Seethe Ramudi Katnam Serial Today May 7th: 'సీతే రాముడి కట్నం' సీరియల్: ఓరి దేవుడా ఏం ట్విస్ట్రా.. కొడుకుని కాపాడి కరెంట్ షాక్తో కాలిపోయిన సుమతి, అల్లాడిపోయిన రామ్!
Seethe Ramudi Katnam Serial Today Episode : మహాలక్ష్మి తనకు చేసిన అన్యాయం తెలుసుకున్న సుమతి రామ్ని కాపాడబోయి కరెంట్ షాక్తో ప్రాణాపాయ స్థితికి చేరుకోవడంతో ఇవాళ్టి ఎపిసోడ్ ఆసక్తికరంగా మారింది.
Seethe Ramudi Katnam Today Episode : సుమతి చెప్పిన అడ్రస్కు మహాలక్ష్మి వస్తుంది. సుమతి కూడా అక్కడికి వస్తుంది. మహాలక్ష్మిని చూసి దగ్గరకు వెళ్తుంటుంది. ఇంతలో మహాలక్ష్మి దగ్గరకు రౌడీ రావడంతో సుమతి దాక్కుంటుంది. మెసేజ్ గురించి అడుగుతుంది. సుమతి.. మహాలక్ష్మి, రౌడీ రంగ మాటలను చాటుగా వింటుంది.
మహాలక్ష్మి: నాకు తెలిసిన సుమతి ఒక్కర్తే. అది నువ్వు చంపిన సుమతి. ఆ రోజు నిన్ను సుమతిని యాక్సిడెంట్ చేసి చంపమని చెప్పాను కదా. అప్పుడు నిజంగా సుమతి చనిపోయిందా.
రంగ: అలా అడుగుతారేంటి మేడం ఆరోజు సుమతి కారుని నా లారీతో గుద్దాను. అప్పుడే సుమతి చనిపోయింది. కారు తుక్కుతుక్కు అయిపోయింది. అయినా ఇది జరిగి ఎన్నో ఏళ్లు అయితే ఇప్పుడు అడుగుతున్నారేంటి మేడమ్.
మహాలక్ష్మి: సుమతి పేరుతో ఇప్పుడు ఎవరో నాకు మెసేజ్ చేశారు. నువ్వు మెసేజ్ చేయలేదు. ఇక్కడికి వస్తున్నప్పుడు ఇంట్లో పూజ చేస్తున్న సీతని చూశాను అది కూడా ఈ మెసేజ్ చేసుండరు. మరి ఎవరు ఈ మెసేజ్ చేసుంటారు. సుమతి చావు నీకు నాకు తప్ప మరెవరికీ తెలీదు. ఇది ఎవరో నా గురించి బాగా తెలిసిన వారే ఇలా చేసుంటారు. మెసేజ్ చేసిన ఫేక్ సుమతి ఎవరో ఇంకా ఇక్కడికి రాలేదు.
రంగ: ఎవరో వేరే సుమతి అయ్యుంటారు మేడమ్. వేరే వాళ్లకి చేయబోయి మీకు మెసేజ్ చేసుంటారు వదిలేయండి.
మహాలక్ష్మి: నాకు అలాగే అనిపిస్తుంది. సుమతి విషయం నువ్వు ఇక్కడే మర్చిపోవాలి. మూడో మనిషికి తెలీకూడదు. తెలిసిందో నువ్వు ప్రాణాలతో ఉండవు.
సుమతి: నేను ఎంత మోస పోయాను. మహాలక్ష్మి నిజస్వరూపం ఇదా. కిరాయి హంతకులతో నన్ను చంపించాలనుకుందా. నా ఆస్తి కోసం నా భర్త పిల్లల కోసం నా అడ్డు తొలగించుకోవాలనుకుందా. మహాలక్ష్మి నన్ను దారుణంగా మోసం చేసింది. ఇది ఇంత మోసగత్తె అని తెలిసుంటే నా ఇంట్లోకి రానిచ్చేదాన్ని కాదు. దాని వల్ల నేను అప్పుడు బాధ పడ్డాను. ఇప్పుడు నా మేనకోడలు ఇప్పుడు బాధ పడుతుంది. ఇప్పుడే ఇంటికి వెళ్లి ఆ మహాలక్ష్మిని తన్ని తరిమేసి నా భర్త పిల్లల్ని నా మేనకోడలు సీతని రక్షించుకోవాలి.
సీత తెగిన ముత్యాలహారంలోని ముత్యాలు మళ్లీ దండలా గుచ్చుతుంది. తనకు కీడు శంఖిస్తుందని బాధ పడుతుంది. మరోవైపు రామ్ కారులో వెళ్తుండగా దాహం వేసి చూస్తే బాటిల్ ఉండదు. సీత వాటర్ బాటిల్ పెట్టలేదని ఒక బాటిల్ కొనుక్కోవాలని ఓ చోట ఆగుతాడు. మరోవైపు సుమతి మహా అంతు తేలుస్తానని ఆవేశంగా వెళ్తుంటుంది. ఇంతలో రామ్ని చూస్తుంది. అయితే రామ్ ఫోన్లో మాట్లాడుతూ ఉండగా ఓ లారీ రామ్ మీదకు వస్తుంటుంది. అది సుమతి చూస్తుంది. రామ్ని పిలిచినా వినిపించుకోడు. సుమతి పరుగున వెళ్లి రామ్ని కాపాడుతుంది. అయితే సుమతిని లారీ ఢీ కొట్టడంతో ట్రాన్స్ఫార్మర్ మీద పడి కరెంట్ షాక్ తగిలి ముఖం గుర్తుపట్టలేనంతగా మాడిపోతుంది.
రామ్తో పాటు చుట్టు పక్కల వాళ్లు పరుగున వెళ్తారు. రామ్ అక్కడి వారికి సాయం చేయమని కారులో సుమతిని ఎక్కించి హాస్పిటల్కి తీసుకెళ్తాడు. మరోవైపు సీత టెన్షన్ పడుతుంది. తన భర్త క్షేమంగా ఆఫీస్కు వెళ్లాడా లేదా అని కాల్ చేయాలనుకుంటుంది. ఇక తన తల్లే అని తెలియని రామ్ సుమతికి ఏం కాకూడదని వేడుకుంటాడు. ఇంతలో సీత కాల్ చేస్తే తనకు పెద్ద ప్రమాదం తప్పిందని ఆమె రిస్క్లో ఉందని హాస్పిటల్కి వెళ్తున్నాని చెప్తాడు. సీత కూడా హాస్పిటల్కి వస్తానని అంటుంది.
మరోవైపు సుమతి తల్లి సుమతి కోసం వెతుకుతూ ఉంటుంది. సుమతి కనిపించడం లేదని ఇంట్లో వాళ్లకి చెప్తుంది. అందరూ కంగారు పడతారు. రామ్ సుమతిని హాస్పిటల్కి తీసుకొస్తాడు. సీత కూడా హాస్పిటల్కి వస్తుంది. తనని యాక్సిడెంట్ నుంచి తప్పించి ఆవిడ ప్రమాదంలో పడిందని రామ్ జరిగింది సీతకు చెప్పి బాధ పడతాడు. సీత రామ్కి ధైర్యం చెప్తుంది. పెషెంట్ ఏమవుతారని నర్స్ అడిగితే సీత వెంటనే పేషెంట్ తనకు అమ్మ అవుతుందని పేరు సుమతి అని తనకు తెలీకుండానే నిజం చెప్తుంది. రామ్ ఎమోషనల్గా ఫీలవుతాడు. దీంతో ఇవాళ్టి ఎపిసోడ్ పూర్తవుతుంది.
Also Read: కృష్ణ ముకుంద మురారి సీరియల్ : ముకుంద డబుల్ గేమ్ తెలుసుకున్న కృష్ణ.. మురారి పక్కన చూసి రచ్చ!
టాప్ హెడ్ లైన్స్
ట్రెండింగ్ వార్తలు
