News
News
X

అల్ బుకరా పండ్లు కనిపిస్తే కచ్చితంగా తినండి, ఈ సమస్యలనీ దూరం అయిపోతాయి

కొంచెం పుల్లగా, కొంచెం తియ్యగా ఉండే అల్ బుకరా పండ్లు తీసుకోవడం వల్ల అనేక ఆరోగ్య ప్రయోజనాలు పొందవచ్చు.

FOLLOW US: 
Share:

చాలా మంది ఇష్టంగా తినే పండ్లు అల్ బుకరా. రోగనిరోధక శక్తిని పెంచడంతో పాటు సీజనల్ గా వచ్చే ఆరోగ్య సమస్యలని కూడా ఇది సమర్థవంతంగా ఎదుర్కొంటుంది. ఎన్నో పోషకాలు కలిగిన ఈ పండ్లు తినడం వల్ల అనేక ఆరోగ్య ప్రయోజనాలు పొందవచ్చు. కొంచెం పుల్లగా, కొంచెం తియ్యగా ఉండే ఈ పండ్లు నోటికి చాలా రుచిగా ఉంటాయి. విటమిన్లు, ఖనిజాలు, ఫైబర్ తో నిండి ఉన్నాయి. ఇవి అనేక దీర్ఘకాలిక వ్యాధులని అభివృద్ధి చేసే అవకాశాన్ని తగ్గిస్తాయి. ఈ పండ్లతో నోరూరించే కేకులు, జామ్, ఊరగాయ , స్వీట్లు కూడా తయారు చేస్తారు. ఇందులోని యాంటీ ఆక్సిడెంట్ గుణాలు జీవక్రియని మెరుగుపరిచి రక్తప్రసరణ పెంచేందుకు సహాయపడతాయి.

గుండెకి మేలు: అల్ బుకరా పండ్లు తినడం వల్ల గుండె ఆరోగ్యాన్ని మెరుగుపరుస్తుంది. ఇందులో యాంటీ యాక్సిడెంట్లు అధికంగా ఉంటాయి. ఇవి ఫ్రీ రాడికల్స్ తో పోరాడతాయి. గుండె జబ్బులు, స్ట్రోక్ ప్రమాదాన్ని తగ్గిస్తాయి.

కొలెస్ట్రాల్ తగ్గిస్తుంది: వీటిలో ఫైబర్ సమృద్ధిగా లభిస్తుంది. ఇది కొలెస్ట్రాల్ స్థాయిలని తగ్గిస్తుంది. కాలేయం కొలెస్ట్రాల్ ఉత్పత్తి చేయకుండా ఆపుతుంది.

ఎముకలకి మంచిది: ఈ పండ్లలో లభించే బోరాన్ ఎముకల ఆరోగ్యాన్ని కాపాడటంలో కీలకంగా వ్యవహరిస్తుంది. ఇందులో అదనంగా ఫినాలిక్, ఫ్లేవనాయిడ్ రసాయనాలు ఉన్నాయి. ఇవి ఎముకలకి నష్టం కలగకుండా కాపాడతాయి.

రోగనిరోధక శక్తి ఇస్తుంది: ఫ్లూ, జలుబు, జ్వరాలతో పోరాడేందుకు అవసరమైన రోగనిరోధక శక్తిని ఇవ్వడంలో సహాయపడుతుంది. సీజనల్ వ్యాధులు రాకుండా అడ్డుకుంటుంది. ఈ పండులోని గుజ్జు కణజాలాల పెరుగుదలని ప్రోత్సహిస్తుంది.

చర్మానికి మంచిది: అల్ బుకరా పండ్లు తీసుకోవడం వల్ల చర్మం బిగుతుగా మారుతుంది. ముడతలని తగ్గిస్తుంది. చర్మం యవ్వనంగా కనిపించేలా చేస్తుంది. అందుకోసం క్రమం తప్పకుండా ఈ పండ్ల జ్యూస్ తీసుకుంటే మంచిది.

మలబద్ధకం పోగొడుతుంది: ఈ పండ్లలో ఇసాటిన్, సార్బిటాల్ ఉన్నాయి. ఇవి మలబద్ధకాన్ని తగ్గించడానికి జీర్ణక్రియని మెరుగుపరచడంలో సహాయపడతాయి. వీటిని ఎండబెట్టిన తర్వాత తీసుకుంటే గట్ ఆరోగ్యాన్ని కాపాడుతుంది.

గర్భిణులకి మేలు: ఇందులో ఫోలిక్ యాసిడ్ ఎక్కువగా ఉంటుంది. గర్భిణీ స్త్రీలకి ఇది చాలా మేలు చేస్తుంది. ఇవి తినడం వల్ల కడుపులోని బిడ్డ ఎదుగుదల బాగుంటుంది. రక్తహీనతని తగ్గిస్తుంది.

పెదవులకి రంగునిస్తుంది: నల్లని పెదవులు అందాన్ని చెడగొట్టేస్తాయి. అందుకే పెదాల సంరక్షణ కూడా అవసరం. ఎర్రటి పెదవులు పొందటం కోసం ఇవి బాగా ఉపయోగపడతాయి. ఎర్రగా ఉండే ఈ పండ్ల తొక్కలతో పెదవులు మర్దన చేసుకోవచ్చు. దాని వల్ల నల్లగా ఉండే పెదవులు ఎర్రగా కనిపిస్తాయి.

జుట్టుకి మేలు: జుట్టు రాలకుండా చేస్తుంది. చుండ్రు సమస్యని నివారిస్తుంది. జుట్టు కుదుళ్లు బలపడేందుకు సహాయపడుతుంది.

రక్తపోటు నియంత్రణ: రోజుకి 3 లేదా 4 పండ్లు తీసుకోవడం వల్ల అధిక రక్తపోటు అదుపులోకి వస్తుంది.

గమనిక: పలు అధ్యయనాలు, పరిశోధనల నుంచి సేకరించిన సమాచారాన్ని ఇక్కడ యథావిధిగా అందించాం. ఇది వైద్య నిపుణుల సూచనలకు ప్రత్యామ్నాయం కాదు. తప్పకుండా వైద్యుడు లేదా ఆహార నిపుణుల సలహా తీసుకున్న తర్వాతే ఈ ఆహారాన్ని మీ డైట్‌లో చేర్చుకోవాలి. ఈ సమాచారం కేవలం మీ అవగాహన కోసమే.

Also Read: శీతాకాలంలో పిల్లలకి కచ్చితంగా పెట్టాల్సిన ఆహారాలు ఇవే

Published at : 26 Nov 2022 02:49 PM (IST) Tags: Healthy Heart Skin Care Aloo Bukhara Fruits Aloo Bukhara Fruit Benefits Plum Health Benefits

సంబంధిత కథనాలు

Prawns Recipe: గోంగూర రొయ్యల ఇగురు - వేడి వేడి అన్నంతో అదిరిపోతుంది

Prawns Recipe: గోంగూర రొయ్యల ఇగురు - వేడి వేడి అన్నంతో అదిరిపోతుంది

Vitamin D: మనదేశంలో ప్రతి నలుగురిలో ముగ్గురికి విటమిన్ డి లోపం - చెబుతున్న టాటా ల్యాబ్స్ సర్వే

Vitamin D: మనదేశంలో ప్రతి నలుగురిలో ముగ్గురికి విటమిన్ డి లోపం - చెబుతున్న టాటా ల్యాబ్స్ సర్వే

Relationshipe: సహోద్యోగులతో స్నేహబంధం బలపడాలంటే ఐదు మార్గాలు ఇవిగో

Relationshipe: సహోద్యోగులతో స్నేహబంధం బలపడాలంటే ఐదు మార్గాలు ఇవిగో

Periods: పీరియడ్స్ ఆలస్యం అవుతున్నాయా? ఈ ఐదు ఆహారాలూ సమయానికి వచ్చేలా చేస్తాయి

Periods: పీరియడ్స్ ఆలస్యం అవుతున్నాయా? ఈ ఐదు ఆహారాలూ సమయానికి వచ్చేలా చేస్తాయి

Leftover Food: మిగిలిపోయాయి కదా అని ఈ ఆహారాలను దాచుకొని తింటే అనారోగ్యమే

Leftover Food: మిగిలిపోయాయి కదా అని ఈ ఆహారాలను దాచుకొని తింటే అనారోగ్యమే

టాప్ స్టోరీస్

Nizamabad News KTR : దేశానికి బీజేపీ చేసిందేమీ లేదు - ఎన్నికలకు ఎప్పుడయినా రావొచ్చన్న కేటీఆర్ !

Nizamabad News KTR : దేశానికి బీజేపీ చేసిందేమీ లేదు - ఎన్నికలకు ఎప్పుడయినా రావొచ్చన్న కేటీఆర్ !

CCL 2023: మూడేళ్ల తర్వాత జరగనున్న సెలబ్రిటీ క్రికెట్ లీగ్ - క్రికెటర్లుగా మారనున్న హీరోలు!

CCL 2023: మూడేళ్ల తర్వాత జరగనున్న సెలబ్రిటీ క్రికెట్ లీగ్ - క్రికెటర్లుగా మారనున్న హీరోలు!

Jagan To Delhi : అమరావతిలోనే సీఎం జగన్ -మరి టూర్లు ఎందుకు క్యాన్సిల్ ? ఢిల్లీకి ఎప్పుడు ?

Jagan To Delhi : అమరావతిలోనే సీఎం జగన్ -మరి టూర్లు ఎందుకు క్యాన్సిల్ ? ఢిల్లీకి ఎప్పుడు ?

Australian Open 2023: చరిత్ర సృష్టించిన సబలెంకా - మొదటి గ్రాండ్‌స్లామ్ విజేతగా నిలిచిన బెలారస్ ప్లేయర్!

Australian Open 2023: చరిత్ర సృష్టించిన సబలెంకా - మొదటి గ్రాండ్‌స్లామ్ విజేతగా నిలిచిన బెలారస్ ప్లేయర్!