Nindu Noorella Saavasam Serial Today October 29th: ‘నిండు నూరేళ్ల సావాసం’ సీరియల్: గేటు దగ్గర ఆరు ఆత్మను కాపలా పెట్టిన ఘోర – లోపల పూజను చులకనగా మాట్లాడిన మనోహరి
Nindu Noorella Saavasam Today Episode: ఆరు ఆత్మను గేటు దగ్గర కాపలాగా పెట్టి ముత్తైదువలు ఎవరూ భోజనానికి వెళ్లకుండా ఘోర చేయడంతో ఇవాళ్టీ ఏపిసోడ్ చాలా ఆసక్తిగా జరిగింది.
Nindu Noorella Saavasam Serial Today Episode: ఘోర, అమర్ ఇంటికి వస్తాడు. మనోహరి తిడుతుంది. అమర్ చూస్తే మనల్ని చంపేస్తాడు అంటుంది. ఇంట్లో భోజనాలు చేయడానికి ఇంట్లోకి ఎవ్వరూ రాకుండా ఆత్మ చేతనే ఆపేస్తానంటాడు ఘోర.
ఘోర: ఇవాళ నీకోసం చేస్తున్న అమ్మవారి దీక్షకు అడ్డుపడి కొంచెం పాపం మూటకట్టుకో..
ఆరు: వద్దు దీక్షకు బంగం కలిగించి నువ్వేం సాధించలేవు. అమ్మవారు చూస్తూ ఊరుకోరు.
అనగానే ఘోర మంత్రం చదివి ఆరును బయటకు పంపిస్తాడు. గేటు ముందు ఆత్మ నిలబడుతుంది. ఆ ఆత్మను దాటుకని ఎవ్వరూ లోపలకి వెళ్లరు మనోహరి. అని చెప్పగానే మనోహరి సరేనని లోపలికి వెళ్తుంది. లోపల భోజనాలు రెడీ చేసి అతిథుల కోసం ఎదురుచూస్తుంటారు. భోజనానికి ఎవరూ రారు. బయట గుప్త.. ఘోర చేసిన పని చూసి షాక్ అవుతుంటాడు. భోజనానికి వచ్చిన ముత్తైదువలు గేటు దగ్గరకు వచ్చి వెళ్లిపోతుంటారు.
భాగీ: అదేంటండి. ఇంటికి వెళ్లి మరీ భోజనానికి పిలిస్తే ఒక్కరూ కూడా రావడం లేదేంటి..?
మనోహరి: రావడం ఇష్టం లేదేమో.. రారేమో..
నిర్మల: శుభమాని పూజ చేస్తుంటే ఏంటమ్మా ఆ మాటలు..
మనోహరి: ఆంటీ నేనేం తప్పుగా అనడం లేదు. పూజను లాస్ట్ మినిట్ లో అనుకున్నారు అందరికీ లాస్ట్ మినిట్ లో చెప్పారు. అందుకే రారేమో అన్నాను. అయినా మనసు బాగాలేదని దీక్షలు చేస్తే ఇలాగే ఉంటుంది. నాకు తెలిసి ఈ దీక్ష ఇంతటితో ఆపేస్తే మంచిది అనిపిస్తుంది. ఏంటి మిస్సమ్మ అలా చూస్తున్నావు. నేను నీ మంచి కోసమే.. అదే ఈ ఇంటి కోసమే చెప్తున్నాను.
నిర్మల: మనోహరి చెప్తున్నది కూడా నిజమే కదమ్మా.. భోజనానికి ఎవ్వరూ రాకపోతే ఇంటికి అరిష్టమేమో..
రాథోడ్: మిస్సమ్మ నువ్వేం బాధపడకు. నువ్వు ఎవరెవరిని పిలిచావో వాళ్లన నేను వెళ్లి జాగ్రత్తగా తీసుకొస్తాను.
అని రాథోడ్ వెళ్లిపోతాడు. భాగీ అమ్మవారి దగ్గరకు వెళ్లి బాధగా ప్రార్థిస్తుంది. భాగీ పక్కన అమర్ పిల్లలు కూడా వచ్చి కూర్చుని అమ్మవారిని ప్రార్థిస్తుంటారు.
శివరాం: మిస్సమ్మ మనసులో గట్టిగా సంకల్పించుకుంటే ఈ దీక్ష పూర్తి అవ్వడానికి ఆ అమ్మవారి ఆశీస్సులు సంపూర్ణంగా ఉంటాయి.
గుప్త: జగన్నాథ కళ్ల ముందే ఇంత ఘోరమూ ఇంత అన్యాయమూ జరగుతుంటే నేను చూడలేకపోతున్నాను. దయచేసి ఈ ఒక్కసారి ఈ ఘోరాన్ని ఆపే శక్తిని ఇవ్వు జగన్నాథ
అని గుప్త కోరుకోగానే దేవుడు గుప్తకు శక్తులు ఇస్తాడు. లోపల అందరూ అమ్మవారిని ప్రార్థిస్తుంటారు. తనకు వచ్చిన శక్తులతో ఘోర వేసిన బంధనాన్ని పటాపంచలు చేసి గుప్త లోపలికి వెళ్తాడు. లోపల మనోహరి భాగీని చులకనగా మాట్లాడుతుంది.
మనోహరి: దండం పెట్టుకున్నా.. దయ చూపించమని అడిగినా ఫలితం లేకుండా పోయింది. ఆంటీ ఇంకా ఎంత సేపని ఇలా ఉంటాము. వెంటనే దీక్షను విరమించడం బెటర్.
అని మనోహరి చెప్పగానే అందరూ బాధగా చూస్తుంటారు. ఇంతలో గుప్త వెనకాల ముత్తైదువలు వస్తుంటారు. ఇంతలో గుప్త మాయం అయిపోతాడు. ఇంట్లోకి వస్తున్న ముత్తైదువులకు బయటకు వెళ్లి కాళ్లకు పసుపురాసి లోపలికి తీసుకెళ్తుంది. మరోవైపు లోపల కూరల్లో ఉప్పు ఎక్కువగా కలుపుతుంది మనోహరి. ఇంతలో అందరూ లోపలికి వచ్చి భోజనం చేస్తుంటారు. మొదటగా భోజనం చేసిన ఆవిడ మొదటి ముద్ద నోట్లో పెట్టుకుని అదో రకంగా చూస్తుంది.
మనోహరి: ఏంటి బామ్మగారు ముద్దు నోట్లో పెట్టగానే ముఖం అలా పెట్టారు. ఏం బాలేవా..?
బామ్మ: అన్ని చక్కగా సరిపోయాయి అమ్మా.. ఇంత చక్కగా కుదిరిన వంటను ఈ మధ్య కాలంలో నేను ఎప్పుడూ తినలేదు. నువ్వు ఏ కోరికతో దీక్ష చేపట్టావే తెలియదు కానీ అది మనఃస్పూర్తిగా జరగాలని కోరుకుంటున్నాను.
గుప్త: మానవునికి మాధవుడు తోడైతే ఎలా ఉంటుందో ఈ బాలికకు భోధపడుతుందని నేను అనుకుంటున్నాను.
అందరూ హ్యాపీగా ఫీలవుతుంటారు. మనోహరి మాత్రం ఇరిటేటింగ్ గా ఫీలవుతుంది. దీంతో ఇవాళ్టీ ఎపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
టాప్ హెడ్ లైన్స్
ట్రెండింగ్ వార్తలు
