Genetic Risk Factors for HPV Infections : HPV ఇన్ఫెక్షన్​తో జెనిటిక్స్​కు లింక్​ ఉందట.. మహిళల్లో ఆ క్యాన్సర్​ని ఇదే రెట్టింపు చేస్తుందన్న న్యూ స్టడీ 

Causes for Cervical Cancer : కొన్ని జెనిటిక్స్ HPV ఇన్ఫెక్షన్‌లతో సంబంధం కలిగి ఉన్నాయని తాజా అధ్యయనం తెలిపింది. ఇవి మహిళల్లో ఆ క్యాన్సర్​ ప్రమాదాన్ని పెంచుతాయని తెలిపింది. 

మహిళల్లో ఆ క్యాన్సర్ను రెట్టింపు చేస్తున్న జన్యువులు(Image Source : Unsplash)

High Risk HPV turns to Cancer in Women : హ్యూమన్ పాపిల్లోమా వైరస్ (HPV) అనేది మహిళల్లో రెండోవ అత్యంత సాధారణ క్యాన్సర్ కారక వైరస్. దీనివల్ల ప్రపంచవ్యాప్తంగా ప్రతి సంవత్సరం దాదాపు ఏడు లక్షల మంది గర్భాశయ, వివిధ క్యాన్సర్ల​ బారిన పడుతున్నారు. అయితే దీనిపై పరిశోధకులు ఓ కొత్త అధ్యయనం చేయగా దానిలో షాకింగ్ విషయాలు బయటపడ్డాయి. కొందరు మహిళల్లో HPV ఇన్‌ఫెక్షన్‌లకు జన్యుపరమైన గ్రహణశీలత కూడా ఓ కారణమని అధ్యయనంలో పరిశోధకులు గుర్తించారు. ఈ జన్యు వైవిధ్యాలు అత్యంత ప్రమాదకరమైన HP వైరస్​ నుంచి గర్భాశయ క్యాన్సర్​ వచ్చేలా చేస్తున్నట్లు తెలిపారు. 

పదివేలమందిపై పరిశోధన

ఈ తాజా అధ్యయనం గురించి ది యూరోపియన్ జర్నల్​ ఆఫ్ హ్యూమన్ జెనిటిక్స్​లో ప్రచురించారు. ఈ స్టడీలో భాగంగా పదివేల మంది మహిళలపై పరిశోధకులు స్టడీ చేశారు. హై రిస్క్ HPV ఇన్ఫెక్షన్​ల గురించి, జన్యు వ్యాప్తిపై అసోసియేషన్ అధ్యయనం చేసింది. దీనిని డేటా ఆఫ్రికన్ కోలాబరేటివ్ సెంటర్ ఫర్ మైక్రోబయోమ్ అండ్ జెనోమిక్స్ రీసెర్చ్​లో భాగంగా సేకరించింది. ఈ స్టడీలో పాల్గొన్నవారిలో మొత్తం 903 మంది మహిళల్లో హైరిస్క్ HPV ఇన్ఫెక్షన్​లు ఉన్నాయి. వీరిలో 224 మందికి HPV ఇన్ఫెక్షన్​ అనేది పరిష్కారమైంది. కానీ మిగిలిన 679 మందికి ఈ ఇన్ఫెక్షన్ కంటిన్యూ అయినట్లు గుర్తించారు. మిగిలిన వారంతా HPV ఇన్ఫెక్షన్​ నెగిటివ్​గా స్టడీలో ఉన్నట్లు పరిశోధకులు తెలిపారు. 

ఆ క్యాన్సర్​ను ప్రమాదాన్ని రెట్టింపు చేస్తుంది..

యూనివర్శిటీ ఆఫ్ మేరీ ల్యాండ్ స్కూల్​ ఆఫ్ మెడిసిన పరిశోధకులు ఈ అంశంపై పరిశోధన చేశారు. ఈ పరిశోధనలో మహిళల్లోని జన్యు వైవిధ్యాలు HPV సంక్రమణ ద్వారా ప్రాణాంతకమైన గర్భాశయ క్యాన్సర్​ను వచ్చే అవకాశాలు పెంచుతున్నాయని గుర్తించారు. నిర్దిష్టమైన జన్యు వైవిధ్యాలు.. HPV ఇన్ఫెక్షన్​లతో సంబంధం కలిగి ఉన్నట్లు కనుగొన్నారు. మూనవ ల్యూకోసైట్​ యాంటిజెన్ (HLA) అనే జన్యువులు.. HPV ఇన్ఫెక్షన్​లతో సంబంధం కలిగి ఉన్నాయని పరిశోధకులు పేర్కొన్నారు. ఇవి గర్భాశయ క్యాన్సర్​ను అభివృద్ధి చేసే ప్రమాదాన్ని పెంచుతాయని తెలిపారు. 

ఆ జెనిటిక్సే కారణం..

మానవ ల్యూకోసైట్ యాంటిజెన్ జన్యువులు.. నిరంతరం ఇన్ఫెక్షన్‌లతో సంబంధం కలిగి ఉంటాయని పరిశోధనలో పాల్గొన్న ప్రొఫెసర్ తెలిపారు. ఇవి గర్భాశయ క్యాన్సర్‌ను అభివృద్ధి చేసే ప్రమాదాన్ని పెంచుతాయని తెలిపారు. దీనిప్రకారం కొందరు మహిళలు రెగ్యూలర్​గా ఈ HPV ఇన్‌ఫెక్షన్‌లతో ఇబ్బంది పడే అవకాశముందని తెలిపారు. దీనివల్ల గర్భాశయ క్యాన్సర్​ వచ్చే ప్రమాదం ఎక్కువగా ఉంటుందని వెల్లడించారు. 

HPV ఇన్ఫెక్షన్​ కారకాలు, లక్షణాలు

HPV అనేది అత్యంత సాధారణ STIగా చెప్పవచ్చు. ఈ వైరస్​ ఉన్నవారితో యోని, ఓరల్​గా లైంగిక చర్యలో పాల్గొన్నప్పుడు ఈ వైరస్​ వ్యాప్తి చెందుతుంది. సాధారణంగా యోని లేదా అంగ సంపర్క సమయంలో ఇది వ్యాపిస్తుంది. HPV ఇన్​ఫెక్షన్ ఉన్న వ్యక్తి నుంచి ఎలాంటి సంకేతాలు లేకుండా కూడా ఈ వ్యాప్తి జరుగుతుంది. జననేంద్రియ ప్రాంతంలో మొటిమలు, క్యాన్సర్​తో సహా వివిధ ఆరోగ్య సమస్యలు దీనివల్ల వస్తాయి. ఈ వైరస్ రాకుండా నిరోధించే వ్యాక్సిన్​లు కూడా ఉన్నాయి.