Night Sweats : రాత్రుళ్లు చెమట వల్ల నిద్ర రావట్లేదా? కారణాలు, తీసుకోవాల్సిన జాగ్రత్తలు ఇవే
Excessive Night Sweats : రాత్రుళ్లు అధికంగా చెమట రావడం వల్ల చాలామంది ఇబ్బంది పడతారు. మీరు కూడా అలాంటివారిలో ఒకరు అయితే.. చెమటకు కారణాలు, తీసుకోవాల్సిన జాగ్రత్తలు ఇక్కడున్నాయి. చూసేయండి.
- రాత్రిపూట అధిక చెమట: కారణాలు, నివారణ మార్గాలు తెలుసుకోండి.
- హార్మోన్ల మార్పులు, మందులు, టీబీ, ఇన్ఫెక్షన్లు కారణం కావచ్చు.
- గది ఉష్ణోగ్రత, దుప్పటి, ఆహారపు అలవాట్లు మార్చుకోవాలి.
- బరువు తగ్గడం, దగ్గు, జ్వరం ఉంటే వైద్యుడిని సంప్రదించండి.
Excessive Night Sweats Causes : రాత్రుళ్లు చాలామందికి చెమట వల్ల ఇబ్బంది కలుగుతుంది. అయితే ఇది కేవలం వేడి వల్ల మాత్రమే కాదు.. వివిధ కారణాల వస్తుందని చెప్తున్నారు ఆరోగ్య నిపుణులు. అసలు రాత్రుళ్లు చెమట అధికంగా రావడానికి కారణాలు ఏంటి? ఎలాంటి జాగ్రత్తలు తీసుకుంటే మంచిది? ఎప్పుడు వైద్యుడిని సంప్రదిస్తే మంచిదో తెలుసుకుందాం.
చెమటకు రెగ్యులర్ కారణాలు
చెమట ఎక్కువగా రావడానికి గది ఉష్ణోగ్రత, కప్పుకొనే దుప్పటి మందంగా ఉండడం, గాలి వెళ్లేందుకు వెంటిలేషన్ లేకపోవడం వంటి రొటీన్ కారణాలుగా ఉంటాయి. రాత్రి పడుకోముందు స్పైసీ ఫుడ్ తినడం, ఆల్కహాల్, కెఫిన్ తీసుకోవడం వల్ల కూడా చెమట్లు వస్తాయి. అయితే ఆరోగ్య సమస్య వల్ల కూడా చెమట అధికంగా వస్తుందని చెప్తున్నారు. అవేంటంటే..
ఆరోగ్య సమస్యలు ఉంటే..
మహిళల్లో మోనోపాజ్ సమయంలో చెమటలు ఎక్కువగా వస్తాయి. మోనోపాజ్ దశ ముందు, పీరియడ్స్ సమయంలో కూడా హార్మోన్ల మార్పుల వల్ల చెమటలు వస్తాయి. అలాగే పురుషుల్లో టెస్టోస్టిరాన్ తగ్గడం వల్ల కూడా ఇలా జరుగుతుంది. కొన్ని రకాల మందులు వాడటం వల్ల కూడా చెమట ఎక్కువగా వస్తుంది.
డిప్రెషన్ మందులు, జ్వరం తగ్గించే మందులు, బీపీకోసం వాడే మెడిసన్, స్టెరాయిడ్స్, మధుమేహ మెడిసన్ కూడా చెమటకు కారణమవుతాయి. టీబీ ఉన్నవారికి రాత్రుళ్లు చెమట పట్టడం కామన్. హెచ్ఐవీ, ఇతర ఇన్ఫెక్షన్లు ఉన్నవారికి, వైరల్ ఫీవర్స్ ఉన్నవారికి కూడా చెమటలు పడతాయి. యాంగ్జైటీ, ఒత్తిడి, థైరాయిడ్ వంటి ఆరోగ్య సమస్యల వల్ల కూడా స్వెట్ వస్తుంది.
తీసుకోవాల్సిన జాగ్రత్తలు
రూమ్ టెంపరేచర్ 18 నుంచి 22 డిగ్రీలు మధ్య ఉండేలా చూసుకోండి. తేలికగా ఉండే కాటన్ దుప్పటి వాడండి. నిద్రకు ముందు గదిలో ఫ్యాన్ లేదా ఏసీ ఆన్ చేయండి. పరుపు కూడా కాటన్ అయితే మంచిది. అలాగే నిద్రకు 2,3 గంటల ముందే డిన్నర్ చేయండి. స్పైసీ, ఆయిల్ ఫుడ్ తీసుకోకపోవడమే మంచిది. ఆల్కహాల్, కెఫీన్ తాగకండి. చల్లటి నీళ్లు తాగి పడుకోండి.
అలాగే రాత్రుళ్లు పడుకునేముందు గోరువెచ్చని నీటితో స్నానం చేయడం, ఒత్తిడి తగ్గించుకోవడానికి డీప్ బ్రీతింగ్, మెడిటేషన్ చేయడం మంచిది. నిద్రకు ముందు వ్యాయామం అధికంగా చేయకండి.
వైద్యుడిని ఎప్పుడు సంప్రదించాలంటే..
చెమట ఎక్కువగా పడుతున్నప్పుడు కొన్ని లక్షణాల గమనిస్తే వైద్య సహాయం తీసుకోవాలి. కారణం లేకుండా బరువు తగ్గడం, రాత్రుళ్లు దగ్గు, చెమట రావడం, జ్వరం, అలసట, గుండె వేగంగా కొట్టుకోవడం వంటి ఇబ్బందులు ఉంటే వైద్య సహాయం తీసుకోవాలి. వారానికి 2 లేదా 3 రాత్రులకంటే ఎక్కువగా చెమటలు వస్తున్నాయి లేదా ఎక్కువ కాలంగా ఈ సమస్య ఉంటే.. వైద్య సహాయం తీసుకోవాలి.
రాత్రుళ్లు చెమట పట్టడం అనేది చాలా సహజమైన విషయమే. కానీ అది మరీ ఎక్కువగా లేదా వివిధ లక్షణాలతో ఉన్నప్పుడు మాత్రం నిర్లక్ష్యం చేయకూడదని చెప్తున్నారు నిపుణులు.
మరిన్ని ఇంట్రెస్టింగ్, హెల్త్ ఆర్టికల్స్ కోసం దీనిని క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
