Gruhalakshmi July 17th: 'గృహలక్ష్మి' సీరియల్: ఫస్ట్ నైట్ కోసం దివ్య, విక్రమ్ పాట్లు - అత్తకి అదిరిపోయే సవాలు విసిరిన కోడలు

రాజ్యలక్ష్మి ఇంట్లో లాస్య పాగా వేయడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

లాస్య ఇంట్లో పని చేసే వ్యక్తిని డబ్బు దొంగిలించింది ఇతడేనంటూ విక్రమ్ ముందు నిలబెడుతుంది. పోలీస్ కేసు పెడదామని దివ్య చెప్తే వద్దులే కూతురి చదువు కోసమని చెప్తున్నాడు కదా వదిలేయమని రాజ్యలక్ష్మి చెప్పేసరికి విక్రమ్ క్షమించి వదిలేస్తాడు. తులసి కొత్త మెనూ, కొత్త ట్రెండ్ సక్సెస్ అవాలని నందుని దేవుడికి దణ్ణం పెట్టుకోమని చెప్తుంది. కేఫ్ కి వచ్చిన కస్టమర్స్ కి హెల్తీ ఫుడ్స్ గురించి కాసేపు వివరించి అవి తినమని అంటుంది. బర్త్ డే అని పార్టీ ఇవ్వడం కోసం కేఫ్ కి వస్తే ఇలా చేశారు ఏంటని మీరు చెప్పిన ఐటెమ్స్ మైండ్ లోకి పోవడం లేదని ఇంకేం తింటామని వచ్చిన ముగ్గురు కస్టమర్స్ వెళ్లిపోతారు. వీటితో పాటు పిజ్జా, బర్గర్ కూడా పెడదామని నందు చెప్తాడు. కానీ అందుకు తులసి అంగీకరించదు. రాజ్యలక్ష్మి ఇంటికి పంతులు వస్తాడు. మేము ఎవరం పిలిపించలేదు కదా ఎందుకు వచ్చారని రాజ్యలక్ష్మి అడుగుతుంది.

ఈ ఇంటికి సంబంధించి ఒక పని మిగిలిపోయిందని పంతులు చెప్తాడు. ఏంటది అని బసవయ్య అంటే విక్రమ్ మొదటి రాత్రి ముహూర్తం పెట్టలేకపోయానని అంటాడు. ముహూర్తాలు లేకపోతే మీరు మాత్రం ఏం చేస్తారు, మా అత్తయ్య కూడా ఇంకా ఫస్ట్ నైట్ జరగలేదని దిగులు పెట్టుకున్నారని అంటుంది. ఈరోజు రాత్రి ముహూర్తం అని చెప్పినా క్షణాల్లో ఏర్పాటు చేస్తానని బసవయ్య నోరు జారతాడు. ముహూర్తం పెట్టించుకుని వచ్చినట్టు పంతులు చెప్పేసరికి అందరి మొహాలు మాడిపోతాయి. ఆ మాటకి విక్రమ్ మొహంలో నవ్వు వచ్చేస్తుంది. ఈరోజు రాత్రి మంచి ముహూర్తం ఉందని చెప్తాడు. ఇంక వేరే వాళ్ళని మాట్లాడనివ్వకుండా విక్రమ్ తాతయ్య అందరికీ పనులు పురమాయిస్తాడు. విక్రమ్ తెగ సిగ్గుపడిపోతాడు. కస్టమర్స్ వస్తారో రారోనని నందు, తులసి ఆందోళన పడుతూ ఉండగా ఇక జంట వస్తుంది.

కేఫ్ లో స్పెషల్ ఏంటని అడిగితే మిల్లెట్స్ తో చేస్తున్నామని తులసి చెప్తుంది. మంచి ఆలోచన పేరుకు తగినట్టే గృహలక్ష్మి ఆలోచన బాగుందని తెగ మెచ్చుకుంటారు. ఫుడ్ తిని చాలా బాగుందని హెల్తీ ఫుడ్ తిన్నామని పబ్లిసిటీ చేస్తామని చెప్పేసి వెళ్లిపోతారు. దీంతో తులసి, నందు మొహాలు వెలిగిపోతాయి. దివ్య దొంగ దెబ్బ తీసిందని రాజ్యలక్ష్మి, లాస్య రగిలిపోతూ ఉంటారు. దివ్య వచ్చి ఇది తను పెట్టించిన ముహూర్తమని తిరుగులేదని రెచ్చగొట్టేలా మాట్లాడుతుంది. ఈ మాటలు ఎందుకు అత్తకి సరెండర్ అయిపొమ్మని లాస్య హెచ్చరిస్తుంది. నీ సంతోషాన్ని నువ్వే నాశనం చేసుకుంటున్నావ్. అసలు నిన్ను ఇంట్లోనే ఉండనివ్వనని రాజ్యలక్ష్మి బెదిరిస్తుంది. మా మొదటి రాత్రి జరిగితే విక్రమ్ మీ చేతుల్లోనే ఉండదని దివ్య సవాలు చేస్తుంది. విక్రమ్ ఇక తనకి దగ్గరగా ఉంటాడని రోజు కొద్ది కొద్దిగా చెప్తూ బ్రెయిన్ వాష్ చేస్తానని ధీమాగా చెప్తుంది. తనకి సరెండర్ అయితే ఇంటి సింహాసనం మీద మిమ్మల్ని కూర్చోబెట్టి సంజయ్ కి ఆస్తి వచ్చేలా చేస్తానని తనకి సరెండర్ అవమని దివ్య ఎదురుతిరుగుతుంది. కానీ లాస్య మాత్రం ఫస్ట్ నైట్ జరగదని సవాలు విసురుతుంది.