Rashmika Mandanna: హీరోయిన్ అవ్వాలనుకుంటున్నారా? ఈ నొప్పిని భరించాల్సిందే.. రష్మిక స్వీట్ వార్నింగ్

హీరోయిన్ అవ్వాలని కలలు కంటున్న వారికి స్వీట్ వార్నింగ్ ఇచ్చింది రష్మిక.

By: ABP Desam | Updated at : 22 Dec 2021 05:12 PM (IST)

Edited By: harithac

Want to be a heroine? Be ready to scratch with a laser like this ... Rashmi Sweet Warning

(Image credit: Instagram)

తెలుగు, తమిళ సినిమాలలో దూసుకెళ్తున్న భామ రష్మిక మందన్నా. చేతినిండా సినిమాలతో యమ బిజీగా ఉంది ఈ భామ. పాన్ ఇండియా మూవీగా విడుదలైన పుష్ప సినిమాతో మరింత జోరు పెంచింది. బాలీవుడ్లోకి ‘మిషన్ మజ్ను’ సినిమాతో తెరంగేట్రం చేస్తోంంది. ఈ సినిమా వచ్చే ఏడాది విడుదల కాబోతోంది. దీంతో ఫుల్ జోష్ లో ఉంది రష్మిక. ముంబైకి మన బుజ్జి కుక్కపిల్ల ఆరాతో కలిసి మకాం మార్చింది. అక్కడే ఉండి బాలీవుడ్ పై ఫోకస్ పెట్టబోతోందట ఈ భామ.

స్వీట్ వార్నింగ్
రష్మిక సోషల్ మీడియాలో చాలా యాక్టివ్ గా ఉంటుంది. తాజాగా తన ఇన్‌స్టా స్టేటస్‌లో ఆమె పెట్టిన పోస్టును ఆసక్తికరంగా మారింది. హీరోయిన్ అవ్వాలని కోరుకుంటున్న వారికి ఓ స్వీట్ వార్నింగ్ ఇచ్చింది. ఎరుపెక్కిన తన చేయి ఫోటోని పెట్టి ‘మీరు హీరోయిన్‌గా కావాలనుకుంటున్నారా? మంచిదే, కానీ తెలుసుకోవాల్సింది చాలా ఉంది. ఉదాహరణకు చాలా సార్లు లేజర్ చికిత్స( చర్మంపై వెంట్రుకలు లేకుండా నున్నగా గీసేస్తారు) చేయించుకోవడానికి సిద్ధంగా ఉండాలి. ఇది నిజంగా చాలా నొప్పి పెట్టేది’ అని మెసేజ్ పెట్టింది.

‘ఛలో’ సినిమాతో తెలుగు ఇండస్ట్రీకి పరిచయమైన కన్నడ భామ రష్మిక. ఆ సినిమా హిట్టు కొట్టడంతో వెనక్కి తిరిగి చూసుకోవాల్సిన అవసరం లేకుండా పోయింది. ఇక గీత గోవిందం సినిమా ఆమెను స్టార్ హీరోయిన్‌ను చేసింది. డియర్ కామ్రేడ్, భీష్మ, సరిలేరు నీకెవ్వరూ, సుల్తాన్... ఇలా వరుస సినిమాలు చేసుకుంటూ వెళ్లింది రష్మిక. ఇప్పుడు పుష్ప కూడా రష్మిక ఖాతాలో పడింది.