RPF Mock Tests: రైల్వే ఉద్యోగార్థులకు అలర్ట్, ఆర్పీఎఫ్ కానిస్టేబుల్ మాక్ టెస్టులు అందుబాటులో - పరీక్షలు ఎప్పటినుంచంటే?
RPF Constable Mock tests: ఆర్పీఎఫ్ కానిస్టేబుల్ ఉద్యోగార్థులకు నమూన పరీక్షలు అందుబాటులోకి వచ్చాయి. అభ్యర్థులు నమూనా పరీక్షల కోసం ఆన్లైన్లో ఎలాంటి వివరాలు నమోదు చేయకుండానే ప్రాక్టీస్ చేయవచ్చు.
ఆర్పీఎఫ్ కానిస్టేబుల్ ఉద్యోగాలకు సన్నద్ధమవుతున్న అభ్యర్థులకు రైల్వేశాఖ గుడ్ న్యూస్ తెలిపింది. అభ్యర్థుల సౌలభ్యం కోసం నమూనా పరీక్షలు (మోడల్ టెస్టులు) రూపొందించింది. అధికారిక వెబ్సైట్లో ఆన్లైన్ మాక్ టెస్టులను అందుబాటులో ఉంచింది. అభ్యర్థులు నమూనా పరీక్షల కోసం ఆన్లైన్లో ఎలాంటి పాస్వర్డ్ లేకుండానే ప్రాక్టీస్ చేయవచ్చు. మాక్ టెస్టుల ద్వారా పరీక్షల సరళి అభ్యర్థులకు తెలియడంతో పాటు సమయపాలన, తదితర అంశాలు అవగాహనలోకి వస్తాయి. వీటి ఆధారంగా అభ్యర్థులు తమ శక్తిసామర్థ్యాలు అంచనావేసుకోవచ్చు. అభ్యర్థులు ఎలాంటి ఇబ్బందులు లేకుండా కానిస్టేబుల్ ఆన్లైన్ పరీక్షలు రాయడానికి సులభతరమవుతుంది.
గతేడాది దేశవ్యాప్తంగా ఉన్న రైల్వే రీజియన్లలో రైల్వే ప్రొటెక్షన్ ఫోర్సు(RPF)/ రైల్వే ప్రొటెక్షన్ స్పెషల్ ఫోర్స్ (RPSF)లో మొత్తం 4,660 ఎస్ఐ, కానిస్టేబుల్ పోస్టుల భర్తీకి రైల్వే శాఖ(RRB) ఉద్యోగ ప్రకటనను విడుదల చేసిన విషయం తెలిసిందే. ఇందులో 452 సబ్ ఇన్స్పెక్టర్(SI), 4208 కానిస్టేబుల్ పోస్టులు ఉన్నాయి. ఇప్పటికే ఎస్ఐ పోస్టులకు పరీక్షలు ముగియగా.. మార్చిలో కానిస్టేబుల్ పరీక్షలు నిర్వహించనున్నారు. రాత పరీక్ష (కంప్యూటర్ బేస్డ్ టెస్ట్), ఫిజికల్ ఎఫీషియెన్సీ టెస్ట్, ఫిజికల్ మెజర్మెంట్ టెస్ట్, మెడికల్ స్టాండర్డ్ టెస్ట్, సర్టిఫికేట్ వెరిఫికేషన్ తదితరాల ఆధారంగా అభ్యర్థులను తుది ఎంపిక చేస్తారు.
మార్చి 2 నుంచి పరీక్షలు..
రైల్వేశాఖలో కానిస్టేబుల్ ఉద్యోగాల భర్తీకి సంబంధించిన ఆన్లైన్ పరీక్షలను మార్చి 2 నుంచి 20 వరకు నిర్వహించనున్నారు. ఇప్పటికే పరీక్షలకు సంబంధించిన ఇంటిమేషన్ స్లిప్పులను విడుదల చేయగా ఈ స్లిప్పులో పరీక్ష కేంద్రం, నగరం, తేదీ, సమయం, మార్గదర్శకాలు తదితర సమాచారం ఉంటుంది. ఫిబ్రవరి 27న అడ్మిట్కార్డులను విడుదల చేయనున్నారు.
పరీక్ష విధానం..
మొత్తం 120 మార్కులకు రాతపరీక్ష నిర్వహించనున్నారు. పరీక్షలో మొత్తం 120 ప్రశ్నలు ఉంటాయి. ఒక్కో ప్రశ్నకు ఒకమార్కు కేటాయించారు. ఇందులో జనరల్ అవేర్నెస్ 50 ప్రశ్నలు-50 మార్కులు, అరిథ్మెటిక్ 35 ప్రశ్నలు-35 మార్కులు, జనరల్ ఇంటెలిజెన్స్ అండ్ రీజనింగ్ 35 ప్రశ్నలు-35 మార్కులు ఉంటాయి. పరీక్ష సమయం 90 నిమిషాలు. ప్రతి సరైన సమాధానానికి 1 మార్కుకాగా.. ప్రతి తప్పు సమాధానానికి 1/3వ వంతు మార్కులు కోత విధిస్తారు.
ఆర్పీఎఫ్ పీఈటీ (ఫిజికల్ ఎఫీషియన్సీ టెస్ట్): రాతపరీక్షలో అర్హత సాధించిన అభ్యర్థులకు తర్వాత దశలో ఫిజికల్ ఈవెంట్లు నిర్వహిస్తారు. ఫిజికల్ ఈవెంట్ల నిర్వహణ కింది విధంగా ఉంటుంది.
| విభాగం | 1600 మీటర్ల పరుగు | 800 మీటర్ల పరుగు | లాంగ్ జంప్ | హైజంప్ |
| ఎస్ఐ (మెన్) | 6.30 నిమిషాలు | - | 12 ఫీట్లు | 3 ఫీట్ల 9 అంగుళాలు |
| ఎస్ఐ (ఉమెన్) | - | 4 నిమిషాలు | 9 ఫీట్లు | 3 ఫీట్లు |
ఫిజికల్ మెజర్మెంట్ టెస్ట్ (PMT):
| ఆర్పీఎఫ్ ఫిజికల్ మెజర్మెంట్ టెస్ట్ (PMT) | ||||
| విభాగం | ఎత్తు (సెం.మీ.లలో ) | ఛాతీ (సెం.మీ.లలో ) {పురుషులకు మాత్రమే} | ||
| జనరల్/ఓబీసీ | 165 | 157 | 80 | 85 |
| ఎస్సీ/ఎస్టీ | 160 | 152 | 76.2 | 81.2 |
| గర్వాలీలు, గూర్ఖాలు, మరాఠాలు, డోగ్రాలు, కుమాయోనీస్ మరియు ప్రభుత్వం పేర్కొన్న ఇతర కేటగిరీలకు చెందినవారికి | 163 | 155 | 80 | 85 |
డాక్యుమెంట్ వెరిఫికేషన్:
అన్ని పరీక్షల్లో అర్హత సాధించిన అభ్యర్థులకు చివరికి ధ్రువపత్రాల పరిశీలన నిర్వహిస్తారు. ఉద్యోగాల సంఖ్యకు అనుగుణంగా సరైన అర్హతలు, ధ్రువపత్రాలు ఉన్నవారికి ఉద్యోగాలకు ఎంపికచేస్తారు. అభ్యర్థులు ఒకవేళ ప్రభుత్వ ఉద్యోగులైతే.. వారు పనిచేస్తున్న సంస్థ యాజమాన్యం నుంచి నిరభ్యంతర పత్రం (నో అబ్జెక్షన్ సర్టిఫికేట్ - NOC) తీసుకోవాల్సి ఉంటుంది.
టాప్ హెడ్ లైన్స్
ట్రెండింగ్ వార్తలు
