Ennenno Janmalabandham August 9th: 'ఎన్నెన్నో జన్మల బంధం' సీరియల్: యష్ ని ఇంటరాగేట్ చేసిన దుర్గ - భర్తతో గడిపిన క్షణాలు తలుచుకుని ఎమోషనలైన వేద

మాళవికని హత్య చేసిన కేసులో యష్ ని అరెస్ట్ చేయడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

వేద యష్ తో గడిపిన మధురమైన క్షణాలని గుర్తు చేసుకుని ఎమోషనల్ అవుతుంది. ఆకలితో ఉన్నాడేమో అనుకుని భోజనం రెడీ చేసి పోలీస్ స్టేషన్ కి తీసుకుని వెళ్తుంది. మాలిని వచ్చి అసలు ఏం జరుగుతుందని రత్నాన్ని అడుగుతుంది. ఖుషి చిన్న పిల్ల అని కూడా చూడకుండా అలా ఎలా మాట్లాడతారని బాధపడుతుంది. సులోచన వచ్చి మాలినిని ఓదార్చడానికి ట్రై చేస్తుంది. వేదకి సపోర్ట్ గా ఉండాలని రత్నం సలహా ఇస్తాడు. స్టేషన్ లో ఏసీపీ దుర్గ యశోధర్ ని ఇంటరాగేషన్ చేస్తుంది.

దుర్గ: వేద చాలా తెలివైనది అనుకుంటా.. మీకు బాగా సపోర్ట్ గా ఉంటుంది కదా

యష్: అవును

దుర్గ: నిజమే మీరు ఏదైనా క్రైమ్ చేస్తే దాని నుంచి తెలివిగా బయట పడేయగలదు

యష్: ఆ మాటకి నవ్వుతాడు. నా భార్య ఒక డాక్టర్ క్రైమ్ లో సహకరిస్తుందా అంటే ఏం చెప్పాలి. సంబంధం లేని ప్రశ్న

దుర్గ: మాళవిక ఎవరు? తనని ఎందుకు వదిలేశావ్

యష్: నా మొదటి భార్య. తనే నన్ను వదిలేసింది. తను కోరుకున్న లైఫ్ స్టైల్ వేరు

దుర్గ: అది నీకు నచ్చలేదు

యష్: అది ఎవరికీ నచ్చలేదు

దుర్గ: మాళవిక మంచిది కాదనే నిర్ణయానికి వచ్చి తనని చంపేశావ్

యష్: మేడమ్ నాదొక రిక్వెస్ట్.. మీలాంటి వాళ్ళు సొసైటీకి అవసరం. ఏదో పట్టుకుని నెగిటివ్ గా ఆలోచించొద్దు

కుటుంబం, బంధాలు, పిల్లలు అని వేద అంటుంది. అలాగే ఇతను కూడా మాట్లాడుతున్నాడు. ఇద్దరిదీ ఒకే మాటగా ఉంది. చూద్దాం అప్పుడే ఒక నిర్ణయానికి రావడం ఎందుకని ఏసీపీ అనుకుంటుంది. ఇంట్లో వేద యష్ కి ఇష్టమైన వంటలు అన్నీ చేస్తూ ఉంటుంది. యష్ ని చూడాలని అనిపిస్తుందని తాము కూడ స్టేషన్ కి వస్తామని రత్నం అడుగుతాడు. కానీ వేద మాత్రం వద్దని సర్ది చెప్తుంది. మనం అందరినీ చూస్తే ఆయన బాధపడతారు.

వేద: ఆయన ధైర్యంగా ఉన్నారు. అందుకు కారణం మన వైపు ఎటువంటి తప్పు లేదు. సమస్యని చూసి భయపడకూడదు. సమస్య ఇంతే కదా అన్నారు. అప్పుడే అది మన నుంచి పారిపోతుందని ధైర్యం చెప్పారు

అటు స్టేషన్ లో కానిస్టేబుల్ వచ్చి ఫుడ్ తీసుకుని రమ్మంటావా అని అడుగుతాడు. తనకి తినాలని లేదని యష్ చెప్తాడు. అప్పుడే వేద భోజనం క్యారేజ్ పట్టుకుని వస్తుంది. ఒక కానిస్టేబుల్ తనని ఆపుతాడు. మరొక కానిస్టేబుల్ వేదని పిలిచి మీరు మంచి వాళ్ళు అని మెచ్చుకుంటాడు. వేద యష్ కి ప్రేమగా అన్నం తినిపిస్తుంది. ఇక యష్ కూడా భార్యకి ప్రేమగా తినిపిస్తాడు.