Heart diseases : మీ పాదాలు ఇలా మారుతున్నాయా? గుండె ప్రమాదంలో ఉన్నట్లే!

గుండె సమస్యల గురించి మన శరీరం మనకు వివిధ మార్గాల్లో సంకేతాలు ఇస్తుంది. వీటిలో ఒకటి కాళ్ల వాపు. మీకు ఈ సమస్య వచ్చిన మీరు వెంటనే వైద్యుడిని సంప్రదించాలి.

Photo Credit : Pexels

మన శరీరంలో రక్త ప్రసరణ సక్రమంగా సాగేలా చూసేది గుండె. అందులో ఏ చిన్న సమస్య ఏర్పడినా గుండె జబ్బులు ఉన్నట్లు సంకేతం. అయితే, మన శరీరం ముందుగానే కొన్ని సంకేతాలు ఇచ్చి మనల్ని అలెర్ట్ చేస్తుంది. వాటిని గానీ మనం ముందుగానే తెలుసుకోగలిగితే డాక్టర్‌ను సంప్రదించి.. ప్రాణాలు కాపాడుకోవచ్చు. ముఖ్యంగా మీ పాదాలు మీ గుండె ఆరోగ్యాన్ని ముందే చెప్పేస్తాయి. అదెలాగో చూడండి.

⦿ షూస్, సాక్స్‌లను తీసే సమయంలో మీ పాదాలకు సాక్స్ గుర్తులు ఉన్నాయో లేదో గమనించండి. గుర్తులు ఉన్నట్లయితే.. అది పెరిఫెరల్ ఎడెమా లక్షణం కావచ్చు.

⦿ కాలి పాదాల్లో నీరు చేరడాన్ని పెరిఫెరల్ ఎడెమా అంటారు. ఫలితంగా పాదాల్లో వాపు ఏర్పడుతుంది. గుండె సమస్యల వల్ల కూడా ఇది ఏర్పడవచ్చు.

⦿ ఈ సమస్య ఏర్పడితే గుండె ఆగిపోయే ప్రమాదం ఉంది. గుండె రక్తాన్ని సరిగ్గా పంప్ చేయలేనప్పుడు రక్తనాళాల నుంచి ద్రవం లీకై చుట్టుపక్కల కణజాలాల్లో పేరుకు పోతుంది.

⦿ పెరిఫెరల్ ఎడెమాతో బాధపడుతున్న చాలా మందికి గుండె జబ్బులు లేనప్పటికీ, ఇది హృదయ సంబంధ సమస్యలకు సంకేతం.

⦿ కాళ్లలో వాపు సమస్య కొనసాగితే మీ గుండె సరిగా పనిచేయడం లేదని సంకేతం. అంటే గుండె చాలా బలహీనంగా మారిందని, అది సరిగ్గా పంప్ చేయలేకపోవడమే. 

ఇవి గుండె వైఫల్యానికి సంకేతాలు :

- నిరంతర దగ్గు

- శ్వాసలో గురక

- ఉబ్బరం

- ఆకలి లేకపోవడం

- బరువు పెరగడం

- బరువు తగ్గడం

- గందరగోళం

- వేగవంతమైన హృదయ స్పందన.

గుండె వైఫల్యం ఎందుకు సంభవించవచ్చు?

కోవిడ్ -19 కారణంగా, శరీరంలోని హృదయనాళ వ్యవస్థ ప్రభావితమవుతుందని, దీని కారణంగా భవిష్యత్తులో గుండె ఆగిపోయే సంఖ్య పెరుగుతుందని నిపుణులు భావిస్తున్నారు. ఒక అధ్యయనం ప్రకారం, తేలికపాటి కోవిడ్ లక్షణాలతో బాధపడుతున్న రోగులలో గుండె ఆగిపోయే ప్రమాదం 72 శాతం ఉంది. ఏ వయసు వారైనా దీని బారిన పడవచ్చు. అంతే కాకుండా ఊబకాయం, రక్తపోటు, మధుమేహం, తీవ్రమైన కిడ్నీ సమస్యలు, హైపర్లిపిడెమియా వంటి సమస్యలతో బాధపడేవారు కూడా రావచ్చు. ఇది మాత్రమే కాదు, గుండె జబ్బులు లేని వారు కూడా కోవిడ్ -19 బారిన పడటం వల్ల గుండె జబ్బులకు గురవుతారని నిపుణులు చెబుతున్నారు. 

ఎలా నివారించాలి:

చురుకైన జీవనశైలిని అనుసరించండి, వ్యాయామం చేయండి, నడవండి, మెట్లు ఎక్కడం, వేయించిన ఆహారాన్ని నివారించండి, మద్యపానం తగ్గించండి, ధూమపానం పూర్తిగా మానేయండి. ఎప్పటికప్పుడు మిమ్మల్ని మీరు పరీక్షించుకుంటూ ఉండండి.

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.