A Boy Diagnosed with Rare Wolf Syndrome : ప్రెగ్నెన్సీ సమయంలో పిల్లిని తిన్న తల్లి.. నక్క​ పోలికలతో జన్మించిన పిల్లాడు, పిల్లే దీనికి కారణమా?

Hypertrichosis or Werewolf Syndrome : ప్రెగ్నెన్సీ సమయంలో ఓ మహిళ పిల్లిని తిన్నదట. అయితే ఇప్పుడు ఆమె పిల్లాడు వేర్​వోల్ఫ్ సిండ్రోమ్​తో ఇబ్బంది పడుతున్నాడు. దానికి కారణం పిల్లిని తినడమేనా?

పిల్లిని తినడం వల్లే పిల్లాడికి నక్కపోలికలు వచ్చాయా?(Image Source : Pexels)

Jaren Gamongan Suffering with Hypertrichosis : గర్భవతిగా ఉన్నప్పుడు చాలామంది ఫుడ్ క్రేవింగ్స్​తో ఉంటారు. తమకి నచ్చిన ఫుడ్​ని తీసుకుంటారు. ఇది అందరికీ తెలిసిన విషయమే. అయితే ప్రెగ్నెన్సీ సమయంలో తీసుకునే ఫుడ్​ ప్రభావం పిల్లలపై ఉంటుంది అంటోంది ఓ మహిళ. ఎందుకంటే ఆమె ప్రెగ్నెంట్​గా ఉన్నప్పుడు క్రేవింగ్స్​లో భాగంగా పిల్లిని తిన్నదట. దీనివల్ల తన కొడుకుకి వేర్ వోల్ఫ్ సిండ్రోమ్ (నక్క పోలికల)తో జన్మించాడని అంటోంది తల్లి. ఫిలిప్పీన్స్​కు చెందిన జారెన్ గమోంగన్​(Jaren Gamongan)లో ఈ అరుదైన స్థితి చోటు చేసుకుంది. ఇంతకీ ఆ తల్లి తిన్న పిల్లే.. వేర్​ వోల్ఫ్(Werewolf Syndrome) లక్షణాలకి కారణమా? దీనిపై నిపుణులు ఏమంటున్నారు? దీనికి చికిత్స ఉందా వంటి విషయాలు ఇప్పుడు తెలుసుకుందాం.

పిల్లిని తినడం వల్లనే ఆ శాపం వచ్చిందట..

ఫిలిప్పీన్స్​లోని అపయావోకు చెందిన జరెన్ గమోంగన్ వేర్​ వోల్ఫ్ సిండ్రోమ్​తో జన్మించాడు. ఈ సిండ్రోమ్ వల్ల అతని ముఖం, మెడ, వీపు, చేతుల పూర్తిగా నల్లని జుట్టుతో నిండిపోయింది. ఇదే కాకుండా బ్లాక్ సైడ్​బర్న్స్, పాచెస్​తో పుట్టినట్లు వైద్యులు తెలిపారు. కానీ అతని తల్లి మాత్రం తన బిడ్డ అలా పుట్టడానికి కారణం తను తిన్న పిల్లేనని చెప్తోంది. ప్రెగ్నెంట్​గా ఉన్న సమయంలో పిల్లిని తిన్నానని.. ఆ శాపం కారణంగానే తన కొడుకు వేర్​ వోల్ఫ్​లా మారిపోయాడని వాపోతుంది. నల్ల పిల్లిని హెర్బ్స్​తో కలిపి ఫ్రై చేసుకుని తినడం వల్లే తన కొడుకుకి ఈ పరిస్థితి వచ్చిందని పశ్చాత్తాపం పడుతోంది. 

స్కూల్​కి పంపాలంటే భయంగా ఉంది..

జారెన్​ను స్కూల్​కి పంపించాలంటే భయంగా ఉందని.. తోటి విద్యార్థులు అతడిని హేళన చేస్తారని అల్మా భావిస్తున్నట్లు తెలిపింది. నా ఫుడ్ క్రేవింగ్స్​ వల్లనే జారెన్​ ఇలా పుట్టాడని అనుకున్నాను కానీ.. వైద్యులు దానికి దీనికి సంబంధం లేదని తెలిపారు. కానీ ఇప్పటికీ నాకు ఆ విషయంలో గిల్టీగా ఉందని బాధపడుతోంది. వేర్​ వోల్ఫ్ లక్షణాలు వెంటుక్రల రూపంలో కనిపించడమే కానీ.. జారెన్ ఎప్పుడూ యాక్టివ్​గానే ఉంటాడని తెలిపింది. వాతావరణం వేడిగా ఉన్నప్పుడు మాత్రమే అతని చర్మంపై దద్దుర్లు వస్తున్నాయని వెల్లడించింది. మొదట్లో అతని చర్మంపై వెంట్రుకలను కట్ చేయడానికి చూస్తే అవి మరింత మందంగా పెరగడాన్ని చూసి.. వైద్యుల దగ్గరకు తీసుకెళ్లినట్లు తెలిపింది. 

Jaren Gamongan a two year old, from Apayao Philippines, was born with 'werewolf syndrome' but his mother believes it was because she ate a wild cat during her pregnancy. 😼
Full story https://t.co/vn0I5htayX pic.twitter.com/BysoeeohrL

— Carrington Mwendwa (@OleCarrington) April 10, 2024

పిల్లి వల్ల కాదు.. కారణం అదే..

వైద్యులు మాత్రం హైపర్​ట్రికోసిస్​ (Hypertrichosis)అనే వైద్య పరిస్థితి వల్ల.. అతను వేర్​ వోల్ఫ్ సిండ్రోమ్​తో జన్మించాడని చెప్తున్నారు. అయితే ఇది పిల్లిని తినడం వల్ల జరిగింది కాదని.. ఆమె మూఢనమ్మకాన్ని మరింత పెంచేలా చుట్టుపక్కల వారు ఆమెను ట్రిగర్ చేశారని తెలిపారు. ఈ నేపథ్యంలోనే ఆమె జారెన్​ను ఆస్పత్రికి తీసుకెళ్లినప్పుడు.. అతను హైపర్​ట్రికోసిస్ అనే మెడికల్ సమస్యతో ఇబ్బంది పడుతున్నట్లు వైద్యులు గుర్తించారు. 

వంద బిలియన్స్​లో ఒకరికి..

వేర్​ వోల్ఫ్ సిండ్రోమ్​ అనేది చాలా రేర్ కేస్​ అని.. ప్రపంచవ్యాప్తంగా 50 నుంచి 100 మందికి మాత్రమే ఈ అరుదైన సిండ్రోమ్ వచ్చిందని వారు స్పష్టం చేశారు. ఇది ప్రతి వంద బిలియన్ మందిలో ఒకరిని మాత్రమే ప్రభావితం చేస్తుందని తెలిపారు. ఈ సమస్యకు చికిత్స లేనప్పటికీ.. లేజర్, హెయిర్ రిమూవల్ చికిత్సలు కాస్త ఉపశమనం ఇస్తాయని వెల్లడించారు. నాలుగు నుంచి ఆరు వారాల్లో పది సేషన్​లు చేయడం వల్ల వెంట్రుకలు తగ్గే అవకాశముందని తెలిపారు. కానీ ఈ వైద్యం కాస్త ఖర్చుతో కూడుకున్నదే. 

హైపర్​ట్రికోసిస్ అంటే ఏమిటి? చికిత్స ఉందా?

హైపర్​ట్రికోసిస్, వేర్​ వోల్ఫ్ సిండ్రోమ్ అనేది ఓ వ్యక్తి శరీరంలోని ప్రతి భాగంపై జుట్టు పెరిగేలా చేస్తుంది. సాధారణంగా ఉండే జుట్టు కంటే ఎక్కువగా వస్తుంది. ఇది చాలా అరుదైన పరిస్థితి. పిల్లలు పుట్టిన తర్వాత వారు పెరిగే కొద్ది వెంట్రుకలు అభివృద్ధి చెందుతాయి. దీనివల్ల కాస్మోటిక్ ఇబ్బందులు కలుగుతాయి. ఈ సమస్యకు చికిత్సలు పరిమితంగా ఉంటాయి. పైగా ఇవి పూర్తి ఫలితాలను ఇవ్వవు. అయితే జుట్టు పెరుగుదల మనిషి ఉంటున్న ప్రదేశం, అతని అలవాట్లపై ఆధారపడి ఉంటుంది.