Patanjali: ప్రాణాయామం కేవలం వ్యాయామం కాదు.. ఒక నిత్య క్రమశిక్షణ- పతంజలి వెల్నెస్ సెషన్లో బాబా రామ్ దేవ్
Pranayama: ప్రాణాయామం కేవలం వ్యాయామం మాత్రమే కాదని అది ఒక నిత్య క్రమశిక్షణ అని రాందేవ్ బాబా అన్నారు.
Patanjali Wellness: శారీరక సమతుల్యత, మానసిక స్పష్టత కోసం ప్రాణాయామం ఎంతో కీలకమని యోగా గురువు రామ్ దేవ్ బాబా పేర్కొన్నారు. హిమాలయాల పాదాల వద్ద ఉన్న వేద్ లైఫ్ పతంజలి వెల్నెస్ నుంచి నిర్వహించిన ఫేస్బుక్ లైవ్ సెషన్లో ఆయన ప్రాణాయామం ప్రాముఖ్యతను వివరించారు. శ్వాస పక్రియతో పాటు ఏకాగ్రతను జోడించడం వల్ల కలిగే ప్రయోజనాలను ఈ సందర్భంగా ఆయన వివరించారు.
ప్రాణాయామం అనేది ఎప్పుడో ఒకసారి చేసేది కాదని, దానిని రోజువారీ క్రమశిక్షణగా మార్చుకోవాలని రామ్ దేవ్ సూచించారు. అభ్యాసం చేసే సమయంలో భంగిమ (ముద్ర), శ్వాస వేగం, స్పృహపై పట్టు ఉండాలని వీక్షకులకు అవగాహన కల్పించారు. స్థిరత్వం, ఏకాగ్రతతో చేసినప్పుడే ప్రాణాయామం పూర్తి ఫలితాలను ఇస్తుందని ఆయన స్పష్టం చేశారు.
ఆధునిక జీవన ఒత్తిడిలో మనస్సును, శరీరాన్ని ప్రశాంతంగా ఉంచుకోవడానికి స్పృహతో కూడిన శ్వాస తోడ్పడుతుందని ఆయన తెలిపారు. ప్రాణాయామాన్ని ఓపికగా నేర్చుకోవాలని, శరీరం దానికి అలవాటు పడేలా సమయం ఇవ్వాలని సూచించారు. సాధన చేసే సమయంలో పరధ్యానం లేకుండా స్థిరంగా ఉండటం అత్యవసరమని పేర్కొన్నారు.
హిమాలయ సంప్రదాయంతో అనుసంధానం
దేవభూమిగా పిలిచే హిమాలయ ప్రాంతం తనకు ఎంతో స్ఫూర్తినిస్తుందని రామ్ దేవ్ బాబా వివరించారు. వేద్ లైఫ్ పతంజలి వెల్నెస్ అనేది యోగా, ఆయుర్వేదం, ప్రకృతి వైద్యం, సనాతన జీవనశైలి కలయికగా ఉంటుందని చెప్పారు. ఈ ప్రాంతం ఆత్మపరిశీలనకు, క్రమశిక్షణతో కూడిన జీవనానికి అనుకూలమైన వాతావరణాన్ని కల్పిస్తుందని, ఇక్కడ ప్రాచీన జ్ఞానాన్ని కేవలం పుస్తకాల్లో చదవడమే కాకుండా ఆచరణాత్మకంగా అనుభవించవచ్చని తెలిపారు.
నిత్య జీవితంలో సంప్రదాయం
ప్రపంచంలో ఎక్కడ ఉన్నా యోగ సాధనను దైనందిన జీవితంలో భాగం చేసుకోవాలని రామ్ దేవ్ పిలుపునిచ్చారు. ఏకాగ్రతతో చేసే ప్రాణాయామం ఆరోగ్యాన్ని కాపాడటమే కాకుండా, భారతీయ పురాతన సంప్రదాయాలతో మనల్ని అనుసంధానిస్తుందని ఆయన పునరుద్ఘాటించారు.
Disclaimer: This is a sponsored article. ABP Network Pvt. Ltd. and/or ABP Live does not in any manner whatsoever endorse/subscribe to the contents of this article and/or views expressed herein. Reader discretion is advised.
టాప్ హెడ్ లైన్స్
ట్రెండింగ్ వార్తలు
