Kamal Haasan: 'బాధ్యత ఉండక్కర్లా..?' స్టార్ హీరోపై సర్కార్ ఫైర్.. 

కరోనా నుంచి కోలుకొని డిశ్చార్జ్ అయిన వెంటనే కమల్ హాసన్ బిగ్ బాస్ షూటింగ్ లో పాల్గొనడం ఏంటని..? ప్రభుత్వం ప్రశ్నించింది  

స్టార్ హీరోపై సర్కార్ ఫైర్.. 

పాండమిక్ తో పోరాడి ఇప్పుడిప్పుడే పరిస్థితులు సాధారణ స్థితికి చేరుకుంటున్నాయనుకున్న సమయంలో ఒమిక్రాన్ రూపంలో కొత్త సమస్య మొదలైంది. దీంతో థర్డ్ వేవ్ ముప్పు పొంచి ఉందనే టెన్షన్ జనాల్లో మరింత ఎక్కువైంది. ప్రజలు మాస్క్ ధరించడం లాంటి నిబంధనలను తప్పకుండా పాటించాలని కేంద్ర, రాష్ట్ర ప్రభుత్వాలు ఎంతగా వేడుకుంటున్నా.. ఎవరూ పట్టించుకోవడం లేదు. 

ముఖ్యంగా సమాజానికి ఆదర్శంగా నిలవాల్సిన ప్రముఖులు కూడా ఈ నియమాలను ఉల్లంఘించడంపై వ్యతిరేకత వ్యక్తమవుతోంది. ఇటీవల కరోనా బారిన పడి రెండురోజుల క్రితం డిశ్చార్జ్ అయిన స్టార్ హీరో కమల్ హాసన్ రూల్స్ పాటించకపోవడంపై తమిళనాడు ప్రభుత్వం మండిపడుతోంది. ఇటీవలే కరోనా నుంచి కోలుకున్న కమల్ తమిళ బిగ్ బాస్ షోకి సంబంధించిన షూటింగ్ లో పాల్గొనడంతో తమిళనాడు గవర్నమెంట్ సీరియస్ అయింది. 

కరోనా నుంచి కోలుకొని డిశ్చార్జ్ అయిన వెంటనే బిగ్ బాస్ షూటింగ్ లో పాల్గొనడం ఏంటని..? ప్రభుత్వం ప్రశ్నించింది. ఇప్పుడున్న పరిస్థితుల్లో ఎలాంటి జాగ్రత్తలు తీసుకోవాలో ప్రజలకు చెప్పాలి కానీ దానికి విరుద్ధంగా షూటింగ్ లో పాల్గొనడం కరెక్ట్ కాదని కమల్ పై ప్రభుత్వం ఫైర్ అవుతోంది. కరోనా నిబంధనలకు వ్యతిరేకంగా షూటింగ్ లో పాల్గొని.. తన యాక్షన్స్ తో ఇతరులు ప్రమాదంలో పడేలా చేశారంటూ మండిపడుతోంది తమిళనాడు సర్కార్. సమాజంలో ఉన్నత స్థాయిలో ఉన్న ప్రముఖులే ఇలా బాధ్యత లేకుండా ప్రవర్తిస్తే ఎలా..? అని ప్రశ్నించింది. దీనిపై వివరణ ఇవ్వాలని తమిళనాడు రాష్ట్ర ఆరోగ్య శాఖ కమల్ కి నోటీసులు జారీ చేసింది.  

ఇక సినిమాల విషయానికొస్తే.. ప్రస్తుతం కమల్ హాసన్ 'ఇండియన్ 2', 'విక్రమ్' వంటి సినిమాల్లో నటిస్తున్నారు. ఈ సినిమాలపై ప్రేక్షకుల్లో భారీ అంచనాలు నెలకొన్నాయి. వచ్చే ఏడాదిలో 'విక్రమ్' సినిమా విడుదలయ్యే అవకాశాలు ఉన్నాయి. 'ఇండియన్ 2' సినిమా కొత్త షెడ్యూల్ ఎప్పుడు మొదలవుతుందో తెలియని పరిస్థితి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి