Weight Loss: పోషకాలు నిండిన ఈ బ్రేక్ ఫాస్ట్ తిన్నారంటే సులువుగా బరువు తగ్గుతారు

బరువు తగ్గించుకోవడం కోసం బ్రేక్ ఫాస్ట్ మానేసి ఒక అరటి పండుతో పొట్ట నింపేసుకుంటున్నారా? అలా చేస్తే మీరు బరువు తగ్గకపోగా పెరిగిపోతారు.

Image Credit: Pixabay

ప్రతి ఇద్దరిలో ఒకరు స్థూలకాయానికి గురవుతున్నారు. అందుకు కారణం అనారోగ్యకరపు ఆహారపు అలవాట్లు, జీవనశైలి సరిగా లేకపోవడం. ఊబకాయం నుంచి బయట పడేందుకు చాలా మంది డైటింగ్ తో పాటు వ్యాయామశాలలో గంటల తరబడి గడుపుతున్నారు. అల్పాహారం స్కిప్ చేయడం చేస్తున్నారు. అది చాలా పెద్ద తప్పు. బ్రేక్ ఫాస్ట్ మానేయడం వల్ల బరువు తగ్గడానికి బదులు పెరుగుతారని ఎక్కువ మందికి తెలియదు. అల్పాహారం రోజులోని ముఖ్యమైన భోజనాలలో ఒకటి. దానిని నివారించడానికి బదులుగా తినాలని నిపుణులు సిఫార్సు చేస్తున్నారు. రోజంతా యాక్టివ్ గా ఉండేందుకు శక్తిని ఇస్తుంది. ఇది చేయకపోవడం వల్ల అతిగా తినాలనే కోరికలు పెరుగుతాయి. ఫలితంగా బరువు పెరుగుతారు. మీరు బరువు తగ్గేందుకు చూస్తున్న వాళ్లయితే మీ అల్పాహారంలో వీటిని చేర్చుకోండి. సులభంగా తగ్గిపోతారు.

గ్రామ్ పిండి లేదా మూంగ్ దాల్ చీలా

చీలా తినడానికి ఎంత రుచికరంగా ఉంటుందో ఆరోగ్యానికి కూడా అంతే మేలు చేస్తుంది. ఇందులో ప్రోటీన్, ఫైబర్, కాల్షియం, ఐరన్, మెగ్నీషియం వంటి పోషకాలు ఉన్నాయి. శరీరాన్ని ఆరోగ్యంగా ఉంచడంలో సహాయపడతాయి. ఇవి తింటే పొట్ట ఎక్కువ సేపు నిండుగా ఉన్న అనుభూతి కలిగిస్తుంది. దీని వల్ల మీరు అతిగా తినకుండా ఉంటారు. ఇందులో గరం మసాలా, ఉప్పు, మసాలా దినుసులు కొద్దిగా నీటిని జోడించుకుని ఒక సిరప్ చేసుకుని పెట్టుకోవాలి. తర్వాత నాన్ స్టిక్ పాన్ మీద కొంచెం పిండిని వేసి రెండు వైపులా కాల్చుకోవాలి.

గుడ్డు

ప్రోటీన్లు పుష్కలంగా ఉండటం వల్ల పొట్టను ఎక్కువ సేపు నిండుగా ఉంచి బరువు తగ్గించడంలో సహాయపడుతుంది. ప్రతిరోజూ అల్పాహారంగా ఉడికించిన గుడ్లు తినొచ్చు. ఆమలీట, ఎగ్ బుజ్జి కూడా తినొచ్చు. కానీ ఇందులో ఎక్కువ నూనె ఉపయోగించుకోకూడదు. శాండ్ విచ్ లేదా సలాడ్ ని తయారు చేసుకుని అందులో ఉడికించిన గుడ్డు పెట్టుకుని అల్పాహారంగా తినవచ్చు.

కాటేజ్ చీజ్

చీజ్ లో ప్రోటీన్, కాల్షియం, ఆరోగ్యకరమైన కొవ్వు ఉంటుంది. బరువు తగ్గాలనుకుంటే చీజ్ ను అల్పాహారంలో అనేక రకాలుగా తినొచ్చు. పనీర్ శాండ్ విచ్, రొటీలో చీజ్ తీసుకోవచ్చు. ఉప్పు, నల్ల మిరియాలతో చేసిన పదార్థాలతో చీజ్ కలిపి తీసుకోవచ్చు. బరువు తగ్గడానికి మాత్రమే కాదు శరీరానికి శక్తిని ఇస్తుంది.

ఓట్మీల్

ఓట్మీల్ బరువు తగ్గడానికి చాలా ఉపయోగకరంగా ఉంటుంది. ఇందులో ప్రోటీన్, ఫైబర్, కాల్షియం, ఐరన్, మెగ్నీషియం, ఫాస్పరస్, పొటాషియం, ఫోలేట్ వంటి పోషకాలు పుష్కలంగా లభిస్తాయి. దీన్ని తినడం వల్ల పొట్ట నిండుగా అనిపిస్తుంది. జీర్ణక్రియ మెరుగుపడుతుంది. తీపి లేదా ఉప్పగా చేసుకోవచ్చు. ఇందులో కూరగాయల ముక్కలు కూడా కలుపుకుని తింటే దాని పోషక విలువలు మరింత పెరుగుతాయి.

ఇడ్లీ సాంబార్

ఇది తినడానికి రుచిగా ఉండటమే కాకుండా చాలా ఆరోగ్యకరమైనది. ప్రోటీన్, ఫైబర్, కార్బోహైడ్రేట్ మినరల్స్ పుష్కలంగా ఉన్నాయి. ఇడ్లీ కూడా తేలికగా జీర్ణం అవుతుంది. తిన్న తర్వాత ఎక్కువ సేపు ఆకలిగా అనిపించదు. సాంబార్ ని ఆరోగ్యకరమైందిగా చేయడానికి అందులో రంగు రంగుల కూరగాయలు జోడించుకోవచ్చు.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.