Breast Milk Donation : బ్రెస్ట్ మిల్క్ దానం చేయాలంటోన్న బ్యాడ్మింటన్ స్టార్.. 30 లీటర్ల తల్లిపాలు ఇచ్చిందట, ఎందుకంటే
Breast Milk : బ్రెస్ట్ మిల్క్పై అవగాహన కల్పిస్తున్నారు జ్వాలా గుత్తా . ఇప్పటివరకు ఆమె 30 లీటర్ల తల్లిపాలు దానం చేసిందట ఈ బ్యాడ్మింటన్ భామ. ఎందుకో తెలుసా?
Breast Milk Donation Awarness : తల్లి పాల ప్రాధన్యతను తెలుపుతూ.. బ్యాడ్మింటన్ ప్లేయర్ జ్వాలా గుత్తా (Jwala Gutta) బ్రెస్ట్ మిల్క్ని దానం చేసింది. దానికి సంబంధించిన ఫోటోలు జత చేసి సోషల్ మీడియాలో ఎప్పటినుంచో అవగాహన కల్పిస్తుంది. ఏప్రిల్లో రెండో బిడ్డకు జన్మనిచ్చిన జ్వాలా గుత్తా అప్పటి నుంచి బ్రెస్ట్ మిల్క్ క్యాంపైన్లో పాల్గొంటుంది. ఆగస్టులో దానికి సంబంధించిన ఫోటోలు షేర్ చేసి.. బ్రెస్ట్ మిల్క్ ప్రాముఖ్యతను తెలిపింది. ఇప్పటివరకు ఆమె ప్రభుత్వ ఆస్పత్రికి 30 లీటర్ల తల్లిపాలు దానం చేసినట్లు నివేదికలు చెప్తున్నాయి.
తల్లిపాలు సరిగా ఎదగని పిల్లలకు మేలు చేస్తాయని.. పిల్లల్లో ఇమ్యూనిటీని పెంచి ఆరోగ్యంగా ఉంచడంలో హెల్ప్ చేస్తాయని.. అందరూ వీటిని డొనేట్ చేయాలంటూ సోషల్ మీడియాలో చెప్పుకొచ్చింది. అసలు తల్లిపాలు ప్రాధన్యత ఏంటి? వాటిని ఎలా ప్రిజర్వ్ చేస్తారు? వాటివల్ల కలిగే లాభాలు ఏంటి? బ్రెస్ట్ మిల్క్ డొనేట్ చేసేప్పుడు ఫాలో అవ్వాల్సిన రూల్స్ ఏంటి వంటి విషయాలు చూసేద్దాం.
"Breast milk saves lives.For premature and sick babies, donor milk can be life changing. If you're able to donate, you could be a hero to a family in need. Learn more, share the word, and support milk banks! 💜 #BreastMilkDonation #DonateMilk #InfantHealth pic.twitter.com/qbMle3pgpR
— Gutta Jwala 💙 (@Guttajwala) August 17, 2025
తల్లిపాలు దానం ఎందుకు అవసరం?
తల్లిపాలు శిశువులకు అమృతం లాంటివి. వీటిలో ఉండే పోషకాలు, యాంటీబాడీలు శిశువుల ఆరోగ్యం కోసం అవసరమైన రక్షణను అందిస్తాయి. కానీ ప్రతి తల్లీ తన బిడ్డకు తల్లిపాలు ఇవ్వలేరు. ప్రసవానంతరం పాలు రాకపోవడం, ఆరోగ్య సమస్యలు, లేదా కొన్ని అత్యవసర పరిస్థితుల్లో శిశువులు తల్లిపాలను పొందకపోవచ్చు. ఇలాంటి సందర్భాల్లో తల్లిపాలు దానం (Breast Milk Donation) చేయడం ఒక వరంగా నిలుస్తుంది.
తల్లిపాలతో కలిగే ప్రయోజనాలు ఇవే
ప్రీమేచ్యూర్ పిల్లల(PreMature Babies)కు అంటే ముందుగానే పుట్టిన శిశువుల్లో ఇమ్యూన్ సిస్టమ్ బలహీనంగా ఉంటుంది. తల్లిపాలు తీసుకోవడం వల్ల ఇన్ఫెక్షన్లు తగ్గి, వారిలో వృద్ధి వేగంగా జరుగుతుంది. అలాగే ఫార్ములా పాలు కంటే తల్లిపాలు సులభంగా జీర్ణమవుతాయి. తల్లిపాలలో ఉండే యాంటీబాడీలు, పోషకాలు పిల్లల్లో (Baby's Immunity)ని బలపరుస్తాయి. తల్లిపాలలో ఉండే DHA, ప్రోటీన్లు.. శిశువు మెదడు, శరీర అభివృద్ధికి ఉపయోగపడతాయి.
తల్లిపాలు ఎలా దానం చేయవచ్చంటే..
తల్లిపాలు దానం ఇవ్వాలనుకుంటే ముందుగా హ్యూమన్ మిల్క్ బ్యాంక్ లేదా ఆసుపత్రిలో నమోదు చేసుకోవాలి. ఆ తర్వాత హెల్త్ స్క్రీనింగ్ చేస్తారు. HIV, హెపటైటిస్ వంటి టెస్టులు చేసి ఏవి లేవు అనుకుంటే మీరు దానం చేయగలుగుతారు. తల్లులు హైజీనిక్గా పాలు స్టెరైల్ కంటైనర్లో భద్రపరుస్తారు. ఇలా సేకరించిన పాలను హీట్ ట్రీట్మెంట్ చేసి హానికరమైన బాక్టీరియా తొలగించి డీప్ ఫ్రీజర్లో భద్రపరిచి అవసరమైన పిల్లలకు అందిస్తారు.
తల్లిపాలు అందని శిశువులకు దాతల పాలు మేలు చేస్తాయి. శిశువు బతికే అవకాశాలను పెంచుతుంది. కాబట్టి తల్లిపాలు దానం చేయడం అంటే కేవలం పాలు ఇవ్వడం మాత్రమే కాదు.. ఒక ప్రాణానికి ఆశ ఇవ్వడమని గుర్తించి.. అర్హత ఉన్నవారు దీనిలో పాల్గొనాలి.
టాప్ హెడ్ లైన్స్
ట్రెండింగ్ వార్తలు
