Chinni Serial Today February 28th: చిన్ని సీరియల్: మ్యాడీ సాయం, శ్రేయ పెళ్లిలో ట్విస్ట్! దేవా బాలరాజుల ఫైట్!
Chinni Serial Today Episode February 28th శ్రేయకి పెళ్లి చేయాలి అని అనుకుంటున్నట్లు నాగవల్లి అందరితో చెప్పడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode చిన్నిని చంపేయమని దేవా రౌడీలకు చెప్పడంతో రౌడీలు రాత్రి కాపు కాసి మధుని అడ్డుకుంటారు. మధుతో తప్పుగా మాట్లాడి ఇరిటేట్ చేస్తారు. అర్ధరాత్రి ఇలా ఒంటరిగా తిరుగుతుంది.. జంట కోసమే కదా అందుకే మేం వచ్చాం అని మధు చేయి పట్టుకుంటారు. మధుని వాళ్ల అడ్డాకి తీసుకెళ్లే టైం మ్యాడీ అక్కడికి వస్తాడు.
మ్యాడీ దగ్గరకు ఓ రౌడీ వచ్చి చూడటానికి పెద్దింటి బిడ్డలా ఉన్నావ్ వీళ్ల గురించి నీకు ఎందుకు వెళ్లిపో అంటారు. వెళ్లొద్దు మ్యాడీ నన్ను కాపాడు అని చిన్ని అంటుంది. దానికి మ్యాడీ ఇదో కొట్ట నాటకమా.. నువ్వు ఇలాంటి ఎన్ని నాటకాలు ఆడినా నేను నిన్ను నమ్మను అని మ్యాడీ అంటాడు. చిన్ని వాళ్లని నెట్టేసి కర్ర పట్టుకొని కొట్టి నాటకమా ఇది వీళ్లంతా పెయిడ్ ఆర్టిస్ట్లా అవును నాటకమే అని రౌడీలను చితక్కొడుతుంది. ఇంతలో ఓ రౌడీ గాజు బాటిల్తో మధుని పొడవడానికి వస్తే మ్యాడీ అడ్డుకుంటాడు. రౌడీలను చితక్కొట్టేస్తాడు. మధు దర్జాగా తన స్కూటీ మీద కూర్చొంటుంది.
చిన్ని మ్యాడీకి థ్యాంక్స్ చెప్తుంది. నీ మీదే ప్రేమతో ఏం కాపాడలేదు.. నీ స్థానంలో ఎవరు ఉన్నా కాపాడేవాడిని.. వాళ్లు పెయిడ్ ఆర్టిస్ట్లు కాకపోవచ్చు కానీ నీ బతుకు మాత్రం నాటకమే తెరపడని నాటకమే చిన్ని అని అంటాడు. మరోవైపు బాలరాజు తప్పించుకోవాలని అక్కడే పడి ఉన్న గాజు ముక్క తీసుకొని కట్లు కట్టిన తాడు కోస్తూ ఉంటాడు. తాడు తెగిపోతుంది. లోపలికి వచ్చిన ఒక రౌడీని కొట్టి అక్కడే దాక్కుంటాడు. మిగతా వాళ్లు వచ్చి వెతుకుతారు.. వాళ్ల కళ్లు కప్పి బాలరాజు పారిపోయే టైంకి దేవా వచ్చి పట్టుకుంటాడు. దేవా, బాలరాజు ఇద్దరూ కాలర్లు పట్టుకొని కొట్టుకుంటారు. నువ్వు నీ కూతురు ఏం అనుకుంటున్నారురా.. నీ కూతురు నా మీద యుద్ధం ప్రకటిస్తుందా.. ఆఫ్ టికెట్ దానికి సాయం చేస్తాడు.. కాళ్లు ఉన్నాయనే కదా పారిపోవాలని చూస్తున్నావ్ అని కాళ్లు విరిగిపోయేలా దేవా బాలరాజుని కొడతాడు.
మ్యాడీ ఇంట్లో అందరూ నాగవల్లి కోసం వెయిట్ చేస్తుంటే నాగవల్లి వస్తుంది. నాగవల్లి వచ్చి ఇంట్లో శుభకార్యం జరగబోతుంది అని అంటుంది. అందరూ శ్రేయ, మ్యాడీలకు పెళ్లి అని అనుకుంటారు. దానికి నాగవల్లి శ్రేయ పెళ్లి మ్యాడీతో కాదు మరో మంచి సంబంధం వచ్చింది అది చేస్తున్నా అంటుంది. అన్నీ కుదిరితే శ్రేయ పెళ్లి అవుతుందని అంటుంది. శ్రేయకి మ్యాడీకి పెళ్లి చేయాలని చూడాలి కానీ వేరే పెళ్లి ఏంటి అని దేవా కూడా అడుగుతాడు. ఏమైనా ఆలోచించి చేస్తా చిన్ని మ్యాడీని ఎంత మోసం చేసిందో తెలుసు కదా ఈ టైంలో మ్యాడీ గురించి ఆలోచిస్తావా.. బలవంతంగా మ్యాడీ, శ్రేయల గురించి ఆలోచిస్తామా.. శ్రేయకి ఓ మంచి సంబంధం చూసి పెళ్లి చేసి అత్తారింటికి పంపాలని చూడమా అని అంటుంది. శ్రేయని మ్యాడీకి ఇచ్చి చేయమని వసంత బతిమాలుతుంది. నాగవల్లి ఒప్పుకోదు.. రేపే శ్రేయకి పెళ్లి చూపులు ఇదే నా మాట అని అంటుంది.
చిన్ని ఇంకా రాలేదు ఏంటా అని స్వరూప, సుబ్బు వెయిట్ చేస్తుంటే అప్పుడే చిన్ని వస్తుంది. పక్కింటి వాళ్లు మధుని చూసి ఇంత రాత్రి వస్తున్నావేంటి.. మొగుడు వదిలేశాడు.. అని తప్పుగా మాట్లాడుతారు. ఇంత అర్ధరాత్రి వరకు ఎక్కడ తిరిగి వస్తుందా అని అనడంతో మధు ఆవిడను లాగి పెట్టి కొడుతుంది. పిచ్చి పిచ్చిగా మాట్లాడితే చంపేస్తా అని అంటుంది. తోటి ఆడపిల్ల ఏ కారణంతోనో భర్తకి దూరం అయితే అండగా ఉండాల్సింది పోయి ఇలా మాట్లాడుతావా అని తిడుతుంది. మరోవైపు లోహిత శ్రేయ దగ్గరకు వెళ్లి నీకు పెళ్లి జరగడం నువ్వు అత్తారింటికి వెళ్లడం జరుగుతుంది. తర్వాత మధు ఇంటికి వచ్చేస్తుంది అని అంటుంది. అలా జరగడానికి వీల్లేదు అని శ్రేయ అంటుంది. ఇంతలో లోహితకు తల్లి కాల్ చేస్తూనే ఉంటుంది. లోహిత కట్ చేస్తుంది. మ్యాడీకి నీకు పెళ్లి అవ్వాలి అంటే చెప్పినట్లు చేయ్ అని రేపు ఉదయం మీ నాగవల్లి అత్తయ్యా దగ్గరకి వెళ్లి ఇలా చేయ్ అని ప్లాన్ చెప్తుంది. దీంతో ఇవాళ్టి ఎపిసోడ్ పూర్తయిపోతుంది.
Before You Go
Bindu Madhavi Reacts to Uppal Balu Controversy | ఉప్పల్ బాలు vs బిందు మాధవి
టాప్ హెడ్ లైన్స్
ట్రెండింగ్ వార్తలు
