Winter Foods For Glowing Skin : వింటర్లో చర్మాన్ని పొడిబారకుండా చేసే ఫుడ్స్ లిస్ట్ ఇదే
Winter Skin Care : చలికాలంలో చర్మం పొడిబారే సమస్య చాలా మందిలో ఉంటుంది. అయితే కొన్ని ఫుడ్స్ తీసుకోవడం వల్ల మీ చర్మం హైడ్రెటెడ్గా మారుతుంది.
Foods for Glowing Skin in Winter : చర్మం పొడిబారే సమస్య వింటర్లో చాలా ఎక్కువగా ఉంటుంది. అయితే దానిని సంరక్షించుకోవడం చాలా మంది బ్యూటీ కేర్ ప్రొడెక్ట్స్ ఉపయోగిస్తారు. ముఖ్యంగా మాయిశ్చరైజర్స్ వాడుతూనే ఉంటారు. అయితే మీరు చర్మ సంరక్షణకోసం ఇలాంటి కేర్ తీసుకోవడంలో తప్పులేదు కానీ.. చర్మాన్ని లోపలి నుంచి హైడ్రేట్ చేసేందుకు ఎక్కువగా శ్రద్ధ చూపాలి.
పొడి చర్మం ఉన్నప్పుడు ఎలాంటి ఆహారాలు తీసుకోవాలి? ఎలాంటి పోషకాలు చర్మానికి అందించాలి? వేటిని తింటే ఎలాంటి ప్రయోజనాలు పొందుతామో గుర్తించాలి. ఆరోగ్యకరమైన చర్మం కోసం.. మీరు తీసుకునే ఆహారంలో పుష్కలంగా విటమిన్లు, పోషకాలు ఉండేలా చూసుకోవాలి. చర్మ ఆరోగ్యాన్ని మెరుగుపరచడంలో విటమిన్స్ ఎ,సి,డి,ఈ ముఖ్యపాత్ర పోషిస్తాయి. ఇవే కాకుండా చర్మ ఆరోగ్యాన్ని మెరుగుపరచడం కోసం ఎనిమిది నుంచి పది గ్లాసుల నీటిని కచ్చితంగా తాగాలి. ఇది మీ శరీరాన్ని బాగా హైడ్రేట్ చేస్తుంది అంటున్నారు నిపుణులు. చలికాలంలో చర్మం పొడిబారిన పడకుండా.. హెడ్రేట్గా ఉంచే ఫుడ్స్ ఏంటో ఇప్పుడు తెలుసుకుందాం.
చిలగడ దుంపలు
శీతాకాలంలో విరివిరిగా దొరికే ఫుడ్స్లో చిలగడ దుంపలు ఒకటి. వీటిలో విటమిన్ ఎ పుష్కలంగా ఉంటుంది. ఇది మీ చర్మాన్ని సంరక్షిస్తుంది. స్కిన్కు అవసరమైన బీటాకెరోటిన్ దీనిలో పుష్కలంగా ఉంటుంది. ఇది చలికాలంలో చర్మానికి జరిగే డ్యామేజ్ను దూరం చేస్తుంది. కాబట్టి మీ డైలీ రోటీన్లో చిలగడ దుంపలను కచ్చితంగా చేర్చుకోండి.
అవకాడో..
అవకాడోలు క్రీమీగా, కాస్త వగరు వాసనతో ఉంటాయి. వీటిని బ్రెడ్పై, టోస్ట్పై అప్లై చేసి తీసుకోవచ్చు లేదా జ్యూసులు సలాడ్స్లలో కూడా తీసుకోవచ్చు వీటిలోని అనామ్లజనకాలు, బీటా కెరోటిన్, ఫోలేట్, ఒమేగా 3 ఫ్యాటీ యాసిడ్స్, విటమిన్ సి, విటమిన్ ఇ పుష్కలంగా ఉంటాయి. ఇవి శీతాకాలంలో మీ చర్మానికి అదనపు పోషణను అందిస్తాయి. చర్మాన్ని పొడిబారకుండా కాపాడుతాయి.
బచ్చలి కూర
బచ్చలికూరలో ఐరన్, చర్మానికి అనుకూలమైన విటమిన్ ఈ వంటి పోషకాలు సమృద్ధిగా ఉంటాయి. ఇది విటమిన్లు, పోషకాలు, ఖనిజాలకు పవర్హౌస్ అని చెప్పవచ్చు. దీనిలోని విటమిన్ ఎ, సి చర్మ కణాలను రిపేర్ చేస్తాయి. దీనిలోని యాంటీ ఆక్సిడెంట్లు, హైడ్రేషన్ గుణాలు చర్మానికి మరింత మెరుపును అందిస్తాయి.
ఫిష్
చేపలు ఆరోగ్యానికి మంచివి. కొవ్వు కరిగించడంలో ముఖ్యపాత్ర పోషిస్తాయి. అయితే దీనిలోని ఫ్యాటీ యాసిడ్స్ చర్మానికి, జుట్టు ఆరోగ్యానికి మంచి హెల్ప్ చేస్తాయి. చేపలలో ఉండే ఒమేగా 3 శరీరానికి అద్భుతాలు చేస్తుంది. అయితే చేపలను డీప్ ఫ్రై చేయడం కంటే.. స్టీమింగ్, గ్రిల్లింగ్ లేదా బేకింగ్ చేస్తే మంచిది. ముఖ్యంగా సాల్మన్ చేప మీ చర్మ పోషణలో ముఖ్యపాత్ర పోషిస్తుంది.
నట్స్
నట్స్, విత్తనాలు, గింజల్లో యాంటీ ఆక్సిడెంట్లు పుష్కలంగా ఉంటాయి. ఇవి చర్మానికయ్యే డ్యామేజ్ను తగ్గిస్తాయి. అంతేకాకుండా వీటిలోని విటమిన్ ఇ మీ శరీరాన్ని లోపలి నుంచి సంరక్షిస్తుంది. నట్స్లోని ముఖ్యమైన కొవ్వు ఆమ్లాలు చర్మకణాల నష్టాన్ని భర్తీ చేస్తాయి. అంతేకాకుండా చర్మకణాల పునరుత్పత్తిని ప్రోత్సాహిస్తాయి. తద్వార మీ చర్మం మరింత సున్నితంగా, మృదువుగా మారుతుంది. దీనికోసం మీరు బాదం, వాల్నట్లు, పొద్దుతిరుగుడు గింజలు ఓ గుప్పెడు తీసుకోవచ్చు.
మనం తీసుకునే ఆహారమే ముఖంలో గ్లో తీసుకువస్తుంది. కాబట్టి కొన్ని ఆహార అలవాట్లు, చర్మానికి అవసరమైన పోషకాలు తీసుకోవడంపై దృష్టి సారిస్తే.. చలికాలంలో కూడా చర్మం కాంతివంతంగా, ప్రకాశవంతమైన తేమతో నిగనిగలాడుతుంది.
Also Read : పిల్లలకు చలికాలంలో నువ్వల చిక్కీ పెడితే ఎంతో మంచిది
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
