Summer Drinks: వేసవి తాపాన్ని తగ్గించి మిమ్మల్ని చల్లగా ఉంచే సూపర్ ఫుడ్స్ ఇవే

ఈ వేసవిలో శరీరాన్ని చల్లగా ఉంచుకునేందుకు ఎక్కువ మంది ఐస్ క్రీమ్స్, కూల్ డ్రింక్స్ మీద పడిపోతుంటారు. కానీ అవి కాదు, చల్లదనాన్ని ఇచ్చేవి.. అసలైన ఆహార పదార్థాలు ఏంటో తెలుసా?

Image Credit: Pexels

సూర్యుడి నెత్తి మీదకు చేరి చెమటగా మారి నాట్యమాడేస్తున్నాడు. వేసవి ఉక్కపోత నుంచి బయట పడటం చాలా కష్టం. కొంతమందికి అయితే చెమటలు కారుతూనే ఉంటాయి. ఫ్యాన్, ఏసీ, కూలర్ ముందే కూర్చుని సేద తీరతారు. చల్లని ఐస్ క్రీమ్స్, డ్రింక్స్ తాగితే పొట్ట కూడా హాయిగా ఉంటుంది. ఈ వేసవిలో శరీరాన్ని చల్లగా ఉంచుకోవడానికి చేయాల్సింది ఇవి కాదు తీసుకునే ఆహారం. కూలింగ్ ఫుడ్స్ తినడం, ఆల్కహాల్ వంటి వాటి వల్ల బరువు పెరగడం ఇతర అనారోగ్య సమస్యలు తలెత్తడం తప్ప శరీరాన్ని చల్లగా ఉంచలేవు.

హైడ్రేటింగ్ ఆహారాలు తీసుకోకపోవడం, తక్కువగా నీరు తాగడం, నూనెలో బాగా వేయించిన ఆహారాలు ప్రతిరోజు తీసుకోవడం వల్ల శరీరంలో అధిక స్థాయి డీహైడ్రేషన్ ఏర్పడుతుంది. కొన్ని ఆరోగ్యకరమైన ఆహారాలు ఈ వేసవిలో శరీరానికి సరిపోకపోవచ్చు. కానీ కొన్ని మాత్రం శరీరాన్ని చల్లగా ఉంచుతాయై. వేడిని సహజంగా తగ్గించడంలో మీకు సహాయపడే కొన్ని సూపర్ ఫుడ్స్ ఇవే. వీటిని తీసుకుంటే మండే ఎండలో కూడా చల్లగా ఉండవచ్చు.

⦿ ఖుస్ గడ్డి నుంచి తయారు చేసేది ఖుస్ షర్బత్. ఇది మిమ్మల్ని హైడ్రేట్ గా ఉంచడంలో సహాయపడుతుంది. అధిక వేడి వల్ల కళలు ఎర్రగా మంటలు అనిపిస్తాయి. ఆ ఫీలింగ్ తగ్గాలంటే ఖుస్ షర్బత్ తాగాల్సిందే.

⦿ శరీరాన్ని చల్లబరిచే మరొక అద్భుతమైన పదార్థం సబ్జా. ఒక బాటిల్ నీళ్ళలో సబ్జా గింజలు వేసుకుని తాగుతూ ఉంటే చాలా బాగుంటుంది.

⦿ కోకుమ్ జ్యూస్ తాగితే శరీరంలోని వేడి, మంట తగ్గించడానికి ఇదొక గొప్ప మార్గం. శరీరాన్ని చల్లబరుస్తుంది. నిర్జలీకరణాన్ని తగ్గిస్తుంది. వడదెబ్బ నుంచి రక్షణగా నిలుస్తుంది.

⦿ బార్లీ నీరు నిర్జలీకరణాన్ని నివారించడంలో సహాయపడుతాయి. పుదీనా, కొత్తిమీర ఆకులు శరీరంలోని వేడిని తొలగిస్తాయి. శరీరంలోని వ్యర్థాలను తొలగించేస్తాయి.

ఇవి మీకు చల్లదనాన్ని మాత్రమే కాదు ఆరోగ్యాన్ని ఇస్తాయి. వేసవిలో ఈ ఉత్తమమైన ఆహారాలు చాలా తేలికగా ఉంటాయి. మిమ్మల్ని రిఫ్రెష్ గా ఉంచుతాయి. వేడిని దూరం చేస్తాయి. ఇవే కాదు కాలానుగుణమైన పండ్లు, కూరగాయలు తీసుకుంటే దాహాన్ని తీర్చేస్తాయి. ఇవే కాదు కొబ్బరి నీళ్ళు, పుచ్చకాయ, మజ్జిగ, కొత్తిమీర ఆకులు, పుదీనా ఆకులు, కీరదోస తీసుకున్నా మంచిది. కొబ్బరి నీళ్ళు తీసుకోవడం వల్ల శరీరం కోల్పోయిన ఎలక్ట్రోలైట్స్ ని తిరిగి భర్తీ చేస్తుంది. తక్షణ శక్తిని అందిస్తుంది.

పుచ్చకాయలో 90 శాతానికి పైగా నీరే ఉంటుంది. ఎండాకాలంలో ఎక్కడ చూసినా ఈ పండ్లు దర్శనమిస్తాయి. పుచ్చకాయ తింటే శరీరాన్ని హైడ్రేట్ గా ఉంచుతుంది. దాని సహజమైన తీపి రుచికి అందరూ ఫిదా అయిపోతారు. యాంటీ ఆక్సిడెంట్ గుణాలతో కలిగిన పుచ్చకాయ తీసుకుంటే బరువు కూడా అదుపులో ఉంటుంది. ఎండలో నుంచి ఇంటికి వచ్చిన తర్వాత చల్లటి మజ్జిగ తాగితే శరీరానికి ఎనర్జీ వస్తుంది. ప్రతిరోజు వీటిని తప్పకుండా తీసుకునేలా ప్రయత్నించి మిమ్మల్ని మీరు చల్లగా ఉంచుకోండి.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.