Gruhalakshmi September 4th: లాస్య ప్లాన్ మిస్ ఫైర్- గెటవుట్ అన్న విక్రమ్, తులసికి మాజీ మొగుడు ప్రేమలేఖ

లాస్య మళ్ళీ రాజ్యలక్ష్మి ఇంట్లోకి రావడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

శ్రావణ శుక్రవారం సందర్భంగా దివ్యతో పూజ చేయిస్తానని తులసి రాజ్యలక్ష్మిని అడుగుతుంది. దానికి సరేనని చెప్పి ఇంటికి వచ్చిన తర్వాత అవమానించాలని తల్లీకూతుళ్లని దూరం చేయాలని లాస్య ప్లాన్ చెప్తుంది. ఇక తులసి కుటుంబం మొత్తం రాజ్యలక్ష్మి ఇంటికి వస్తుంది. తులసి పట్టుచీర కట్టుకుని రావడం చూసి లాస్య సెటైర్ వేస్తుంది. ఆ మాటకి నందు ఆవేశం వస్తుంటే వద్దని సైగ చేస్తుంది. అనసూయ ఆ మాటకి లాస్యకి బాగా కౌంటర్ వేసి నోరు మూయిస్తుంది. పూజ చేసుకునేది దివ్య కదా నువ్వు పట్టుచీర కట్టుకుని వచ్చావ్ ఎవరితో జంటగా పూజ చేసుకుందామని అంటుంది. మనం ఇక్కడ గొడవ పడటం కరెక్ట్ కాదని తులసి నోరు మూయిస్తుంది. నందు పూజారి దగ్గర ఆశీర్వాదం తీసుకుని ఏదో కవర్ ఇవ్వబోతుంటే దివ్య వచ్చి ఆపుతుంది. ఏంటి ఈ కవర్ అని అంటుంది. తులసికి చెప్పాలని అనుకున్నది లెటర్ లో రాశాను. అది పూజలో పెట్టి తర్వాత తులసికి ఇవ్వాలని అనుకున్నట్టు చెప్తాడు. విషయం నేరుగా చెప్దామని అంటే ఏదో ఒక అడ్డంకి ఎదురవుతుందని చెప్తాడు.

ఇది ముఖాముఖిగా తేల్చుకోవాలని దివ్య తల్లిని పిలుస్తుంది. ఏమైనా చెప్పాలా అంటే అవును చెప్పాలి కానీ అది నేను కాదు నాన్న అంటుంది. పొద్దుటి నుంచి ఇదే గోల అని కాసేపు తులసి తిట్టేసి వెళ్ళిపోతుంది. దివ్య ఆ లెటర్ తులసి చేతికి ఇచ్చి చూడమని అంటుంది. నందు కంగారుగా ఆ లెటర్ ఓపెన్ చేయవద్దని అమ్మవారి పాదాల దగ్గర పెట్టి పూజ చేయాలని అడ్డుపడతాడు. అసలు లెటర్ లో ఏముందని తులసి అడుగుతుంది. కేఫ్ కి కొత్త ఆర్డర్ వచ్చిందని అది పూజ చేయిద్దామని అబద్దం చెప్తాడు. ఈ కాస్త దానికి ఇంత హంగామా ఎందుకని అంటుంది. వచ్చిన మంచి అవకాశం వదిలేసినందుకు దివ్య డిస్పాయింట్ అవుతుంది. ఆ తర్వాత దివ్య పూజ పూర్తి చేస్తుంది. విక్రమ్, రాజ్యలక్ష్మి దివ్యని అక్షింతలు వేసి ఆశీర్వదిస్తారు. తులసి చీరకి నిప్పు అంటుకునేలా లాస్య ప్లాన్ వేస్తుంది. అందరూ అక్షింతలు వేసే టైమ్ లో చీర కొంగుకి లిక్విడ్ రాశానని చెప్తుంది.

హారతి ఇచ్చే టైమ్ లో తులసి చీర కొంగు కాలిపోయేలా చేయాలని ప్లాన్ వేస్తారు. దివ్య, లాస్య హారతి ఇస్తూ కావాలని తులసి చీర కొంగు అంటించడానికి ట్రై చేస్తుంటే దివ్య అడ్డుపడుతుంది.

రాజ్యలక్ష్మి: అదేంటి దివ్య ఆంటీని కూడా హారతి ఇవ్వనివ్వు

దివ్య: హారతి ఇవ్వడం కాదు ఆమె మా అమ్మ చీర కొంగు అంటించాలని చూస్తుందని చెప్పడంతో అందరూ షాక్ అవుతారు.

గతంలో ఏం జరిగిందో చూపిస్తారు. లాస్య ఒక బాటిల్ బసవయ్య వాళ్ళకి చూపించి అదేంటో కనుక్కోమని అంటుంది. అసలు ఆ బాటిల్ లో ఏముందో చెప్పమని రాజ్యలక్ష్మి అడుగుతుంది.

లాస్య: ఇదొక కెమికల్. దీన్ని ఏదైన వస్త్రం మీద రాస్తే మంట తగలగానే అది అంటుకుంటుంది

బసవయ్య: ఇది అంతా అబద్దం. ఇలాంటివి చాలా చూశాను నమ్మకు

లాస్య: అయితే నీ చొక్కా మీద రాసి చూపిస్తా రా అని బెదిరిస్తుంది. తర్వాత వేరే క్లాత్ కి ఆ కెమికల్ రాసి నిప్పు సెగ చూపించగానే అది తగలబడుతుంది

అది చూసి రాజ్యలక్ష్మి లాస్యని మెచ్చుకుంటుంది.

తరువాయి భాగంలో..

నా మీద నిందలు వేయడానికి మనసు ఎలా వచ్చిందని లాస్య నటిస్తుంది. వెంటనే విక్రమ్ లాస్యకి సోరి చెప్పమని దివ్య మీద అరుస్తాడు. లాస్య అక్కడ నుంచి వెళ్లబోతుంటే కెమికల్ బాటిల్ కింద పడుతుంది. ఈ లిక్విడ్ మా అమ్మ చీర కొంగుకి రాసిందని దివ్య నిరూపిస్తుంది. అది చూసి ఇలాంటి పని చేయడానికి సిగ్గు లేదా గెటవుట్ అని విక్రమ్ లాస్యని తిడతాడు.