Illu Illalu Pillalu Serial Today April 9th: ఇల్లు ఇల్లాలు పిల్లలు: ప్రేమ కోసం గుండెలు బాదుకొని ఏడుస్తున్న ధీరజ్! ప్రేమ కండీషన్ ఏంటి?
Illu Illalu Pillalu Serial Today Episode April 9th ప్రేమకి యాక్సిడెంట్ అయిందని సేనాపతికి భార్య, అక్క చెప్పడం సేనాపతి తనవల్లే జరిగిందని కుప్పకూలిపోవడంతో ఇవాళ్టి ఎపిసోడ్ ఆసక్తికరంగా మారింది.
Illu Illalu Pillalu Serial Today Episode చందుని లారీ ఢీకొట్టడానికి వస్తూ ఉంటే అది చూసిన ప్రేమ చందుని పిలుస్తుంది. చందు ఫోన్లో మాట్లాడుతూ వినిపించుకోకపోవడంతో ప్రేమ పరుగున వెళ్లి చందుని పక్కకి తోసేస్తుంది. దాంతో లారీ ప్రేమని ఢీ కొట్టేస్తుంది. అమ్మా అని ప్రేమ పెద్దగా అరుస్తుంది. చందుకి యాక్సిడెంట్ ప్లాన్ చేసి భాగ్యం, వల్లీ, ఇడ్లీబాబాయ్ దూరం నుంచి చూసి ప్రేమ అని అరుస్తారు. ఇక అప్పుడే వచ్చిన ధీరజ్ కూడా ప్రేమ అని అరుస్తాడు. పరుగున ప్రేమ దగ్గరకు వెళ్లి హాస్పిటల్లో చేర్పిస్తాడు.
హాస్పిటల్లో ధీరజ్ ఏడుస్తూ ఉంటే చందు వెళ్తాడు. ధీరజ్ అన్నని పట్టుకొని పెద్దగా ఏడుస్తాడు. మరోవైపు రామరాజు, నర్మద, సాగర్, తిరుపతి, అమూల్య హాస్పిటల్కి వస్తారు. ప్రేమకి యాక్సిడెంట్ అవ్వడం ఏంట్రా అని అడిగితే నన్ను కాపాడబోయి తన ప్రాణాల మీదకు తెచ్చుకుంది నాన్న అని చందు చెప్తాడు. జరిగింది అంతా చెప్తాడు. ప్రేమ లేకపోయి ఉంటే తన స్థానంలో అక్కడ నేను ఉండేవాడిని నాన్న.. అసలు ప్రాణాలతో ఉండేవాడినో లేదో కూడా తెలీదు. పొరపాటున తనకి ఏమైనా అయితే నా వల్లే తనకి ఇలా అయింది అనే గిల్టీ లైఫ్ లాంగ్ నాకు ఉండిపోతుంది నాన్న అని చందు అంటాడు. అలా ఏం కాదురా.. ప్రేమకి ఏం కాదు అని అందరూ అంటారు. ధీరజ్ పక్కకి వెళ్లి ఏడుస్తాడు. నర్మద వెళ్లి ధీరజ్ అని అంటే వదినా ప్రేమ తలకి.. కాళ్లకి.. చూస్తూ కూడా కాపాడుకోలేకపోయాను.. అని ఏడుస్తాడు. నా వల్లే ప్రేమకి ఇలా అయింది వదినా.. నేనే తనని కాలేజ్కి తీసుకెళ్లకుండా వదిలేశాను.. పొరపాటున తనకి ఏమైనా అయితే నేను తట్టుకోలేను వదినా అని ఏడుస్తాడు. నీ ప్రేమే మన ప్రేమని రక్షిస్తుందని నర్మద చెప్తుంది.
వల్లీ, భాగ్యం, ఇడ్లీబాబాయ్ చెరోవైపు కూర్చొని ఆలోచిస్తూ ఉంటారు. వల్లీ తల్లీదండ్రుల మీదకు పెద్ద బండరాయి పట్టుకొని వెళ్తుంది. ఇలాంటి దిక్కుమాలిన ఐడియా ఇచ్చింది నువ్వే కదా అని భాగ్యం మీదకు వెళ్తుంది. ఇప్పుడు ఏమైంది మీ ఆయనకు ఏం కాలేదు కదా అని భాగ్యం అంటుంది. దానికి వల్లీ ఏయ్ చంపేస్తా.. కార్యేషుదాసీ కార్యేషుదాసీ అని పనికిమాలిన ప్లాన్ వేశావ్.. మనుషుల ప్రాణాలతో ఆడుకునే పనికి మాలిన ప్లాన్ వేశావ్.. పాపం ప్రేమ బలైంది.. అమాయకురాలు అయిన దాని ప్రాణాల మీదకు వచ్చింది.. పాపం ప్రేమ నేను దాన్ని ఎంత ఇబ్బంది పెట్టినా సరే నన్ను మాత్రం సొంత అక్కలా చూసుకునేది.. అంత మంచిది ఇప్పుడు ఎలా ఉందో ఎలాంటి పరిస్థితిలో ఉందో.. ఒకవేళ తనకి ఏమైనా అయితే నీ ప్రాణాలు తీసేస్తా.. నీ మాటలు విని నా కాపురాన్ని రోడ్డు మీదకు తెచ్చుకున్నా.. మీ మాటలు విన్నాను చూడు నిజంగా నాకు బుద్ధి లేదు.. పాపం ప్రేమకి ఎలా ఉందో ఏంటో అని శ్రీవల్లి ఏడుస్తుంది. ఇడ్లీబాబాయ్ భార్యతో పాపం ప్రేమకి ఏమైందో అని అమ్మడు ఎలా విలవిల్లాడిపోతుందో చూడు.. నీ మాటలు విని అలా తయారైంది కానీ లేదంటే అమ్మడు చాలా మంచిది.. అమ్మడికి చాలా ఎమోషన్స్ ఉన్నాయి. అందుకే అంటారు తోడేలు కడుపులో కుందేలు పడిందని అంటాడు.
సేనాపతి ఇంటికి వచ్చి రామరాజు ఇంటిని చూసి ఏంటి కొడుకు యాక్సిడెంట్ విషయం ఇంకా రామరాజు ఇంట్లో తెలీదా.. శోకాలు పెట్టడం లేదు ఏంటి అని అనుకుంటాడు. ఇంతలో డ్రైవర్ సేనాపతికి కాల్ చేసి పని పూర్తి అవ్వలేదు అని ఒక అమ్మాయి మధ్యలో వచ్చేసిందని అంటాడు. కొంతకాలం ఎక్కడైనా దాక్కొని చావు అని సేనాపతి డ్రైవర్తో చెప్తాడు. సేనాపతి ఇంట్లోకి వెళ్తున్న టైంలో రేవతికి తిరుపతి కాల్ చేసి ప్రేమకి యాక్సిడెంట్ అయిందని చెప్తాడు. ప్రేమ అని రేవతి అరుస్తుంది. అత్తకి భద్రావతికి ప్రేమకి యాక్సిడెంట్ అయిందని చెప్తుంది. అందరూ షాక్ అయి ఏడుస్తారు. తర్వాత సేనాపతి వస్తే విషయం చెప్తారు. సేనాపతి కుప్పకూలిపోతాడు.
హాస్పిటల్లో ప్రేమకి మెలకువ వస్తుంది. అందరూ వెళ్లి చూస్తారు. ప్రేమ, ధీరజ్కి ఏం కాలేదు అని సైగ చేస్తుంది. డాక్టర్ వచ్చి మీ అమ్మాయి చాలా అదృష్టవంతురాలండీ.. ఇంత పెద్ద యాక్సిడెంట్ అయిన పెద్ద గాయాలు ఏం కాలేదు.. వారం రెస్ట్ ఉండాలి.. కాలు కదపకూడదు అని చెప్తుంది. చందు ప్రేమతో ఎందుకు ప్రేమ నా కోసం నువ్వు ప్రాణాల మీదకు తెచ్చుకున్నావ్ అంటే.. బావ నా ప్లేస్లో మీ తమ్ముడు ఉంటే మిమల్ని అలా వదిలేస్తాడా.. మారింది మనిషే బావ బాధ్యత కాదు అని అంటుంది. భద్రావతి వాళ్లంతా హాస్పిటల్కి బయల్దేరుతారు. ఇంతలో రామరాజు వాళ్లు ప్రేమని తీసుకొని ఇంటికి వచ్చేస్తారు. సేనాపతి, భద్రావతి, రేవతి అందరూ ప్రేమ దగ్గరకు పరుగున వెళ్తారు. నీకేం కాలేదు కదమ్మా అని ఎమోషనల్ అవుతారు. నాకు ఏం కాలేదు నాన్న కాలికి దెబ్బ తగిలింది అంటే అని అంటుంది. ఈ మాటతో పోతున్న నా ప్రాణం నిలబడింది.. నన్ను క్షమించమ్మా అని సేనాపతి అంటాడు. వాడు ఎవడో యాక్సిడెంట్ చేస్తే మీరు ఎందుకు నాన్న క్షమాపణ చెప్తున్నారు అని ప్రేమ అంటుంది. దీంతో ఇవాళ్టి ఎపిసోడ్ పూర్తయిపోతుంది.
Before You Go
Bindu Madhavi Reacts to Uppal Balu Controversy | ఉప్పల్ బాలు vs బిందు మాధవి
టాప్ హెడ్ లైన్స్
ట్రెండింగ్ వార్తలు
