభవించవచ్చు. అమెరికన్ ఆప్టోమెట్రిక్ అసోసియేషన్ (AOA) ప్రకారం, రోజుకు 2 గంటలు లేదా అంతకంటే ఎక్కువ కాలం పాటు కంప్యూటర్ లేదా ఇతర డిజిటల్ స్క్రీన్‌ను నిరంతరం ఉపయోగించే వ్యక్తికి డిజిటల్ ఐ స్ట్రెయిన్ లేదా కంప్యూటర్ విజన్ సిండ్రోమ్ వచ్చే ప్రమాదం ఎక్కువగా ఉంటుంది.   

కంప్యూటర్ విజన్ సిండ్రోమ్ లక్షణాలు:

-  కళ్లలో అలసట, దేన్నైనా చూసేందుకు ఇబ్బందిపడటం

-  కళ్లలో దురద - కళ్లు పొడిబారడం - అస్పష్టమైన దృష్టి

-  బ్లర్ విజన్

-  దృష్టి కేంద్రీకరించడంలో ఇబ్బంది

-  దగ్గరి చూపు లేక మయోపియా

-  తలనొప్పి

-  మెడ నొప్పి

-  భుజం నొప్పి,  వెన్ను నొప్పి

కంప్యూటర్ విజన్ సిండ్రోమ్  కారణాలు ఇవే:

- డిజిటల్ స్క్రీన్‌లను ఉపయోగిస్తున్నప్పుడు, తక్కువ లైటింగ్‌లో స్క్రీన్‌ను వీక్షిస్తున్నప్పుడు ఈ సమస్య తలెత్తుతుంది.

- స్క్రీన్‌ నుంచి ఎక్కువ కాంతి వెలువడటం వల్ల కూడా ఈ సమస్య ఏర్పడుతుంది.

- స్క్రీన్‌కి చాలా దగ్గరగా లేదా దూరంగా కూర్చోవడం

- విరామం తీసుకోకుండా నిరంతరం స్క్రీన్‌ని చూడటం

కంప్యూటర్ విజన్ సిండ్రోమ్ నివారణ మార్గాలివే:

యాంటీ గ్లేర్ గ్లాసెస్:

మీరు కంప్యూటర్ స్క్రీన్ ముందు పనిచేసేటప్పుడు, యాంటీ గ్లేర్ గ్లాసెస్ ఉపయోగించండి, ఇది మీ కళ్ళను రక్షిస్తుంది.

20- 20-20 నియమాలు:

కంప్యూటర్ పై వర్క్ చేస్తున్నప్పుడు ప్రతి 20 నిమిషాలు తర్వాత, మీరు కనీసం 20 సెకన్ల పాటు 20 అడుగుల దూరంలో ఉన్న ఏదైనా వస్తువును తీక్షణంగా చూడాలి. అప్పుడు కళ్లు రిఫ్రెష్ అవుతాయి. 

దూరం నుంచి స్క్రీన్ వైపు చూడండి:

పని చేసేటప్పుడు, కంప్యూటర్ స్క్రీన్  మీ ముఖానికి 20 నుంచి 25 అంగుళాల దూరంలో ఉండేలా ప్లాన్ చేసుకోవాలి. 

విశ్రాంతి:

మీరు కంప్యూటర్ స్క్రీన్ ముందు రెండు గంటలపాటు నిరంతరాయంగా పని చేస్తుంటే, మీ కళ్ళకు 15 నుంచి 20 నిమిషాల పాటు విశ్రాంతి ఇవ్వండి. తద్వారా మీ కళ్ళలోని తేమ చెక్కుచెదరకుండా ఉంటుంది.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.