Veg Protein Meal Plan : ప్రోటీన్ పౌడర్ లేకుండానే రోజుకు 100 గ్రాముల ప్రోటీన్.. బడ్జెట్ ఫ్రెండ్లీ వెజ్ మీల్ ప్లాన్
Vegetarian Diet : ప్రోటీన్ పౌడర్ లేకుండా వెజ్ మీల్ ప్లాన్ చేసుకోవచ్చని పోషకాహార నిపుణులు చెప్తున్నారు. 100 గ్రాముల ప్రోటీన్ కోసం తక్కువ ఖర్చులో ఎలా ప్లాన్ చేసుకోవచ్చంటే..
High-Protein Vegetarian Diet Plan : శాఖాహార ఆహారంలో ప్రోటీన్ ఆప్షన్స్ తక్కువని.. కాబట్టి అవసరమైన ప్రోటీన్ తీసుకోవడం కష్టమని చెబుతారు. అలా ఫిట్నెస్ పరంగా చూస్తే.. ప్రోటీన్ టార్గెట్ను చేరుకోవడానికి ప్రోటీన్ పౌడర్, దిగుమతి చేసుకున్న సూపర్ ఫుడ్స్, కఠినమైన మీల్ ప్లాన్ అవసరం అనిపిస్తుంది. కానీ వాస్తవం దీనికి భిన్నంగా ఉంటుంది. ఎందుకంటే మన కిచిన్లోనే ప్రొటీన్కి సంబంధించి ఎన్నో ఫుడ్స్ ఉన్నాయి. సరైన అవగాహన ఉంటే.. వాటితో బలమైన అధిక-ప్రోటీన్ ఉన్న వెజ్ డైట్ను తయారు చేయవచ్చు.
న్యూట్రిషనిస్ట్ ఖుషి చాబ్రా.. తన ఇన్స్టాగ్రామ్ పోస్ట్లో ఇదే విషయాన్ని వివరించారు. ప్రోటీన్ పొందడానికి నాన్వెజ్ లేదా సప్లిమెంట్స్ అవసరమే లేదన్నారు. ప్రోటీన్ పౌడర్ లేకుండా పూర్తిగా శాఖాహారంతో, బడ్జెట్-ఫ్రెండ్లీ డైట్తో కూడా రోజుకు 100 గ్రాముల ప్రోటీన్ పొందవచ్చని ఆమె చెప్పారు. దీనికోసం ఓ మీల్ ప్లాన్ కూడా సూచించారు.
మార్నింగ్ ప్రోటీన్ కోసం..
ఉదయం వేయించిన అవిసె గింజలతో రోజు ప్రారంభించవచ్చని ఖుషి చాబ్రా చెప్పారు. ఇది దాదాపు 2 గ్రాముల ప్రోటీన్ అందిస్తుంది. కావాలంటే గుమ్మడికాయ గింజలు లేదా చియా సీడ్స్ కూడా చేర్చుకోవచ్చు.
బ్రేక్ఫాస్ట్ కోసం
బ్రేక్ఫాస్ట్లో మీరు హోల్ వీట్ వెజ్ పనీర్ శాండ్విచ్, గ్రీక్ యోగర్ట్ లేదా స్కైర్ కర్డ్ తీసుకోవచ్చు. ఇది దాదాపు 15 గ్రాముల ప్రోటీన్ అందిస్తుంది. పనీర్ తినని వారికి టోఫు సులభమైన రిప్లేస్మెంట్.
మిడ్-మార్నింగ్ స్నాక్
మిడ్-మార్నింగ్లో మీరు బాదం, జామ వంటి పండ్లను కలిపి తీసుకోవచ్చు. ఇందులో మీకు దాదాపు 6 గ్రాముల ప్రోటీన్ లభిస్తుంది. ఇది శక్తిని నిర్వహించడానికి సహాయపడుతుంది. భోజనం మధ్య ఎక్కువ గ్యాప్ రాకుండా చూస్తుంది.
View this post on Instagram
మధ్యాహ్న భోజనం కోసం
మధ్యాహ్న భోజనంలో దాదాపు 41 గ్రాముల ప్రోటీన్ లభిస్తుంది. ఇందులో హోల్ వీట్ చపాతీ, మసాలా సోయా చంక్స్, పెసరపప్పు, కూరగాయలు ఉన్నాయి. ప్రత్యామ్నాయంగా మీరు మసూర్ పప్పు లేదా టోఫు కూడా తీసుకోవచ్చు.
జంక్ లేకుండా ఈవెనింగ్ స్నాక్
సాయంత్రం మీరు మఖానా వెజ్ చాట్, పైన టోఫు, స్ప్రౌట్స్ వేసి చాట్ చేసుకోవచ్చు. అలాగే దానికి కాంబినేషన్ హెర్బల్ అల్లం టీ తీసుకోవచ్చు. ఇది దాదాపు 13 గ్రాముల ప్రోటీన్ అందిస్తుంది.
నైట్ డిన్నర్ కోసం
రాత్రి భోజనంలో శనగపిండి చిల్లా, చట్నీ, రైతా తీసుకోవాలి. ఇవి దాదాపు 26 గ్రాముల ప్రోటీన్ అందిస్తాయి. ఇందులో మీరు పెసరపప్పు చిల్లా లేదా టోఫు ఆధారిత రైతాను కూడా మంచి ఎంపికలుగా తీసుకోవచ్చు.
రోజంతా ఈ ప్లాన్ ప్లాన్ ఫాలో అయితే దాదాపు 103 గ్రాముల ప్రోటీన్ శరీరానికి అందుతుంది. ఇది 1500 నుంచి 1800 కేలరీలను అందిస్తుంది. దీని కోసం ఎక్కువ ఖర్చు కూడా చేయాల్సిన అవసరం లేదు. సప్లిమెంట్స్ బాధ కూడా ఉండదు.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
Before You Go
Simple Yoga for Body Fat | చెడు కొవ్వును సింపుల్ యోగాసనాలతో దూరం చేయండి
టాప్ హెడ్ లైన్స్
ట్రెండింగ్ వార్తలు
