![ABP Premium](https://cdn.abplive.com/imagebank/Premium-ad-Icon.png)
Groom Beats Bride: Video - వేదిక మీదే వధువును కొట్టిన వరుడు, ఇది చూస్తే వాడిని కొట్టేంత కోపమొస్తుంది
పెళ్లి వేదిక మీదే వధువును కొట్టిన వరుడు. ఆ తర్వాత ఘనకార్యం చేసినవాడిలా బిల్డప్. ఈ వీడియో చూస్తే కోపం ఆగదు.
![Groom Beats Bride: Video - వేదిక మీదే వధువును కొట్టిన వరుడు, ఇది చూస్తే వాడిని కొట్టేంత కోపమొస్తుంది groom beats his new wife at their wedding after she won a game on stage during toast in Uzbekistan Groom Beats Bride: Video - వేదిక మీదే వధువును కొట్టిన వరుడు, ఇది చూస్తే వాడిని కొట్టేంత కోపమొస్తుంది](https://feeds.abplive.com/onecms/images/uploaded-images/2022/06/14/aaa1be51c47dce80217a5ad601fb28f6_original.jpg?impolicy=abp_cdn&imwidth=1200&height=675)
పెళ్లిలో వధువరుల కుటుంబికుల మధ్య గొడవలు జరగడం సాధారణమే. దానివల్ల ఒక్కోసారి పెళ్లిల్లు కూడా మధ్యలో ఆగిపోతుంటాయి. ఇటీవల వధువులు కూడా చాలా స్ట్రాంగ్గా ఉంటున్నారు. వరుడు తాగి మండపానికి వచ్చినా, అతడి ప్రవర్తన నచ్చకపోయినా, ఓవర్ యాక్షన్ చేసినా.. మండపం మీదే వారికి తగిన బుద్ధి చెబుతున్నారు. పెద్దలు చెప్పినా వినకుండా ఆ పెళ్లిని రద్దు చేసుకుంటున్నారు. అయితే, ఈ వధువు పరిస్థితి అలా కాదు. వేదికపై తనను కొట్టిన వరుడినే పెళ్లి చేసుకుంది. అదేంటీ? వేదిక మీద ఆమెను అలా కొడితే తల్లిదండ్రులు ఏం చేస్తున్నారు? ఆమె బంధువులు ఏం ఎలా ఊరుకున్నారనేగా మీ సందేహం? మీకు వచ్చిన సందేహామే చాలామందికి వస్తోంది.
ఏం జరిగింది?: సోషల్ మీడియాలో వైరల్గా చక్కర్లు కొడుతున్న ఈ ఘటన ఉజ్బెకిస్థాన్లో చోటుచేసుకుంది. పెళ్లిలో భాగంగా వధువరులకు ఒక గేమ్ పెట్టారు. అయితే, అది ఏం ఆటో తెలియదుగానీ, దాన్ని వధువు చాలా వేగంగా పూర్తిచేసి తన ఎడమ చేతిని పైకెత్తింది. ఆ గేమ్లో వధువు గెలిచినట్లు ప్రకటించారు. ఓటమిని తట్టుకోలేకపోయిన వరుడు, ఆమెను తలపై బలంగా కొట్టాడు. దీంతో వధువుతోపాటు అక్కడున్న అతిథులంతా షాకయ్యారు. అయితే, ఒక్కరు కూడా ఆ ఘటనను పట్టించుకోలేదు. కేవలం ఆ వధువు తల్లి వచ్చి వరుడిని ఎందుకు కొట్టావని అడగడం కనిపించింది.
ఘనకార్యం చేసినవాడిలా పోజు: వరుడు మాత్రం ఆమెను కొట్టిన తర్వాత ఏదో ఘనకార్యం చేసినట్లుగా నిటారుగా నిలబడ్డాడు. ఈ వీడియో చూసి నెటిజనులు ఆగ్రహంతో రగిలిపోతున్నారు. ఆమె ఆ పెళ్లిని రద్దు చేసుకోవచ్చు కదా అని అంటున్నారు. ‘‘ఆమె నా కూతురైతే.. ఆ వరుడు అంబులెన్సులో హాస్పిటల్కు వెళ్లేవాడు’’ అని కామెంట్ చేశాడు. ఇంకొకరు.. ‘‘ఆమెకు అన్నతమ్ముళ్లు లేరా? ఆమెను అలా అందరి ముందు కొడితే? ఏం చేస్తున్నారు? అదే నేనైతే ఆ వరుడి మక్కెలు ఇరగదీసేవాడిని’’ అని మరొకరు అన్నారు. పెళ్లిలో అందరి ముందు ఆమెను కొట్టిన వ్యక్తి భవిష్యత్తులో ఆమెకు నరకం చూపుతాడని, ఆ పెళ్లి రద్దు చేసుకుంటే.. ఆమెను కాపాడినవారు అవుతారని మరికొందరు అంటున్నారు. ఈ వీడియో చూస్తే మీకు కూడా అదే అనిపిస్తుంది.
Also Read: చేపలు తింటే చర్మ క్యాన్సర్ వస్తుందా? షాకింగ్ న్యూస్ చెప్పిన పరిశోధకులు
Also Read: కీలక నిర్ణయాలు తీసుకొనే ముందు సెక్స్ చేయాలట! నిపుణులు ఏం చెప్పారో చూడండి
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)