Illu Illalu Pillalu Serial Today may 2nd: ఇల్లు ఇల్లాలు పిల్లలు: ప్రేమ ధీరజ్కి డబ్బు సాయం చేయగలదా! నగలు తాకట్టుకు వెళ్లినట్లు సేన, భద్రావతిలకు తెలిసిపోయిందా!
Illu Illalu Pillalu Serial Today Episode may 2nd ధీరజ్కి డబ్బు సాయం చేయాలని ప్రేమ నగలు తీసుకొని బ్యాంక్కి వెళ్లడం మేనేజర్ విషయం ప్రేమ పుట్టింట్లో చెప్పేయడంతో ఇవాళ్టి ఎపిసోడ్ ఆసక్తికరంగా మారింది.
Illu Illalu Pillalu Serial Today Episode ప్రేమ ధీరజ్ మూడ్ మార్చాలి అని తల రుద్దమని అంటుంది. నేను తల తుడవను అని ధీరజ్ అంటే మొన్నే తలకి దెబ్బ తగిలింది పాపం అని లేదు.. నన్ను పుట్టింట్లో వదిలేయ్ మా అమ్మతో తల తుడిపించుకుంటా అని ప్రేమ అంటే నేనే తుడుస్తానే టవల్ ఇవ్వు అని ధీరజ్ అడిగితే ఏం అవసరం లేదు అని ప్రేమ అంటుంది. ఇక ధీరజ్ ప్రేమ తల తుడుస్తాడు. ఇంతలో ధీరజ్కి కారు షోరూం నుంచి ఫోన్ వస్తుంది. రేపటిలో డబ్బు కట్టి కారు తీసుకోండి లేదంటే మీరు కట్టిన ఫ్రీ బుకింగ్ కూడా పోతుందని అంటాడు.
ధీరజ్ బుకింగ్ క్యాన్సిల్ చేసేయమని అంటే ప్రేమ వద్దని డబ్బు కడతామని చెప్తుంది. అంత డబ్బు ఇన్ని రోజులు లేనిది ఇప్పుడు ఎలా కడతామని ధీరజ్ అడిగితే అంతా నేను చూసుకుంటానురా.. నా ఫ్రెండ్స్ని అడుగుతా అని అంటుంది. రెండు లక్షలు ఇచ్చే అంత ఫ్రెండ్స్ ఎవరు ఉన్నారే నీకు అని ధీరజ్ అడుగుతాడు. దానికి ప్రేమ ఈ రిచ్ కిడ్కి డబ్బుచ్చే రిచ్ ఫ్రెండ్స్ ఉన్నారు అని అంటుంది. మామూలుగా అయితే ఓకే కానీ రిస్క్ మాత్రం తీసుకోకు అని అంటాడు. ఒన్ పర్సెంట్ కూడా రిస్క్ ఉండదురా డబ్బులు సంగతి నాకు వదిలేయ్ అని ప్రేమ అంటుంది. ప్రేమ నగలు తీసి పట్టుకొని నువ్వు బాధ పడుతుంటే నేను తట్టుకోలేనురా.. అందుకే ఈ నగలు బ్యాంక్లో పెట్టి డబ్బులు తీసుకొస్తా.. ఈ విషయంలో నువ్వు నన్ను తిట్టినా పర్లేదు.. నువ్వు మాత్రం గర్వంగా తలెత్తుకొని ఉండాలి అని నగలు హ్యాండ్ బ్యాగ్లో వేసుకొని బ్యాంక్కి బయల్దేరుతుంది.
Also Read: సింధూజాక్షి పురుగుల మందు ఎందుకు తాగింది.? ఈ విషయం గోపీ ఎవరికి చెప్పాడు..?
ఇడ్లీబాబాయ్ కొరడాతో తనని తాను కొట్టుకుంటూ ఉంటాడు. భాగ్యం చూసి ఏంటి నువ్వు ఏం చేస్తున్నావ్ ఇలా కొట్టుకోవడం ఏంటి అని అడిగితే.. దెబ్బలకు బాడీని అలవాటు చేసుకుంటున్నా అంటాడు. పిచ్చా బాడీని దెబ్బలకు అలవాటు చేసుకోవడం ఏంటి అని భాగ్యం అడిగితే అలా అడుగుతావేంటి భాగ్యం.. నువ్వు ఏమైనా మామూలు బాంబ్ ఒత్తి పీకానని అనుకుంటున్నావా ఏంటి.. అమ్మడు నెల తప్పిందని అణుబాంబ్ లాంటి అబద్ధానికి పిన్ను పీకావ్.. ఆ విషయం అబద్ధం అని బద్ధలైందని అనుకో,., మనకు మామూలుగా బద్ధలవదు భాగ్యం,, నీకే నువ్వు ఆడదానివి కాబట్టి రెండు చెంప దెబ్బలతో వదిలేస్తారు.. నాకు అలా కాదు.. రోటిలో ఇడ్లీలు వేసి రోకలితో దండినట్లు ఎడా పెడా దంచేస్తారు అని అంటాడు. నీ దుక్కుమాలిన ఏడుపు ఆపకపోతే వాళ్ల కంటే ముందు నేనే ,నిన్ను పొడిచేస్తా అని అంటుంది.
Also Read: కేదార్ను శివశంకర్ కలవకుండా ఏం చేశాడు..? యువరాజు వలలో శివశంకర్ ఎలా చిక్కాడు..?
వల్లీ బెల్ పట్టుకొని భాగ్యానికి ఫోన్ చేస్తుంది. భాగ్యం ఫోన్ లిఫ్ట్ చేయగానే బెల్ మోగిస్తుంది. ఏంటే అమ్మడు అని భాగ్యం అడిగితే మామయ్య గారు నాకు ఈ బెల్ గిఫ్ట్గా ఇచ్చారే అమ్మ అని చెప్తుంది. దానికి భాగ్యం నర్మద, ప్రేమలతో ఓ ఆట ఆడేసుకో అని అంటుంది. వద్దే అమ్మ నేను తిరిగి ఈ ఇంట్లో అడుగు పెట్టడం ఈ జన్మలో జరగదు అని అనుకున్నా.. కానీ నా కడుపు పండటం వల్ల ఇంట్లో అడుగు పెట్టించారు.. ఇప్పుడు వాళ్లతో ఆడుకుంటే మళ్లీ నా కథ మొదటికి వచ్చేస్తుందే వద్దే అని అంటే అలా అయితే నేను చూసుకుంటా నువ్వు వాళ్లతో ఆడుకో అంతా నేను చూసుకుంటా అని భాగ్యం అంటుంది. సరే మా అమ్మ ఎలా చెప్తే అలా అని వల్లీ సరే అని చందు రావడం చూసి ఫోన్ కట్ చేసేస్తుంది.
Also Read: కలవారి కోడలు కనక మహాలక్ష్మీ: సీఈఓ పదవికి రాజీనామా చేసిన విహారి! లక్ష్మీ కిడ్నాప్!
చందు వల్లీ దగ్గర కూర్చొని అంతా బాగుంది కదా.. ఏం కావాలి అన్నా మా అమ్మని అడుగు అంటాడు. ఎందుకు బా సలహాలు ఇవ్వడానికి మా అమ్మ ఉంది కదా అంటుంది. చందు కోపంగా చూడటంతో సరే బా అత్తయ్యనే అడుగుతా అంటుంది. చందు రైస్ మిల్లుకి వెళ్తున్నా అని చెప్పి వచ్చేటప్పుడు ఏమైనా తీసుకురావాలా అని అడిగితే హల్వా తెమ్మని చెప్తుంది. ఇక ప్రేమ బ్యాంక్కి వెళ్లి మేనేజర్ని కలిసి నగలు తాకట్టు పెట్టాలి అని నగలు చూపిస్తుంది. మేనేజర్ ప్రేమని గుర్తు పట్టి మీరు భద్రావతి మేనకోడలు కదా.. మీరు కోటీశ్వరులు కదా రెండు లక్షల కోసం నగలు తాకట్టు పెట్టడం ఏంటి అని అడుగుతాడు. దానికి ప్రేమ నాకు పెళ్లి అయింది.. పర్సనల్ ప్రాబ్లమ్ కోసం కావాలి అంటుంది. మేనేజర్ సరే అని కాసేపు బయట వెయిట్ చేయమని అంటాడు.
మరోవైపు భద్రావతి, సేనాపతి హైదరాబాద్ వెళ్లి లాయర్ని కలిసి విశ్వక్కి బెయిల్ వచ్చేలా చేయమని చెప్తారు. రెండు రోజుల్లో బెయిల్ వచ్చేలా చేస్తానని లాయర్ చెప్తాడు. ఇక మేనేజర్ సేనాపతికి కాల్ చేసి మీ అమ్మాయి నగలు తాకట్టు పెట్టడానికి బ్యాంక్కి వచ్చిందని.. పెళ్లయింది పర్సనల్ నీడ్స్ ఉన్నాయని చెప్పిందని అంటాడు. మేం హైదరాబాద్లో ఉన్నాం.. రేపు భద్రాచలం వచ్చేస్తాం అప్పటి వరకు ఆపండి.. రేపు మా అమ్మాయిని బ్యాంక్కి రమ్మని చెప్పండి ఈ లోపు మేం వచ్చేస్తాం అని అంటాడు. భద్రావతి సేనాతో ఇదంతా ధీరజ్ పనే అయింటుందిరా.. ఒక్క దెబ్బతో తండ్రీకొడుకులు దొరికారు అని అనుకుంటుంది. ధీరజ్ కూడా డబ్బు కోసం ట్రై చేస్తూ ఉంటాడు. పది రూపాయల వడ్డీకి డబ్బు ఇస్తాను అంటాడు. ధీరజ్ ప్రేమకి కాల్ చేసి విషయం చెప్తే వద్దని డబ్బు ఏర్పాటు అయినట్లే అని అంటుంది. మేనేజర్ ప్రేమతో రేపు ఉదయం రమ్మని అంటాడు. అర్జెంట్ కచ్చితంగా ఇవ్వండి అని ప్రేమ వెళ్లిపోతుంది. ప్రేమని పిక్ చేసుకోవడానికి ధీరజ్ వస్తాడు. మీ ఫ్రెండ్ ఇల్లు ఎక్కడే అని అడుగుతాడు. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
