Thyroid Weight Loss Tips : థైరాయిడ్ ఉంటే బరువు తగ్గడం కష్టమా? ఎలాంటి జాగ్రత్తలు తీసుకోవాలి?
Weight loss with Thyroid : థైరాయిడ్ ఉన్నవారు బరువు తగ్గడం చాలా కష్టంగా ఉంటుంది. అందుకే నిపుణులు కొన్ని సూచనలు చేస్తున్నారు. వాటిని ఫాలో అయితే ఈజీగా వెయిట్ లాస్ అవ్వొచ్చు.
- థైరాయిడ్ గ్రంథి పనితీరు మందగిస్తే బరువు పెరగడం జరుగుతుంది.
- థైరాయిడ్ మందులు ఉదయం ఖాళీ కడుపుతో తీసుకోవాలి.
- అయోడిన్, ఫైబర్, సెలీనియం అధికంగా ఉండే ఆహారాలు తినాలి.
- వ్యాయామం, మానసిక ఆరోగ్యం బరువు తగ్గడంలో సహాయపడతాయి.
Thyroid Weight Loss Tips in Telugu : మారుతున్న జీవనశైలి, విపరీతమైన ఒత్తిడి కారణంగా థైరాయిడ్ సమస్యలు సైలెంట్ కిల్లర్లా విస్తరిస్తున్నాయి. మెడ భాగంలో ఉండే ఈ చిన్న గ్రంథి శరీర జీవక్రియను నియంత్రించడంలో కీలక పాత్ర పోషిస్తుంది. ఇది అదుపు తప్పితే బరువు పెరగడం, జుట్టు రాలడం, విపరీతమైన అలసట వంటి సమస్యలు ఇబ్బంది పెడతాయి.
హైపో థైరాయిడ్ వల్ల చాలామంది బరువు పెరిగిపోతారు. లావుగా మారితే ఆరోగ్య సమస్యలు మరిన్ని పెరుగుతాయి. అందుకే వైద్యులు మందులు వాడుతూ బరువును అదుపులో ఉంచుకోవాలని సూచిస్తారు. కానీ థైరాయిడ్ ఉంటే బరువు తగ్గడం కష్టంగా ఉంటుంది. దానికి కారణాలు ఏంటి? ఎలాంటి జాగ్రత్తలు తీసుకుంటే బరువును తగ్గించుకోవచ్చో చూసేద్దాం.
థైరాయిడ్ ఉంటే బరువు తగ్గడం ఎందుకు కష్టం?
థైరాయిడ్ గ్రంథి నెమ్మదిగా పనిచేస్తే మెటబాలిజం తగ్గిపోతుంది. దీంతో శరీరం తక్కువ కేలరీలు బర్న్ చేస్తుంది. దీని వల్ల క్రమంగా బరువు పెరుగుతుంది. కాబట్టి సాధారణంగా బరువు తగ్గే పద్ధతులు థైరాయిడ్ పేషెంట్లకు వెంటనే ఫలితాలు ఇవ్వవు.
థైరాయిడ్ మందులు తీసుకునే విధానం
థైరాయిడ్ మందులు ఖాళీ కడుపున తీసుకోవాలి. ఉదయం లేవగానే మొదట మందు వేసుకుని కనీసం ఒక గంట తర్వాత ఏదైనా తినాలి. రెగ్యులర్గా ఒకే సమయానికి మందు తీసుకోవడం చాలా ముఖ్యం.
ఎలాంటి ఫుడ్ తీసుకోవాలి?
అయోడిన్ అధికంగా ఉండే ఆహారాలు థైరాయిడ్ పనితీరును మెరుగుపరుస్తాయి. టేబుల్ సాల్ట్, చేపలు, పాల పదార్థాలు, గుడ్లు అయోడిన్కు మంచి వనరులు. ఫైబర్ అధికంగా తీసుకోవడం వల్ల జీర్ణక్రియ మెరుగవుతుంది. బరువు తగ్గుతుంది. పండ్లు, ఆకుకూరలు, పప్పు ధాన్యాలు ఫైబర్కు మంచివి. సెలీనియం అధికంగా ఉండే గుమ్మడి విత్తనాలు, బ్రెజిల్ నట్స్, ధనియాలు, గుడ్లు కూడా థైరాయిడ్ హార్మోన్లకు సహాయపడతాయి. కాబట్టి వీటిని రెగ్యులర్గా డైట్లో చేర్చుకునేందుకు చూడండి. నీళ్లు ఎక్కువగా తీసుకోవాలి.
ఈ ఫుడ్స్ తినకండి..
క్యాబేజీ, సోయా, మిల్లెట్స్, అధికంగా ప్రాసెస్ చేసిన ఆహారాలు, పీచ్, పేర్లు వంటి పండ్లు తక్కువగా తినడం మంచిది. షుగర్, హై కార్బ్ ఆహారాలు బరువు పెరగడానికి ముఖ్య కారణమవుతాయి. కాబట్టి వీటికి దూరంగా ఉండండి. ఈ అలవాటు కేవలం థైరాయిడ్ తగ్గించడానికే కాదు పూర్తి ఆరోగ్యానికి మేల చేస్తాయి.
వ్యాయామం చేస్తే..
థైరాయిడ్ ఉన్నవారు స్ట్రెంగ్త్ ట్రైనింగ్, మజిల్ బిల్డింగ్ వ్యాయామాలపై ఫోకస్ చేస్తే ఆరోగ్యంగా బరువు తగ్గడంలో మంచి ఫలితాలిస్తాయి. పిలెట్స్ కూడా TSH లెవెల్స్ నియంత్రించడంలో హెల్ప్ చేస్తాయి.
మానసిక ఆరోగ్యం కూడా ముఖ్యమే
థైరాయిడ్ పేషెంట్లు బరువు తగ్గే విషయంలో ఇతరులతో పోల్చుకోకూడదు. ప్రతి ఒక్కరి థైరాయిడ్ జర్నీ వేరుగా ఉంటుంది. హార్మోన్ల రియాక్షన్, శరీర తత్వం భిన్నంగా ఉంటుంది. కాబట్టి ఒకరి గురించి పట్టించుకోకుండా చిన్న చిన్న అలవాట్లు రోజూ పాటిస్తే.. మంచి ఫలితాలు చూడగలుగుతారు.
ఇలాంటి మరిన్ని హెల్త్ న్యూస్ గురించి ఈ లింక్ క్లిక్ చేయండి.
గమనిక : ఈ కథనంలో అందించిన సమాచారం నిపుణులు పంచుకున్నారు. ఇది సాధారణ సమాచార ప్రయోజనాల కోసం మాత్రమే ఉద్దేశించబడింది. వృత్తిపరమైన వైద్య సలహా, రోగ నిర్ధారణ లేదా చికిత్సకు ప్రత్యామ్నాయం కాదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే, ఎల్లప్పుడూ మీ వైద్యుడు లేదా ఇతర అర్హత కలిగిన ఆరోగ్య సంరక్షణ ప్రదాత సలహా తీసుకోండి.
టాప్ హెడ్ లైన్స్
ట్రెండింగ్ వార్తలు
