![ABP Premium](https://cdn.abplive.com/imagebank/Premium-ad-Icon.png)
SBI CBO Online Application: ఎస్బీఐలో 5447 సీబీవో పోస్టుల దరఖాస్తు ప్రక్రియ ప్రారంభం, చివరితేది ఎప్పుడంటే?
SBI CBO Recruitment: స్టేట్ బ్యాంక్ ఆఫ్ ఇండియాలో సర్కిల్ బేస్డ్ ఆఫీసర్ పోస్టుల భర్తీకి ఏదైనా డిగ్రీ అర్హత ఉన్నవారు అర్హులు. నవంబరు 22 నుంచి డిసెంబరు 12 వరకు ఆన్లైన్ దరఖాస్తులు సమర్పించాల్సి ఉంటుంది.
![SBI CBO Online Application: ఎస్బీఐలో 5447 సీబీవో పోస్టుల దరఖాస్తు ప్రక్రియ ప్రారంభం, చివరితేది ఎప్పుడంటే? sbi cbo recruitment 2023 application process started check last date here SBI CBO Online Application: ఎస్బీఐలో 5447 సీబీవో పోస్టుల దరఖాస్తు ప్రక్రియ ప్రారంభం, చివరితేది ఎప్పుడంటే?](https://feeds.abplive.com/onecms/images/uploaded-images/2023/11/22/4d75f5ef9f68cb0c6182ea772099e3b91700637844522522_original.jpg?impolicy=abp_cdn&imwidth=1200&height=675)
SBI CBO Application: ముంబయి ప్రధాన కేంద్రంగా పనిచేస్తున్న స్టేట్ బ్యాంక్ ఆఫ్ ఇండియా(SBI) దేశవ్యాప్తంగా ఉన్న ఎస్బీఐ సర్కిళ్లలో ఖాళీల భర్తీకి నవంబరు 21న నోటిఫికేషన్ విడుదల చేసిన సంగతి తెలిసిందే. దీనిద్వారా మొత్తం 5447 సర్కిల్ బేస్డ్ ఆఫీసర్ (Circle Based Officer) పోస్టులను భర్తీచేయనున్నారు. ఇందులో రెగ్యులర్ పోస్టులు-5280, బ్యాక్లాగ్ పోస్టులు-167 ఉన్నాయి. ఇక తెలుగు రాష్ట్రాలకు సంబంధించి హైదరాబాద్ సర్కిల్లో 425, అమరావతి సర్కిల్లో 400 ఖాళీలు ఉన్నాయి.
ఏదైనా డిగ్రీ అర్హత ఉన్నవారు ఈ ఉద్యోగాలకు దరఖాస్తు చేసుకోవడానికి అర్హులు. అభ్యర్థులు నవంబరు 22 నుంచి డిసెంబరు 12 వరకు ఆన్లైన్ ద్వారా దరఖాస్తులు సమర్పించాల్సి ఉంటుంది. రాతపరీక్ష, ఇంటర్వ్యూ ఆధారంగా ఎంపిక చేస్తారు. ఎంపికైన అభ్యర్థులు దరఖాస్తు చేసుకున్న సర్కిల్/ రాష్ట్రంలో విధులు నిర్వర్తించాల్సి ఉంటుంది.
వివరాలు...
* సర్కిల్ బేస్డ్ ఆఫీసర్ పోస్టులు
ఖాళీల సంఖ్య: 5447 (రెగ్యులర్ పోస్టులు - 5280, బ్యాక్లాగ్ పోస్టులు - 167).
తెలుగు రాష్ట్రాల పరిధిలో ఖాళీలు: అమరావతి - 400, హైదరాబాద్ - 425.
అర్హత: గుర్తింపు పొందిన యూనివర్సిటీ నుంచి ఏదైనా విభాగంలో డిగ్రీ లేదా తత్సమాన విద్యార్హత కలిగి ఉండాలి.]
వయోపరిమితి: 30.09.2022 నాటికి 21 - 30 సంవత్సరాల మధ్య ఉండాలి. నిబంధనల ప్రకారం వయోపరిమితిలో సడలింపులు వర్తిస్తాయి. ఎస్సీ, ఎస్టీలకు 5 సంవత్సరాలు, బీసీలకు 3 సంవత్సరాలు, దివ్యాంగులకు 10 - 15 సంవత్సరాలు, ఎక్స్-సర్వీస్మెన్ అభ్యర్థులకు 5 సంవత్సరాలపాలు వయోసడలింపు వర్తిస్తుంది.
దరఖాస్తు విధానం: ఆన్లైన్ ద్వారా.
దరఖాస్తు ఫీజు: రూ.750. ఎస్సీ, ఎస్టీ, దివ్యాంగులకు ఫీజు చెల్లింపు నుంచి మినహాయింపు ఉంది.
ఎంపిక విధానం: ఆన్లైన్ రాత పరీక్ష, స్క్రీనింగ్ టెస్ట్, ఇంటర్వ్యూ ఆధారంగా.
జీతభత్యాలు: రూ.36,000 - రూ.63,840.
పరీక్ష విధానం:
✪ మొత్తం 120 మార్కులకు ఆన్లైన్ రాతపరీక్ష నిర్వహిస్తారు. పరీక్షలో 120 ప్రశ్నలు అడుగుతారు. ఆబ్జెక్టివ్ విధానంలో ప్రశ్నలు ఉంటాయి. ఇందులో ఇంగ్లిష్ లాంగ్వేజ్- 30 ప్రశ్నలు-30 మార్కులు, బ్యాంకింగ్ నాలెడ్జ్-40 ప్రశ్నలు-40 మార్కులు, జనరల్ అవేర్నెస్/ఎకానమీ-30 ప్రశ్నలు-30 మార్కులు, కంప్యూటర్ ఆప్టిట్యూడ్-20 ప్రశ్నలు-20 మార్కులు ఉంటాయి. పరీక్ష సమయం 2 గంటలు. పరీక్షలో ఎలాంటి నెగెటివ్ మార్కులు ఉండవు.
✪ అదేవిధంగా 50 మార్కులకు డిస్క్రిప్టివ్ పరీక్ష ఉంటుంది. టెస్ట్ ఆఫ్ ఇంగ్లిష్ లాంగ్వేజ్ టెస్ట్ (లెటర్ రైటింగ్, ఎస్సే) ఉంటుంది. పరీక్ష సమయం 30 నిమిషాలు.
✪ ఇక ఇంటర్యూకు 50 మార్కులు కేటాయించారు.
తెలుగు రాష్ట్రాల్లో పరీక్షా కేంద్రాలు: హైదరాబాద్, విజయవాడ, విశాఖపట్నం, గుంటూరు, కర్నూలు.
ముఖ్యమైన తేదీలు..
✪ ఆన్లైన్ దరఖాస్తులు ప్రారంభం: 22.11.2023.
✪ ఆన్లైన్ దరఖాస్తుకు చివరితేది: 12.12.2023.
✪ అడ్మిట్ కార్డుల డౌన్లోడ్: జనవరి 2024.
✪ ఆన్లైన్ పరీక్ష తేది: జనవరి 2024.
Notification
Online Application
ALSO READ:
➥ ఏపీ పశుసంవర్ధక శాఖలో 1896 ఏహెచ్ఏ ఉద్యోగాలు, ఎంపికైతే రూ.72,810 వరకు జీతం
➥ వైజాగ్ నావల్ డాక్యార్డులో 275 అప్రెంటిస్ ఖాళీలు, ఈ అర్హతలుండాలి
➥ సంగం డెయిరీలో ఉద్యోగాలు, ఈ అర్హతలు అవసరం - దరఖాస్తు, ఎంపిక వివరాలు ఇలా
➥ గుంటూరు జిల్లా మహిళా, శిశు సంక్షేమ విభాగంలో కోఆర్డినేటర్, ప్రాజెక్ట్ అసిస్టెంట్ పోస్టులు
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)