UGC NET 2026 రిజిస్ట్రేషన్ ప్రారంభం.. దరఖాస్తు విధానం, ముఖ్యమైన తేదీలివే
UGC NET June 2026: యూజీసీ నెట్ అనేది నేషనల్ టెస్టింగ్ ఏజెన్సీ (NTA) ప్రతి ఏడాది రెండుసార్లు నిర్వహించే ఒక కీలకమైన జాతీయ స్థాయి పరీక్ష. జేఆర్ఎఫ్, అసిస్టెంట్ ప్రొఫెసర్ పోస్ట్ కోసం ఎగ్జామ్ రాస్తారు.
UGC NET 2026 | న్యూఢిల్లీ: నేషనల్ టెస్టింగ్ ఏజెన్సీ యూజీసీ నెట్ (UGC NET 2026) పరీక్ష కోసం దరఖాస్తు ప్రక్రియను ప్రారంభించింది. అసిస్టెంట్ ప్రొఫెసర్ కావాలనుకునే వారికి లేదా జూనియర్ రీసెర్చ్ ఫెలోషిప్ (JRF) కోసం అర్హత సాధించాలనుకునే అభ్యర్థులకు ఈ ఎగ్జామ్ చాలా ముఖ్యమైనది. UGC NET 2026 అనేది నేషనల్ టెస్టింగ్ ఏజెన్సీ (NTA) నిర్వహించే ఒక ముఖ్యమైన జాతీయ స్థాయి పరీక్ష. మీరు ఈ పరీక్షకు హాజరు కావాలనుకుంటే, ముందుగా యూజీసీ నెట్ దరఖాస్తు చేసుకోవాలి. UGC NET జూన్ 2026 రిజిస్ట్రేషన్ ప్రారంభమైంది. అందుకోసం ఎలా అప్లై చేయాలో ఇక్కడ తెలుసుకుందాం.
UGC NET 2026 ముఖ్యమైన తేదీలివే
నేషనల్ టెస్టింగ్ ఏజెన్సీ నిర్వహించే UGC NET జూన్ 2026 ఎగ్జామ్ కోసం దరఖాస్తు ప్రక్రియ ఏప్రిల్ 29న ప్రారంభమైంది. అభ్యర్థులు మే 20, 2026 వరకు అప్లికేషన్ ఫారమ్ ఫిల్ చేయాలి. దరఖాస్తు చేసేటప్పుడు ఏవైనా తప్పులు జరిగితే, వాటిని ఎడిట్ చేయడానికి మే 22 నుండి మే 24, 2026 వరకు కరెక్షన్ విండో అందుబాటులో ఉంటుంది. ఆ తర్వాత పరీక్షకు ముందు జూన్ 10 నాటికి అభ్యర్థులకు వారి ఎగ్జామ్ సెంటర్ ఉన్న నగరాల సమాచారం అందుతుంది. తరువాత జూన్ 15 నాటికి అడ్మిట్ కార్డ్‌లు జారీ అవుతాయి. ఇంటర్ పూర్తి చేసిన వారికి ఈ కెరీర్ ఆప్షన్లు కూడా ఉన్నాయి.
UGC NET 2026 పరీక్షా విధానం (Pattern)
UGC NET జూన్ 2026 పరీక్షా విధానం చాలా సులభంగా అర్థం చేసుకోండి. ఈ పరీక్ష పూర్తిగా కంప్యూటర్ ఆధారిత పరీక్ష (Computer-Based Test) మోడ్‌లో నిర్వహించనున్నారు. ఇందులో మొత్తం 2 పేపర్లు ఉంటాయి. రెండింటిలోనూ బహుళ ఐచ్ఛిక ప్రశ్నలు (MCQs) అడుగుతారు. ఇచ్చిన ఆప్షన్లలో సరైన సమాధానం ఎంచుకోవాలి. ఈ రెండు పేపర్ల ఎగ్జామ్స్ ఒకదాని తర్వాత ఒకటి వరుసగా జరుగుతాయి. అంటే మొత్తం పరీక్షను పూర్తి చేయడానికి అభ్యర్థులకు 3 గంటల సమయం కేటాయిస్తారు.
UGC NET జూన్ 2026 కోసం రిజిస్ట్రేషన్ ఫీజు
UGC NET జూన్ 2026 కోసం దరఖాస్తు చేసేటప్పుడు అభ్యర్థులు తమ categoryకి అనుగుణంగా ఫీజు చెల్లించాల్సి ఉంటుంది. జనరల్ కేటగిరీ అభ్యర్థులు ఫీజు 1150 రూపాయలు కాగా, OBC- NCL, EWS అభ్యర్థులు 600 చెల్లించాల్సి ఉంటుంది. అలాగే థర్డ్ జెండర్ అభ్యర్థులకు 325 రూపాయల దరఖాస్తు ఫీజు కట్టాలి. అభ్యర్థులు ఈ ఫీజును కేవలం ఆన్‌లైన్ ద్వారా మాత్రమే చెల్లించాలి. అంటే డెబిట్ కార్డ్, క్రెడిట్ కార్డ్, UPI లేదా ఇంటర్నెట్ బ్యాంకింగ్ ద్వారా చెల్లించవచ్చు.
UGC NET జూన్ 2026 ఎగ్జామ్ ఇలా దరఖాస్తు చేయాలి
UGC NET జూన్ 2026 ఎగ్జామ్ రాయడానికి అప్లై చేసేందుకు ముందుగా అధికారిక వెబ్‌సైట్ ugcnet.nta.nic.in కి వెళ్లండి.
ఆ తర్వాత UGC NET June 2026 Registration లింక్‌పై క్లిక్ చేయాలి.
తరువాత కొత్త స్క్రీన్‌పై మీరు రిజిస్ట్రేషన్ చేసుకోండి.
రిజిస్ట్రేషన్ పూర్తయిన తర్వాత లాగిన్ అయ్యి అప్లికేషన్ ఫారమ్ ఫిల్ చేయాలి.
దీనితో పాటు అడిగిన సమాచారాన్ని ఖచ్చితంగా ఎంటర్ చేయండి.
అప్లికేషన్ ఫీజును చెల్లించి అప్లికేషన్ ఫారమ్ సబ్మిట్ చేయండి.
చివరగా మీ అప్లికేషన్ ఫారమ్ పీడీఎఫ్ రూపంలో డౌన్‌లోడ్ చేసుకోవాలి. ఫ్యూచర్ అవసరాల కోసం ఫారమ్ ప్రింటౌట్ తప్పకుండా తీసుకోండి.
టాప్ హెడ్ లైన్స్
ట్రెండింగ్ వార్తలు
