Sleep Tips Telugu : రాత్రుళ్లు నిద్ర రావట్లేదా? ఈ సింపుల్ టిప్స్ ఫాలో అయితే చిటికెలో నిద్రపోతారు
Tips to Sleep Better and Faster : రాత్రి నిద్ర బాగా పడితే ఉదయం అంత ప్రొడెక్టివ్గా ఉంటుంది. మరి మీకు నిద్రపోవడంలో ఇబ్బందులు ఉంటే వెంటనే ఈ సింపుల్ టిప్స్ ఫాలో అయిపోండి. త్వరగా నిద్రపోవచ్చట.
Easy Lifestyle Changes for Sleep Faster : కొందరికి ఎంత ట్రై చేసినా నిద్ర త్వరగా రాదు. మరికొందరు చిటికెలో నిద్రపోతారు. అయితే మీకు నిద్రతో సమస్య ఉంటే.. వెంటనే మీ లైఫ్స్టైల్లో కొన్ని మార్పులు చేయాలంటున్నారు నిపుణులు. ఆ టిప్స్ ఫాలో అయితే కచ్చితంగా మీరు కూడా త్వరగా నిద్రపోయే ఆస్కారం ఉందని చెప్తున్నారు. ఇంతకీ ఆ టిప్స్ ఏంటో.. అవి మెరుగైన నిద్రకు ఎలా హెల్ప్ చేస్తాయో చూసేద్దాం.
స్లీపింగ్ షెడ్యూల్..
ఎక్కువమంది చేసే మిస్టేక్ ఏంటంటే.. స్లీపింగ్ షెడ్యూల్ మెయింటైన్ చేయకపోవడం. దీనివల్ల సిర్కాడియన్ రిథమ్ సరిగ్గా పనిచేయదు. అందుకే ప్రతిరోజూ ఒకే సమయానికి పడుకోవడం, లేవడం అలవాటు చేసుకోండి. ఇది శరీర సిర్కాడియన్ రిథమ్ను సరిచేస్తుంది. ఇది అలవాటు అయితే చాలా తొందర్లోనే మీరు అదే టైమ్కి ఎలాంటి డిస్టర్బ్ లేకుండా నిద్ర పోగలుగుతారు.
నో కెఫిన్
కాఫీ, టీ, ఎనర్జీ డ్రింక్స్లో ఉన్న కెఫిన్ నిద్రను దూరం చేస్తుంది. కాబట్టి నిద్రకు కనీసం 6 గంటల ముందు వాటిని తీసుకోవడం ఆపేయాలి. మీకు ఏదైనా వేడిగా తాగాలనుకుంటే హెర్బల్ డ్రింక్స్, మిల్క్ ట్రై చేయవచ్చు.
ఆల్కహాల్
మద్యం మత్తు ఇస్తుందనుకుంటారు కానీ అది సహజమైన స్లీప్ సైకిల్ని డిస్టర్బ్ చేస్తుంది. నిద్ర నాణ్యతను దెబ్బతీస్తుంది. గాఢ నిద్రకు ఆటంకం కలిగిస్తుంది. కాబట్టి ఆల్కహాల్కి కూడా దూరంగా ఉండాలి.
శుభ్రత
బెడ్ రూమ్ ఎప్పుడూ నీట్గా ఉండాలి. దీనివల్ల ఆలోచనల సానుకూలంగా ఉంటాయి. అలాగే రూమ్ టెంపరేచర్ మీకు అనుకూలంగా ఉండేలా చూసుకోండి. లైట్స్ డిమ్గా ఉంటే నిద్ర త్వరగా వస్తుంది.
స్క్రీన్ టైమ్
రీల్స్ చూస్తూ కాలక్షేపం చేస్తూ నిద్రను ఆపేసుకుంటున్నారా? ఇది ఓ రకమైన వ్యసనంగా చెప్తున్నారు నిపుణులు. ఎందుకంటే మొబైల్, ల్యాప్టాప్ల నుంచి వచ్చే నీలి కాంతి మెలటోనిన్ ఉత్పత్తిని తగ్గిస్తుంది. కాబట్టి నిద్రకు గంట ముందు గాడ్జెట్లు దూరంగా పెట్టండి.
నైట్ రొటీన్
రాత్రుళ్లు ప్రశాంతమైన రొటీన్ ఉండేలా చూసుకోండి. ఆ సమయంలో పుస్తకం చదవడం, సంగీతం వినడం లేదా గోరువెచ్చని స్నానం చేయడం వల్ల ఒత్తిడి తగ్గుతుంది. దీంతో శరీరం నిద్రకు సిద్ధమవుతుంది.
భోజనంలో మార్పులు
రాత్రుళ్లు డీప్ ఫ్రై చేసినా, వేయించిన, కారం, మసాలాలతో కూడిన ఫుడ్స్ తీసుకోకపోవడమే మంచిది. లేదంటే జీర్ణ సమస్యలు నిద్రను దూరం చేస్తాయి. పైగా బరువు పెరిగిపోతారు. కాబట్టి తేలికపాటి ఆహారం తీసుకోవడం మంచిది.
పగటి నిద్ర
పగలు 20–30 నిమిషాలు చిన్న నాప్ తీసుకుంటే సరిపోతుంది. ఎక్కువసేపు నిద్రపోతే రాత్రి నిద్రకు అంతరాయం కలుగుతుంది. కాబట్టి పగలు తక్కువగా రెస్ట్ తీసుకోండి.
డీప్ బ్రీతింగ్
లోతైన శ్వాస, ధ్యానం వంటి పద్ధతులు మనస్సును ప్రశాంతం చేస్తాయి. పడుకునే ముందు ఆలోచనలు రాయడం కూడా ఉపయోగపడతాయి.
ఇవన్నీ మీరు డైలీ ఫాలో అయితే కచ్చితంగా త్వరగా నిద్రపోగలుగుతారు. ఉదయం వ్యాయమం చేయడం, ఎండలో ఉండడం వల్ల కూడా గాఢ నిద్ర మీకు అందుతుంది. కాబట్టి ఈ చిన్న టిప్స్ రెగ్యులర్గా ఫాలో అవ్వండి. మంచి నిద్రను సొంతం చేసుకోండి.
గమనిక: ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
