లేజీ ఫెలో, చెప్పులేసుకోడానికి బద్దకమేసి ఏం చేశాడో చూడండి
అతడికి అదేం ఆనందమో ఏమో.. నైక్ స్నీకర్స్ టాటూను తన పాదాలకు వేయించుకున్నాడు. వాటిని చూస్తే నిజంగానే షూస్ వేసుకున్నాడేమో అనిపిస్తుంది.
రోజూ చెప్పలేసుకుని బయటకు వెళ్లడానికి బద్దకంగా ఉందా? అయితే, ఇతడిలా ప్రయత్నించండి. పదే పదే చెప్పులు వేసుకోవల్సిన అవసరమే ఉండదు. అయినా, చెప్పులు లేకుండా బయటకు వెళ్తే.. పాదాలు పాడైపోతాయ్ కదా? వేసవిలో కాళ్లు కాలిపోతాయ్ కదా, ముళ్లు లేద రాళ్లు.. మేకులు గుచ్చుకుంటాయి కదా.. అనేగా మీ సందేహం. అదీ నిజమే! కానీ, లేజీ ఫెలోస్‌కు అలాంటివి ఏవీ బుర్రకు ఎక్కవు. ఇందుకు ఇతగాడే ఉదాహరణ.
ఇతడికి షూస్ వేసుకోడానికి బద్దకమో, లేదా ఖరీదైన బ్రాండెట్ షూస్ కొనులేకపోతున్నా అనే బాధో, పదే పదే చెప్పులు కొనుగోలు చేయడం ఇష్టం లేదో.. లేదా మరేదైనా అభిరుచో తెలీదుగానీ.. కాళ్లకు ఏకంగా నైక్ (Nike) కంపెనీ షూస్ తరహాలో టాటూ వేయించుకున్నాడు. యునైటెడ్ కింగ్‌డమ్‌లోని మాంచెస్టర్‌కు చెందిన ప్రముఖ టాటూ ఆర్టిస్ట్ డీన్ గున్థర్ తన క్లయింట్ పాదాలపై ఒక జత స్నీకర్‌లను పచ్చబొట్టు పొడిచాడు.
ఆ వీడియోను టిక్‌టాక్, ఇన్‌స్టాగ్రామ్‌లో పోస్ట్ చేశాడు. దీంతో ఆ వీడియో క్షణాల్లో వైరల్‌గా మారింది. ఈ టాటూను అతడు చేత్తోనే గీశాడు. అయితే, అకస్మాత్తుగా చూస్తే.. అతడు నిజంగానే స్నీకర్‌లు వేసుకున్నాడనే సందేహం కలుగుతుంది. ఇది పూర్తి చేయడానికి సుమారు 8 గంటలు పట్టినట్లు డీన్ తెలిపాడు. గతంలో డీన్.. జిమ్‌లో కసరత్తులు చేయడం ఇష్టంలేని ఒక వ్యక్తికి ‘సిక్స్ ప్యాక్ అబ్స్’ టాటూను గీసి ఆశ్చర్యపరిచాడు. ఆ వీడియో కూడా అప్పట్లో వైరల్‌గా చక్కర్లు కొట్టింది.
View this post on Instagram
View this post on Instagram
Also Read: పెరుగు తింటే నిద్ర ఎందుకు వస్తుంది? రాత్రి వేళ తినకూడదా?
Also Read: ‘మౌత్-హ్యాండ్-ఫుట్’ డిసీజ్: ఒకేసారి పాదాలు, చేతులు, నోటికి వచ్చే ఈ వ్యాధితో జాగ్రత్త, లక్షణాలివే!
టాప్ హెడ్ లైన్స్
ట్రెండింగ్ వార్తలు
