AFCAT: ఆగస్టు 25 నుంచి 'ఏఎఫ్క్యాట్' రాతపరీక్ష, హాల్టికెట్లు ఎప్పుడంటే?
భారత వైమానిక దళంలో ఉన్నత హోదా ఉద్యోగాల భర్తీకి సంబంధించి 'ఏఎఫ్క్యాట్ 02/2023' పరీక్షను గతంలో ప్రకటించిన షెడ్యూలు ప్రకారమే నిర్వహించనున్నారు. ఆగస్టు 25 నుంచి 27 వరకు పరీక్షలు నిర్వహించనున్నారు.
భారత వైమానిక దళంలో ఉన్నత హోదా ఉద్యోగాల భర్తీకి సంబంధించి 'ఏఎఫ్క్యాట్ 02/2023' పరీక్షను గతంలో ప్రకటించిన షెడ్యూలు ప్రకారమే నిర్వహించనున్నారు. ఎయిర్ఫోర్స్లో టెక్నికల్, నాన్ టెక్నికల్ పోస్టుల భర్తీకి ఆగస్టు 25 నుంచి 27 వరకు పరీక్షలు జరుగనున్నాయి. ఏఎఫ్క్యాట్ పరీక్షకు దరఖాస్తు చేసుకున్న అభ్యర్థులు షెడ్యూలును చూసుకోవచ్చు. పరీక్షకు సంబంధించిన హాల్టికెట్లను ఆగస్టు 10 నుంచి అందుబాటులో ఉంచనున్నారు.
ఇండియన్ ఎయిర్ఫోర్స్లో 276 ఉన్నత హోదా ఉద్యోగాల భర్తీకి ఏఎఫ్క్యాట్ 02/2023 నోటిఫికేషన్ జూన్ 1న విడుదల చేసిన సంగతి తెలిసిందే. వైమానిక దళంలో టెక్నికల్, నాన్ టెక్నికల్ విభాగాల ఖాళీలను ఈ పరీక్ష ద్వారా భర్తీ చేస్తారు. డిగ్రీ అర్హత ఉన్న అభ్యర్థుల నుంచి జూన్ 1 నుంచి 30 వరకు దరఖాస్తులు స్వీకరించారు.
ఆన్లైన్ ద్వారా దరఖాస్తు చేసుకోవాల్సి ఉంటుంది. రాతపరీక్ష, ఇంటర్వ్యూ, ఫిజికల్ పరీక్షల ద్వారా అభ్యర్థులను ఎంపికచేస్తారు. ఎంపికైన అభ్యర్థులను వైమానిక దళంలో కమిషన్డ్ ఆఫీసర్లుగా నియమిస్తారు. ఈ పోస్టుల భర్తీకి ఆన్లైన్ దరఖాస్తు ప్రక్రియ జూన్ 1న ప్రారంభమైంది. అభ్యర్థులు జూన్ 30 వరకు దరఖాస్తులు సమర్పించవచ్చు.
రాతపరీక్ష విధానం:
మొత్తం 300 మార్కులకు రాతపరీక్ష నిర్వహిస్తారు. 100 ప్రశ్నలు ఉంటాయి. పరీక్షలో జనరల్ అవేర్నెస్, వెర్బల్ ఎబిలిటీ ఇన్ ఇంగ్లిష్, న్యూమరికల్ ఎబిలిటీ, రీజనింగ్ & మిలిటరీ ఆప్టిట్యూడ్ టెస్ట్ నుంచి ప్రశ్నలు ఉంటాయి. పరీక్ష సమయం 2 గంటలు.
తెలుగు రాష్ట్రాల్లో పరీక్ష కేంద్రాలు: హైదరాబాద్, వరంగల్, గుంటూరు, విజయవాడ, విశాఖపట్నం, తిరుపతి, రాజమండ్రి.
పోస్టుల వివరాలు..
* ఏఎఫ్క్యాట్ - AFCAT - 02/2023
ఖాళీల సంఖ్య: 276
1) ఫ్లయింగ్ బ్రాంచ్: 11 (మెన్-05, ఉమెన్-06)
2) గ్రౌండ్ డ్యూటీ (టెక్నికల్): 151 (మెన్-136, ఉమెన్-15)
విభాగం: ఏరోనాటికల్ ఇంజినీరింగ్.
3) గ్రౌండ్ డ్యూటీ (నాన్-టెక్నికల్): 114 (మెన్-99, ఉమెన్-15)
విభాగం: వెపన్ సిస్టమ్, అడ్మినిస్ట్రేషన్, ఎల్జీఎస్, అకౌంట్స్, ఎడ్యుకేషన్, మెటియోరాలజీ.
4) ఎన్సీసీ స్పెషల్ ఎంట్రీ
విభాగం: ఫ్లయింగ్ బ్రాంచ్.
నోటిఫికేషన్, పోస్టుల వివరాల కోసం క్లిక్ చేయండి..
ALSO READ:
Staff Nurse Posts: స్టాఫ్నర్స్ పరీక్ష హాల్ టికెట్లు విడుదల
తెలంగాణలో స్టాఫ్నర్స్(Staff Nurse) ఉద్యోగాలకు దరఖాస్తు చేసుకున్న అభ్యర్థులకు గమనిక. ఈ పరీక్షకు సమయం సమీపిస్తుండటంతో హాల్టికెట్లు అందుబాటులోకి వచ్చాయి. ఈ మేరకు రాష్ట్ర వైద్య, ఆరోగ్య సేవల రిక్రూట్మెంట్ బోర్డు(MHSRB) అధికారిక వెబ్సైట్లో హాల్టికెట్లను ఆన్లైన్లో ఉంచింది. ఈ పోస్టులకు తొలిసారి ఆన్లైన్లో కంప్యూటర్ ఆధారిత పరీక్షను నిర్వహిస్తున్న నేపథ్యంలో అభ్యర్థుల అవగాహన కోసం MHSRB వెబ్సైట్లో మాక్టెస్ట్ కూడా నిర్వహించిన విషయం తెలిసిందే. రాష్ట్రంలో మొత్తం 5,204 స్టాఫ్నర్సుల పోస్టుల కోసం 40,926 మంది అభ్యర్థులు దరఖాస్తు చేసుకున్న విషయం తెలిసిందే. ఆగస్టు 2న కంప్యూటర్ ఆధారిత పరీక్ష (CBT)ను హైదరాబాద్, వరంగల్, ఖమ్మం, నిజామాబాద్ కేంద్రాల్లో మూడు షిఫ్ట్లలో ఉదయం 9 గంటల నుంచి 10.20 గంటల వరకు; 12.30-1.50గంటల వరకు; సాయంత్రం 4గంటల నుంచి 5.20గంటల వరకు నిర్వహించనున్నారు.
స్టాఫ్నర్స్ పరీక్ష హాల్టికెట్ కోసం క్లిక్ చేయండి..
1876 ఎస్ఐ పోస్టుల భర్తీకి నోటిఫికేషన్ - అర్హతలు, ఇతర వివరాలు ఇలా!
ఢిల్లీ పోలీసు, సెంట్రల్ ఆర్మ్డ్ ఫోర్సెస్లో 1876 ఎస్ఐ (గ్రౌండ్ డ్యూటీ), ఎస్ఐ (ఎగ్జిక్యూటివ్) పోస్టుల భర్తీకి స్టాఫ్ సెలక్షన్ కమిషన్ నోటిఫికేషన్ (SSC CPO 2023) విడుదల చేసింది. బీఎస్ఎఫ్, సీఐఎస్ఎఫ్, సీఆర్పీఎఫ్, ఐటీబీపీ, సశస్త్ర సీమాబల్ విభాగాలు సెంట్రల్ ఆర్మ్డ్ ఫోర్సెస్ కిందకు వస్తాయి. మొత్తం ఖాళీల్లో 1710 పురుషులకు కేటాయించగా.. 166 పోస్టులను మహిళలకు కేటాయించారు. డిగ్రీ అర్హత ఉన్నవారు ఈ ఉద్యోగాలకు దరఖాస్తు చేసుకోవడానికి అర్హులు. అభ్యర్థులు ఆన్లైన్ ద్వారా దరఖాస్తు చేసుకోవాల్సి ఉంటుంది. ఈ పోస్టుల భర్తీకి జులై 21న నోటిఫికేషన్ విడుదలకాగా.. జులై 22 నుంచి ఆగస్టు 15 వరకు దరఖాస్తు ప్రక్రియ కొనసాగనుంది. అక్టోబరులో రాతపరీక్ష నిర్వహించనున్నారు.
నోటిఫికేషన్, పోస్టుల వివరాల కోసం క్లిక్ చేయండి..
మరిన్ని ఉద్యోగ వార్తల కోసం క్లిక్ చేయండి..
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
