Army School: గోల్కొండ ఆర్మీ పబ్లిక్ స్కూల్లో టీచింగ్, నాన్ టీచింగ్ పోస్టులు
హైదరాబాద్లోని గోల్కొండ ఆర్మీ పబ్లిక్ స్కూల్ వివిధ టీచింగ్, నాన్-టీచింగ్ పోస్టుల భర్తీకి నోటిఫికేషన్ విడుదల చేసింది. సరైన అర్హతలున్నవారు ఆఫ్లైన్ విధానంలో దరఖాస్తులు సమర్పించాల్సి ఉంటుంది.
హైదరాబాద్లోని గోల్కొండ ఆర్మీ పబ్లిక్ స్కూల్ వివిధ టీచింగ్, నాన్-టీచింగ్ పోస్టుల భర్తీకి నోటిఫికేషన్ విడుదల చేసింది. పోస్టులవారీగా విద్యార్హతలు నిర్ణయించింది. సరైన అర్హతలున్నవారు ఆఫ్లైన్ విధానంలో దరఖాస్తులు సమర్పించాల్సి ఉంటుంది. అభ్యర్థులు అధికారిక వెబ్సైట్ నుంచి దరఖాస్తులు డౌన్లోడ్ చేసుకోవాలి. దరఖాస్తు నింపి, అవసరమైన అన్ని డాక్యుమెంట్ల జిరాక్స్ కాపీలు జతచేసి నిర్ణీతగడువులోగా సంబంధిత చిరునామాలో సమర్పించాల్సి ఉంటుంది.
వివరాలు...
మొత్తం ఖాళీలు: 18
1) పోస్ట్ గ్రాడ్యుయేట్ టీచర్ (పీజీటీ): 02 పోస్టులు
సబ్జెక్టులు: ఇంగ్లిష్, జియోగ్రఫీ.
అర్హత: సంబంధిత విభాగంలో పీజీ డిగ్రీతోపాటు 50 శాతం మార్కులతో డిగ్రీ ఇన్ ఎడ్యుకేషన్ ఉండాలి.
2) ట్రైన్డ్ గ్రాడ్యుయేట్ టీచర్ (టీజీటీ): 05 పోస్టులు
సబ్జెక్టులు: ఇంగ్లిష్, మ్యాథ్స్, సైన్స్, సోషల్ స్టడీస్, కంప్యూటర్ సైన్స్.
అర్హత: ఏదైనా డిగ్రీతోపాటు 50 శాతం మార్కులతో డిగ్రీ ఇన్ ఎడ్యుకేషన్ ఉండాలి.
3) ప్రైమరీ టీచర్ (పీఆర్టీ): 02 పోస్టులు
సబ్జెక్టులు: అన్ని సబ్జెక్టులకు
అర్హత: ఏదైనా డిగ్రీతోపాటు 50 శాతం మార్కులతో డీఈఈడీ/బీఈడీ ఉండాలి.
4) అప్పర్ డివిజన్ క్లర్క్(యూడీసీ): 01 పోస్టులు
అర్హత: ఎక్స్-సర్వీస్మెన్ ర్యాంకులో జేసీవో క్లర్క్ స్థాయి వరకు ఉండాలి. కంప్యూటర్, అకౌంట్స్ నాలెడ్జ్ ఉండాలి.
అనుభవం: 5 సంవత్సరాలు.
5) లోయర్ డివిజన్ క్లర్క్(ఎల్డీసీ): 01 పోస్టులు
అర్హత: ఎక్స్-సర్వీస్మెన్ ర్యాంకులో హవాల్దార్ క్లర్క్ స్థాయి వరకు ఉండాలి. డిగ్రీతోపాటు కంప్యూటర్, అకౌంట్స్ నాలెడ్జ్ ఉండాలి.
అనుభవం: 5 సంవత్సరాలు.
6) కంప్యూటర్ ల్యాబ్ అసిస్టెంట్: 01 పోస్టులు
అర్హత: ఇంటర్ అర్హత ఉండాలి. ఏడాది డిప్లొమా(కంప్యూటర్ సైన్స్) కోర్సుతోపాటు హార్డ్వేర్, నెట్వర్కింగ్ నాలెడ్జ్ ఉండాలి.
7) సైన్స్ ల్యాబ్ అటెండెంట్: 03 పోస్టులు.
అర్హత: ఇంటర్(సైన్స్) అర్హత ఉండాలి. కంప్యూటర్ నాలెడ్జ్ ఉండాలి.
అనుభవం: 5 సంవత్సరాలు.
8) మల్టీటాస్కింగ్ స్టాఫ్: 02 పోస్టులు
అర్హత: పదోతరగతి అర్హతతోపాటు మూడేళ్ల పని అనుభవం ఉండాలి.
9) గార్డెనర్: 01 పోస్టులు
అర్హత: పదోతరగతి అర్హతతోపాటు మూడేళ్ల పని అనుభవం ఉండాలి.
దరఖాస్తు ఫీజు: రూ.100.
దరఖాస్తు విధానం: ఆఫ్లైన్ ద్వారా దరఖాస్తు చేసుకోవాలి. వెబ్సైట్ నుంచి దరఖాస్తు డౌన్లోడ్ చేసుకోవాలి. దరఖాస్తు నింపి, నిర్ణీత గడువులోగా సంబంధిత చిరునామాకు చేరేలా పంపాలి. దరఖాస్తుకు విద్యార్హతకు సంబంధించిన అన్ని డాక్యుమెంట్లను జతచేసి పంపాలి.
ఎంపిక విధానం: అనుభవం ఆధారంగా.
చిరునామా:
Army Public School Golconda
Hydersha kote,
Near Suncity, Hyderabad-500031.
దరఖాస్తు చివరితేది: 10.10.2023
ALSO READ:
ఏపీలో 434 స్టాఫ్ నర్సు పోస్టులు, జోన్లవారీగా ఖాళీల వివరాలు
ఆంధ్రప్రదేశ్ రాష్ట్రంలో కొత్తగా ప్రారంభించిన 5 ప్రభుత్వ వైద్య కళాశాలల్లో కాంట్రాక్ట్ విధానంలో స్టాఫ్నర్సు పోస్టుల భర్తీకి రాష్ట్ర ప్రజారోగ్య, కుటుంబ సంక్షేమ శాఖ నోటిఫికేషన్ విడుదల చేసింది. దీనిద్వారా 434 స్టాఫ్ నర్స్ ఖాళీలను భర్తీ చేయనున్నారు. వీటిలో 68 పోస్టులను వైద్య విధాన పరిషత్ ఆసుపత్రుల్లో భర్తీ చేస్తారు. జనరల్ నర్సింగ్, మిడ్వైఫరీ (జీఎన్ఎం) లేదా బీఎస్సీ(నర్సింగ్) ఉత్తీర్ణత ఉన్నవారు దరఖాస్తు చేసుకోవడానికి అర్హులు. పోస్టుల భర్తీకి దరఖాస్తు ప్రక్రియ సెప్టెంబరు 21న ప్రారంభమైంది. సరైన అర్హతలున్నవారు అక్టోబరు 5లోగా దరఖాస్తులు సమర్పించాల్సి ఉంటుంది.
నోటిఫికేషన్, పోస్టుల వివరాల కోసం క్లిక్ చేయండి..
ECIL: ఈసీఐఎల్లో 484 ట్రేడ్ అప్రెంటిస్ పోస్టులు, అర్హతలివే
హైదరాబాద్లోని ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్(ఈసీఐఎల్) ట్రేడ్ అప్రెంటిస్షిప్ పోస్టుల భర్తీకి నోటిఫికేషన్ వెలువడింది. దీనిద్వారా మొత్తం 484 ట్రేడ్ అప్రెంటిస్ ఖాళీలను భర్తీ చేయనున్నారు. ఐటీఐ ఉత్తీర్ణులైన అభ్యర్థులు దరఖాస్తు చేసుకోవడానికి అర్హులు. అభ్యర్థులు అక్టోబర్ 10లోగా ఆన్లైన్ విధానంలో దరఖాస్తు సమర్పించాల్సి ఉంటుంది. ఐటీఐ మార్కులు, రూల్ ఆఫ్ రిజర్వేషన్ ఆధారంగా ఎంపిక చేస్తారు.
నోటిఫికేషన్, పోస్టుల వివరాల కోసం క్లిక్ చేయండి..
టాప్ హెడ్ లైన్స్
ట్రెండింగ్ వార్తలు
