Jabardasth: అనసూయ లాస్ట్ షో, 'జబర్దస్త్' టీమ్ ఎమోషనల్

అనసూయ యాంకర్ గా వ్యవహరించిన జబర్దస్త్ చివరి ఎపిసోడ్ ఈ నెల 28న ప్రసారం కానుంది.

అనసూయ లాస్ట్ షో, 'జబర్దస్త్' టీమ్ ఎమోషనల్

బుల్లితెరపై 'జబర్దస్త్' షోకి ఉన్న ఫాలోయింగ్ అంతా ఇంతా కాదు. యూత్ తో పాటు ఫ్యామిలీ ఆడియన్స్ కూడా ఈ షో చూస్తుంటారు. ఎన్ని వివాదాలు ఎదురైనా.. ఇప్పటికీ నెంబర్ వన్ కామెడీ షోగా దూసుకుపోతుంది 'జబర్దస్త్'. ఈ షోని మొదలుపెట్టి దాదాపు తొమ్మిది సంవత్సరాలు అవుతున్నా.. ఇప్పటికీ అత్యధిక టీఆర్ఫీతో దూసుకుపోతుంది. అయితే ఈ షో నుంచి యాంకర్ అనసూయ తప్పుకుంటున్నట్లు తెలుస్తోంది. నిజానికి ఈ షోతో అనసూయ విపరీతమైన పాపులారిటీ సంపాదించింది. అలాంటిది ఆమె ఈ షోకి గుడ్ బై చెప్పడం హాట్ టాపిక్ గా మారింది. 

అనసూయ యాంకర్ గా వ్యవహరించిన చివరి ఎపిసోడ్ ఈ నెల 28న ప్రసారం కానుంది. ఈ ఎపిసోడ్ కి సంబంధించిన ప్రోమోను రీసెంట్ గా విడుదల చేశారు. ఇందులో అనసూయకి వీడ్కోలు చెబుతూ తాగుబోతు రమేష్ అండ్ కో ఒక స్కిట్ చేసింది. వెంకీ, తాగుబోతు రమేష్ కలిసి ఈ స్కిట్ చేశారు. అనసూయ గెటప్ లో స్టేజ్ పైకి వచ్చిన తాగుబోతు రమేష్ ని.. 'జబర్దస్త్' డేట్స్ ఎప్పుడు పెట్టుకుందామని వెంకీ అడుగుతాడు. 

దానికి అనసూయ గెటప్ లో ఉన్న తాగుబోతు రమేష్ 'జబర్దస్త్ షో మానేయాలనుకుంటున్నా' అని చెబుతాడు. వెంటనే వెంకీ 'మీ పిల్లలు చిన్నతనంలో వారి బాధ్యతను మీ అమ్మకి అప్పగించి మరీ జబర్దస్త్ కోసం పని చేశారు. అలాంటిది మీరు మానేస్తున్నారంటే' అని అనగానే అనసూయ చాలా ఎమోషనల్ అయింది. జడ్జి ఇంద్రజ కూడా అనసూయని హత్తుకొని ఎమోషనల్ అయింది. కమెడియన్ చలాకీ చంటి.. 'నెలలో మూడు రోజులు కూడా మా కోసం అడ్జస్ట్ చేయలేవా..?' అని అడిగాడు. దానికి అనసూయ సమాధానం చెప్పలేక సైలెంట్ గా ఉండిపోయింది.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Anasuya Bharadwaj (@itsme_anasuya)