First Flight Experience : మొదటిసారి విమానంలో ప్రయాణిస్తుంటే ఫాలో అవ్వాల్సిన టిప్స్ ఇవే.. ఆ విషయం అస్సలు మరచిపోకండి

First Flight Journey : కొందరు విమానాల్లో రెగ్యులర్​గా ప్రయాణిస్తూ ఉంటారు. కానీ కొందరు ఇప్పటికీ ఫ్లైట్ జర్నీ చేసి ఉండరు. అలాంటి వారు మొదటిసారి విమాన ప్రయాణం చేస్తుంటే కొన్ని టిప్స్ ఫాలో అవ్వాలి.  

మొదటిసారి విమానంలో ప్రయాణిస్తే ఫాలో అవ్వాల్సిన టిప్స్ ఇవే (Image Source : Envato)

Source : envato

Tips to Follow for First Flight Journey : రోడ్ జర్నీ, ట్రైన్ జర్నీని కొందరు రెగ్యులర్​గా చేస్తారు. కానీ ఎన్ని ఏళ్లు గడిచినా.. విమాన ప్రయాణం చేయనివారు కూడా ఉంటారు. అలాంటివారు మొదటిసారి ఫ్లైట్ జర్నీ చేయాల్సి వస్తే చాలా కంగారు పడిపోతూ ఉంటారు. కొన్ని బేసిక్స్ ఫాలో అయితే మీరు విమాన ప్రయాణం చేసేప్పుడు ఎలాంటి భయం ఉండదు. ఎయిర్​పోర్ట్​కి వెళ్లడం, ప్రయాణం కోసం సిద్ధం కావడం నుంచి బోర్డింగ్ వరకు ఎలాంటి జాగ్రత్తలు తీసుకోవాలో ఇప్పుడు చూసేద్దాం. 

జర్నీకి ముందు తీసుకోవాల్సిన జాగ్రత్తలు

మీరు ప్రయాణిస్తున్న విమానం డిటైల్స్​ను ఆన్​లైన్​లో చెక్ చేసుకోవాలి. అలాగే మీ బోర్డింగ్ పాస్​ని ప్రింట్ తీసుకోవడం లేదా డౌన్​లోడ్ చేసి పెట్టుకోవాలి. ప్రింట్ తీసుకుంటే మరీ మంచిది. ఐడీ ప్రూఫ్, పాస్​పోర్ట్, విసా(అవసరమైతే) కచ్చితంగా తీసుకుని వెళ్లాలి. బ్యాగేజ్ పాలసీ ప్రకారం మీ లగేజ్​ని ప్యాక్ చేసుకోవాలి. ప్రయాణానికి కంఫర్టబుల్, లేయరింగ్ పద్ధతిలో డ్రెస్​లు వేసుకుంటే కంఫర్టబుల్​గా ఉంటుంది. 

ఎయిర్​పోర్ట్​కి వెళ్లేందుకు.. 

మీరు విమాన ప్రయాణం చేసేప్పుడు కచ్చితంగా ఎయిర్​పోర్ట్​కి మీ ఫ్లైట్​ జర్నీ మొదలయ్యే 2 గంటల ముందే చేరుకోవాలి. కౌంటర్​లో చెక్​ ఇన్​ అవ్వాలి. సెక్యూరిటీ చెక్, స్క్రీనింగ్, డాక్యుమెంట్ వెరిఫికేషన్ చేయించుకోవాల్సి ఉంటుంది. బ్యాగేజ్​ని డ్రాప్ ఆఫ్ చేసుకోవాలి. 

బోర్డింగ్ 

మీ బోర్డింగ్ పాస్​ను గేట్​ ఏజెంట్​కు సబ్​మీట్ చేయాలి. అప్పుడు వారు ఫ్లైట్ ఎక్కేందుకు అనుమతిస్తారు. జర్నీకోసం మీకు ఎంపికైన సీట్​లోకి వెళ్లి కూర్చోవడమే. ఫ్లైట్​లో ఇచ్చే ఇన్​స్ట్రక్షన్స్ ఫాలో అవ్వాలి. వాటర్​ని తాగి హైడ్రేటెడ్​గా ఉంటే మంచిది. స్నాక్స్ వంటివి తినొచ్చు. మ్యూజిక్ వినండి. 

ల్యాండింగ్ తర్వాత.. 

విమానం పూర్తిగా ఆగిన తర్వాత లేచి దిగి వెళ్లండి. మీ బ్యాగేజ్​ని క్లైమ్ చేసుకోండి. తర్వాత ప్రయాణానికి ట్యాక్సి లేదా ఇతర వాహన సదుపాయాలు ఉపయోగించుకోవచ్చు. 

టేకాఫ్ సమయంలో.. 

ఫ్లైట్ టేకాఫ్ అవుతున్న సమయంలో కొందరు టెన్షన్​తో ఇబ్బంది పడుతుంటారు. గుండెలో దడ వంటి భయం ఉండొచ్చు. అలాంటి వారు వీలైనంత రిలాక్స్​గా ఉండేందుకు ప్రయత్నించండి. మొదటిసారి ప్రయాణించాలనుకున్నప్పుడు ఎక్కువ సమయం ఉండేవి కాకుండా గంట, రెండు గంటల జర్నీ ఉండే విమాన ప్రయాణం చేయాలి. అప్పుడు ఫ్లైట్ అలవాటు అవుతుంది. దీనివల్ల మీరు ఎక్కువ దూరం ప్రయాణించాల్సి వచ్చినా.. తర్వాత ఎలాంటి ఇబ్బంది ఉండదు. 

మరిన్ని టిప్స్ 

మొదటిసారి ఫ్లైట్ జర్నీ చేసేప్పుడు.. కాస్త ఒత్తిడిగానే ఉంటుంది. కానీ కామ్​గా, ప్రశాంతంగా ఉంటే స్ట్రెస్ ఉండదు. ఫ్లైట్స్​ కొన్నిసార్లు లేట్ అవుతూ ఉంటాయి కాబట్టి కంగారు పడకపోవడం మంచిది. విమానంలో నుంచి వ్యూని ఎంజాయ్ చేస్తూ ఉంటే జర్నీ మీకు పెద్దగా కష్టమనిపించదు. 

ఈ సింపుల్, బేసిక్ టిప్స్ ఫాలో అయితే మీరు ఫ్లైట్ జర్నీ చేయాలంటే పెద్దగా ఇబ్బంది పడరు. ముఖ్యంగా జర్నీకి రెండు గంటల ముందే ఎయిర్​పోర్ట్కి చేరుకుంటే ప్రశాంతంగా జర్నీని ప్రారంభించవచ్చు. కాబట్టి ఈ విషయంలో అస్సలు అశ్రద్ధ చేయకపోవడమే మంచిది.