Gunde Ninda Gudi Gantalu December 19 Episode: బాలు బిజినెస్ ప్లాన్, ప్రభావతితో మీనా సరికొత్త సవాల్ - గుండెనిండా గుడిగంటలు డిసెంబర్ 19 ఎపిసోడ్
Gundeninda GudiGantalu Today episode: మౌనిక కనిపించడం, ఈయనెవరో నాకు తెలియదు అని గెంటించేయడంతో బాలు ఆ బాధలోనే ఉండిపోతాడు. ఈ రోజు ఎపిసోడ్ లో ఏం జరిగిందంటే
గుండె నిండా గుడి గంటలు డిసెంబర్ 19 ఎపిసోడ్ - Gunde Ninda Gudi Gantalu 2025 December 19 Episode
మౌనిక దగ్గర్నుంచి వచ్చిన తర్వాత బాలు అదే బాధలో ఉండిపోతాడు. తను నన్ను కొట్టినా కానీ నేను బాధపడేవాడిని కాదు అస్సలు నేనెవరో తెలియదు అని చెప్పేసింది..దీన్నుంచి నేను బయటపడలేకపోతున్నా..అసలు మౌనిక ఎందుకలా చేసిందో అర్థంకావడం లేదని బాలు బాధపడతాడు. ఇంకేదో కారణం ఉండి ఉంటుంది లెండి అని సర్దిచెబుతుంది మీనా. ఆ కారణం ఏంటో , మౌనిక ఎందుకు అలా చేస్తోందో తెలియాలి అనుకుంటాడు. ఆ సంజయ్ ఏదైనా బెదిరించి ఉంటాడా అనే సందేహం వస్తుంది. ఆ తర్వాత మీనా కాల్ చేసినా లిఫ్ట్ చేయదు మౌనిక. ఇదంతా చూసి..ఇలానే కంటిన్యూ అయిపో..ఎప్పటికీ ఈ ఇంట్లో ఏదో మూలన పడి ఉండొచ్చు అంటాడు సంజయ్.
నిద్రపోతున్న మనోజ్ కి మెలకువ వస్తుంది...ఉదయం షాప్ లో ఉన్నప్పుడు ఎవరో వచ్చి ఇచ్చిన లెటర్ చూసి టెన్షన్ పడుతుంటాడు. నా చుట్టూ ఉన్నవారివల్లే సమస్యలు అంటే అర్థం ఏంటి? ఇంట్లో వాళ్లా? నా చుట్టూ ఎక్కువ సమయం రోహిణి కదా ఉంటుంది అని ఆలోచిస్తాడు. ఏం చేయాలో అర్థంకాక తల్లికి కాల్ చేసి రూమ్ నుంచి బయటకు రమ్మని అడుగుతాడు. ఆ లెటర్ చూసిన ప్రభావతి... నీవల్ల ఎవరికైనా సమస్య వస్తుంది కానీ ఎవరి వల్ల అయినా నీకు సమస్య వస్తుందా అని అంటుంది. ఏంటి కొత్తడ్రామానా... నెలకు 50 వేలు ఇమ్మన్నామని కొత్తగా ఏమైనా ప్లాన్ చేశావా అంటుంది. నేను మాత్రం నిన్ను నమ్మను..ఆ బాలుగాడిని అయినా నమ్ముతా అంటాడు. నువ్వు నన్ను ఇంతమాట అన్నావని తెలిసినా ... నేను నిన్ను కొట్టానని తెలిసినా బాలుగాడు దీపావళి పండుగ చేసుకుంటాడో పోరా అని నెట్టేస్తుంది...వీడికి కాస్తైనా తెలివితేటలు ఇవ్వు స్వామి అని దేవుడిని కోరుకుంటుంది ప్రభావతి.
బాలు సెకెండ్స్ లో మరోకారు కొంటాడు కదా..ఆ కారుని రాజేష్ కి రెంట్ కి ఇవ్వాలని ఫిక్సవుతారు. ఆ కారు తాళాలను సత్యం చేతుల మీదుగా రాజేష్ కి ఇప్పిస్తాడు బాలు. ఎవరో పరిచయం లేనివాళ్లకు ఇస్తే కారు పాడవుతుంది..మంచి పని చేశావ్ అని బాలుతో అంటాడు. తీసుకో రాజేష్ నీకు అంతా మంచే జరుగుతుంది అని దీవిస్తాడు సత్యం. కారు నడిపేటప్పుడు జాగ్రత్త అని చెబుతుంది మీనా. స్నేహితులు అయినా కానీ ఇచ్చిపుచ్చుకునే దగ్గర స్ట్రిక్ట్ గా ఉండాలి అంటాడు సత్యం. నేను చూసుకుంటా మావయ్య అంటుంది మీనాయ ఇలా నువ్వు 200 కార్లు కొని పెద్ద బిజినెస్ మ్యాన్ అయిపో అంటాడు రాజేష్. బాలు-మీనా సంతోషం చూసి కుళ్లుకుంటారు రోహిణి, మనోజ్, ప్రభావతి. అయినా బిజినెస్ మ్యాన్ అవ్వాలంటే దానికో స్టేటస్ ఉండాలి, ఇలా చదువు సంధ్య లేనివాడు బిజినెస్ మ్యాన్ ఎలా అవుతాడని అవమానిస్తాడు మనోజ్.
అవును స్టేటస్ ఉండాలి అన్నారు కదా.. స్టేటస్ ఎలా వస్తుంది? నాలుగు లక్షల ఫర్నిచర్ మోసుకుపోతో వస్తుందా? నాలుగు లక్షల ఫర్నిచర్ కోసం ఎవరినెత్తిపైన అయినా చెంగేసుకుంటే వస్తుందా? ఆ నాలుగు లక్షల కోసం నా బంగారం ఎత్తుకుపోతే వస్తుందా? అంటుంది. ఏంటే ఎక్కువ మాట్లాడుతున్నావ్ వాడిని చూసి నీకు అసూయ అంటుంది ప్రభావతి. వీడిని చూసి అసూయపడే పనికిమాలిన వాడు ఈ ప్రపంచంలో ఉంటారా అంటాడు బాలు. అన్నయ్యా మీరు శుభమా అని కారు తీసుకున్నారు.. ఈ భజన మీకెందుకు వెళ్లండి అంటుంది. ఎవరు ఎన్ని మాట్లాడినా కానీ మీరు చాలా కార్లు కొని పెద్ద బిజినెస్ మ్యాన్ అవుతారని అంటుంది. ప్రభావతి మళ్లీ సెటైర్స్ వేస్తుంటే.. మీనా అడ్డుకుని గట్టిగా సమాధానం చెబుతుంది. మరో శపథం చేస్తుంటే..ఆపేస్తాడు బాలు..
ఏంట్రా బిజినెస్ మ్యాన్..ఇంకొకరిని ఎగతాళి చేసేముందు నీ చరిత్ర నువ్వు మర్చిపోయే జబ్బు ఏమైనా వచ్చిందా? అని సత్యం క్లాస్ వేస్తాడు. అందరితో అనడం ఎందుకు..ఏదైనా అంటే నాతో అను అంటుంది రోహిణి. నాకు ఇవన్నీ అలవాటే కానీ...ఇంతకీ ఆ లెటర్ ఎవరు రాశారో అని మళ్లీ అదే టాపిక్ మాట్లాడుతాడు. ఆ లెటర్ సంగతి తేల్చుకుని వస్తానంటాడు.
మనోజ్ వెళ్లి పార్క్ ఫ్రెండ్ ని కలుస్తాడు. లెటర్ సంగతి చెప్పి..నాకు పెద్ద సమస్య వచ్చేలా ఉందంటాడు. అయినా నీవల్లే అందరకీ సమస్యలు వస్తాయి కదా అని సెటైర్ వేస్తాడు. ఇక్కడికి ఎందుకు వచ్చాం అని అడిగితే.. ఈ జ్యోతిష్యుడు చాలా పవర్ ఫుల్ అని చెబుతాడు మనోజ్. ఇక్కడ కూడా నేను మోసపోకుండా ఉండేందుకు నిన్ను పిలిచాను అంటాడు. లోపలకు వెళ్లిన తర్వాత...ఏదైనా సమస్య వస్తుందనే భయంతో వచ్చాంటూ లెటర్ ఆ జ్యోతిష్యుడి చేతిలో పెడతాడు. నువ్వే అప్పులు, తప్పులు చేసేవాడిలా ఉన్నావ్ అంటాడు. నా సమస్యకు పరిష్కారం చెప్పండి స్వామీ అని అడుగుతాడు మనోజ్. త్వరలో నీకు పెద్ద ఆపద రాబోతోంది, నువ్వు భయం స్వభావం కలవాడివి అని మరింత భయపెట్టేస్తాడు. నువ్వు వేసుకునే దుస్తులే నీకు కవచంలా మారుతాయంటూ రోజుకో రంగు చెబుతాడు జ్యోతిష్యుడు
అఖండ 2లో బాలకృష్ణ శక్తి వెనుకున్న లాజిక్ ఇదేనా! రామాయణంలో బల, అతిబల విద్యల ప్రాముఖ్యత ఏంటి?
టాప్ హెడ్ లైన్స్
ట్రెండింగ్ వార్తలు
