Brahmamudi Serial Today August 31st: ‘బ్రహ్మముడి’ సీరియల్: కళ్యాణ్ ఆటో బోనీ చేసిన కావ్య – శ్రుతికి లైన్ వేస్తున్న రాహుల్
Brahmamudi Today Episode: కొత్తగా ఆటో తీసుకున్న కళ్యాణ్ మొదటి బోణీ మంచి చేత్తో జరగాలని కోరుకోగా కావ్య వచ్చి బోణీ చేయడంతో ఇవాళ్టీ ఎపిసోడ్ చాలా ఆసక్తిగా జరిగింది.
Brahmamudi Serial Today Episode: ఎంత చెప్పినా కావ్య వినకపోవడంతో రాజ్ కోపంగా కావ్యను పక్కకు తీసుకెళ్లి కుటుంబాన్ని ముక్కలు చేద్దామనుకుంటున్నావా? అని తిడతాడు. నీవల్ల నా కుంటుంబ సభ్యులను దూరం చేసుకోలేను అంటాడు. దీంతో కావ్య కోపంగా నన్ను వేరుగా కుటుంబాన్ని వేరుగా చూడొద్దని నేను కుటుంబంలో మెంబర్ నే అని అంటుంది కావ్య. ఇంట్లో మనిషివే అనుకున్నప్పుడు కొన్ని చూసి చూడనట్లు వదిలేయాలి అని రాజ్ చెప్పగానే
కావ్య: వాళ్లు ఎలాంటి వాళ్లో మీకు అర్థం కావట్లేదు.
రాజ్: నువ్వు రాకముందు కూడా వాళ్లు ఉన్నారు. ఏం జరిగింది.
కావ్య: ఏం జరిగిందో మర్చిపోయారా. మీరు చేసుకోవాల్సిన స్వప్న అక్కను రాహుల్ లేపుకెళ్లిపోయాడు. అసలు మీ ముఖాన్నే జీవితంలో చూడొద్దనుకున్నా నాకు ముసుగు వేసి మీతో పెళ్లి జరిపించారు. వీళ్ల కుట్రల వల్ల కవిగారి కాపురం ముక్కలైపోయింది.
రాజ్: అదంతా గతం ఇప్పుడు పరిస్థితి వేరు. ఇంట్లో ఏం జరిగినా తాతయ్య ఆరోగ్యానికి ప్రమాదం. అన్నింటిని సరిద్దిదుకునే మా అమ్మ ఈ చీలికను భరించలేదు.
కావ్య: మీకు రాహుల్ క్యారెక్టర్, మీ అత్త క్యారెక్టర్ ఏంటో తెలియదా..?
రాజ్: ఓకే అదంతా వదిలిసేయ్. ఇంకోసారి ఇది రిపీట్ కావొద్దు.
కావ్య: అది వాళ్లకు చెప్పండి. నాకు కాదు.
రాజ్: వాళ్ల సంగతి వదిలేయ్. నేను నీకు చెబుతాను. ఇంట్లోవాళ్లు ఒకటిగా కలిసి ఉండాలని తాతయ్య ఆశయం. ఇప్పటికే కల్యాణ్ వెళ్లిపోయాడు. ఇక ఎవరైనా వెళ్లిపోతే తాతయ్య తట్టుకోలేరు.
అంటూ రాజ్ కోపంగా వార్నింగ్ ఇచ్చి వెళ్లిపోతాడు. తర్వాత కావ్య రూంలోకి వెళ్లి ఆలోచిస్తుంది. ఇంతలో స్వప్న వచ్చి సారీ చెప్తుంది. నా వల్లే నీకు అవమానం జరిగిందని నేనే తొందరపడ్డానని అంటుంది. నువ్వేం కాదక్కా రాహుల్, రుద్రాని ఇద్దరు కలిసే ప్లాన్ ప్రకారం నన్ను ఇరికించారు అంటుంది కావ్య. అది సరే కానీ నువ్వు హాస్పిటల్కు చెకప్కు వెళ్లాలి కదా వెళ్దాం పద అని ఇద్దరు వెళ్లిపోతారు. తర్వాత శ్రుతికి కావ్య ఫోన్ చేసి రాహుల్ ను కనిపెడుతూ ఉండమని చెప్తుంది. శ్రుతి సరే అంటుంది. మరోవైపు రాహుల్ ఎవరితోనో ఫోన్ లో దొంగ బంగారం గురించి మాట్లాడుతుంటాడు. శ్రుతి వింటుంది. శ్రుతి తిట్టి అక్కడి నుంచి వెళ్లిపోమ్మంటాడు రాహుల్. శ్రుతి వెళ్లిపోతుంది. మరోవైపు హాస్పిటల్ కు వెళ్లిన స్వప్న, కావ్య కారులో వస్తుంటారు.
కావ్య: అక్కా నీకు బీపీ ఎక్కువగా ఉందని.. పుట్టబోయే బిడ్డ ప్రసవానికి కూడా కష్టంగా అవుతుందని డాక్టర్ చెప్పేసరికి నాకు బాధగా ఉంది. నువ్వు నీ అత్త, భర్తపై కోపంతో ఉండకు.
స్వప్న: ఏం చేయమంటావే వాళ్లు చేసే పనులకు ఈ మాత్రం నోరు తెరవకపోతే అనామికలాగా అనామకులుగా మిగిలిపోతాం. నేను అత్తకు మొగుడు మొగుడికి యముడు టైపు.
అని ఇద్దరు మాట్లాడుకుంటుండగానే కారు ఆగిపోతుంది. డ్రైవర్ దిగి కారు చెక్ చేసి.. మెకానిక్ను పిలవాలని.. మీరు క్యాబ్ లో వెళ్లండని చెప్తాడు. దీంతో ఇద్దరు కలిసి ఆటోలో వెళ్దామని అనుకుంటారు. అక్కడే కొద్దిదూరంలో కళ్యాణ్ ఆటో పార్క్ చేసుకుని మొదటి బేరం మంచి చేతితో అయ్యేలా చూడు స్వామి అంటూ దేవుణ్ని ప్రార్థిస్తాడు. అయితే స్వప్న, కావ్య కూడా కళ్యాణ్ ఆటో వైపే వస్తుంటారు. ఆటో వెనకాల రేపటి కోసం అని రాసి ఉండటాన్ని చూసి
కావ్య: ఇవాళ సంపాదించేది రేపటికోసమే
స్వప్న: వీడెవడో మన కవిలాగే ఉన్నాడే పదా
అయితే ఆటో అద్దంలో కావ్య, స్వప్న రావడం చూసి కళ్యాణ్ కంగారుపడతాడు. ముఖం కనిపించకుండా కర్చీప్ కట్టుకుని క్యాప్ పెట్టుకుంటాడు. కావ్య, స్వప్నలు దగ్గరకు వచ్చి ఆటో మాట్లాడుకుని వెళ్తారు. ఆటోలో కావ్య, స్వప్నలు కళ్యాణ్ను గుర్తు చేసుకుంటుంటే కళ్యాణ్ ఎమోషనల్ అవుతాడు. నా మొదటి సంపాదన నీ చేతుల మీదుగా రావాలని ఆ దేవుడే నిర్ణయించాడు వదిన. అని మనసులో అనుకుంటాడు కళ్యాణ్. ఆటో ఆపిన తర్వాత కావ్య డబ్బులిస్తుంటే కళ్యాణ్ కర్చీప్ కిందపడేలా చేసి కావ్య కాళ్లకు మొక్కుతాడు. కావ్య మాత్రం మేము ఇక్కడికే రావాలని నీకెలా తెలుసు అని అడుగుతుంది. దీంతో కళ్యాణ్ కర్చీప్ తీయడంతో ఇవాళ్టీ ఎపిసోడ్ అయిపోతుంది.
Before You Go
Illu Illalu Pillalu Serial Actor Sai Kumar Kola | సీరియల్ నటుడు సాయి కుమార్ కోలా రియల్ లైఫ్
టాప్ హెడ్ లైన్స్
ట్రెండింగ్ వార్తలు
