Drinks to Refresh Your Body : హైడ్రేషన్‌తో పాటు ఆరోగ్యానికి మేలు చేసే డ్రింక్స్ ఇవే.. వీకెండ్‌(Weekend)లో హెల్త్ రీసెట్ చేసుకునేందుకు బెస్ట్

Weekend Detox Drinks : వీకెండ్ సమయంలో శరీరాన్ని రీసెట్ చేసుకుని.. రిఫ్రెష్ ఫీల్ కోసం కొన్ని డీటాక్స్ డ్రింక్ తీసుకుంటే మంచిదని చెప్తున్నారు నిపుణులు. ఈ సహజమైన డ్రింక్స్ ఏంటో చూసేద్దాం.

అలసటను దూరం చేసి శరీరాన్ని రిఫ్రెష్ చేసే డ్రింక్స్ ఇవే

Source : Gemini AI

Show Quick Read

Key points generated by AI, verified by newsroom

• పని ఒత్తిడి, ఆహారంతో అలసిన శరీరానికి డిటాక్స్ పానీయాలు మేలు.
• నిమ్మ, పుదీనా, అల్లం పానీయాలు జీర్ణక్రియ, రోగనిరోధకతకు తోడ్పడతాయి.
• పుచ్చకాయ, గ్రీన్ టీ, మజ్జిగతో శరీరం రిఫ్రెష్ అవుతుంది.
• తగిన నిద్ర, నీరు, వ్యాయామంతో శరీరం రీసెట్ అవుతుంది.

Natural Drinks for Healthy Reset : పనులు, ఒత్తిడి, బయట తీసుకునే ఆహారం వల్ల కొన్నిసార్లు శరీరం అలసిపోయినట్లు అనిపిస్తుంటుంది. అలాంటి సమయంలో ఆరోగ్యకరమైన ఆహారంతో పాటు కొన్ని నేచురల్ డ్రింక్స్ తీసుకుంటే శరీరంర రీసెట్ అవుతుందని అంటున్నారు నిపుణులు. కొన్ని సహజమైన డిటాక్స్ డ్రింక్స్ తీసుకోవడం వల్ల టాక్సిన్స్ బయటకు వెళ్లే అవకాశముంది. అంతేకాకుండా శరీరాన్ని రిఫ్రెష్ చేస్తాయి. మరి సహజంగా లభించే డీటాక్స్ డ్రింక్స్ ఏంటో.. వాటివల్ల కలిగే లాభాలు ఏంటో చూసేద్దాం. 

నిమ్మకాయ, పుదీనా నీరు

ఒక గ్లాస్ నీటిలో నిమ్మరసం, కొన్ని పుదీనా ఆకులు వేసి తాగండి. ఇది శరీరాన్ని హైడ్రేట్‌గా ఉంచడంలో సహాయపడుతుంది. నిమ్మలోని విటమిన్ C రోగనిరోధక శక్తికి మద్దతు ఇస్తుంది. పుదీనా మెరుగైన జీర్ణక్రియను అందించడంలో హెల్ప్ చేస్తుంది. 

కొబ్బరి నీరు

సహజమైన ఎలక్ట్రోలైట్స్‌కు కొబ్బరి నీరు మంచి డ్రింక్​గా చెప్పవచ్చు. ఇది శరీరంలో నీటి సమతుల్యతను కాపాడటానికి, అలసటను తగ్గించడానికి ఉపయోగపడుతుంది. హైడ్రేషన్, రిఫ్రెష్ ఫీల్ కోసం దీనిని తీసుకోవచ్చు. 

కీరదోస, నిమ్మ ఇన్‌ఫ్యూజ్డ్ వాటర్

కీరదోసను ముక్కలుగా కోసి.. నిమ్మను కూడా ముక్కలు చేసి.. వాటిని నీటిలో వేసి రెండు గంటలు అలాగే ఉంచాలి. తర్వాత దీనిని తాగితే రుచిగా ఉండటంతో పాటు శరీరానికి డీప్ హైడ్రేషన్ అందుతుంది. అలాగే శరీరంలోని టాక్సిన్స్ బయటకు పంపుతుంది. 

అల్లం, నిమ్మ టీ

గోరువెచ్చని నీటిలో అల్లం ముక్కలు మరిగించి.. కొద్దిగా నిమ్మరసం కలిపి తాగండి. అల్లం జీర్ణక్రియకు సహాయపడటంతో పాటు కడుపు ఉబ్బరం, వికారం వంటి సమస్యలను తగ్గించడంలో ఉపయోగపడుతుంది.

పుచ్చకాయ జ్యూస్

పుచ్చకాయలో నీటి శాతం ఎక్కువగా ఉంటుంది. ఇది శరీరానికి తేమను అందించి తాజాగా అనిపించేలా చేస్తుంది. అదనంగా ఇందులో ఉండే యాంటీఆక్సిడెంట్లు కణాల ఆరోగ్యానికి మద్దతు ఇస్తాయి.

గ్రీన్ టీ

గ్రీన్ టీలో ఉండే యాంటీఆక్సిడెంట్లు శరీర కణాలను ఫ్రీ రాడికల్స్ ప్రభావం నుంచి రక్షించడంలో సహాయపడతాయి. షుగర్ లేకుండా తాగితే మరింత ఆరోగ్యకరంగా ఉంటుంది. అయితే రోజుకు 2 లేదా 3 కప్పులకు మించకుండా తీసుకోవాలి.

మజ్జిగ

వీకెండ్‌లో తేలికపాటి ఆహారంతో పాటు ఒక గ్లాస్ మజ్జిగ తాగడం మంచి ఎంపికగా చెప్పవచ్చు. ఇందులో ఉండే ప్రోబయోటిక్స్ పేగుల ఆరోగ్యానికి మద్దతు ఇస్తాయి. జీలకర్ర పొడి, కరివేపాకు, కొత్తిమీర కలిపి తాగితే రుచి, పోషక విలువ రెండూ పెరుగుతాయి.

డిటాక్స్ కోసం పాటించాల్సిన చిట్కాలు

మీరు మీ శరీరాన్ని డీటాక్స్ చేసుకోవాలనుకుంటే రోజుకు కనీసం 2 నుంచి 3 లీటర్ల నీరు తాగండి. అలాగే డైట్లో పండ్లు, కూరగాయలు ఎక్కువగా తీసుకోండి. వేయించిన, ఎక్కువ షుగర్ ఉన్న ఆహారాన్ని తగ్గించాలి. అలాగే తగినంత నిద్ర కూడా ఆరోగ్యానికి అవసరం. అంతేకాకుండా రోజుకు కనీసం 30 నిమిషాలు నడక లేదా తేలికపాటి వ్యాయామం చేస్తే మంచిది. 

గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.

మరిన్ని చదవండి

రోజూ ఆకుకూరలు తినడం ఊపిరితిత్తుల(Lungs)కు మంచిదేనా? కొత్త అధ్యయనంలో ఇంట్రెస్టింగ్ విషయాలు

ఇంట్లోనే మీ కాలేయం ఆరోగ్యంగా ఉందో లేదో తెలుసుకోవచ్చా? ఈ 4 సింపుల్ టెస్టులు చేసి చెక్ చేసుకోండి