Nani : 'అరె ఎగసి ఎగసి పడు అలజడి వాడే..' 'శ్యామ్ సింగరాయ్' ఫస్ట్ సింగిల్ రిలీజ్ ఎప్పుడంటే..

తాజాగా 'శ్యామ్ సింగరాయ్' సినిమాకి సంబంధించిన అప్డేట్ ను వెల్లడించింది చిత్రబృందం. 'రైజ్ ఆఫ్ శ్యామ్' అంటూ సినిమాలో అతడు పాత్ర ఎలా ఉండబోతుందో ఓ పాట ద్వారా చెప్పబోతున్నారు.

'శ్యామ్ సింగరాయ్' ఫస్ట్ సింగిల్ రిలీజ్ ఎప్పుడంటే..

నేచురల్ స్టార్ నాని హీరోగా.. 'టాక్సీవాలా' ఫేమ్ రాహుల్ సాంకృత్యాన్ దర్శకత్వంలో తెరకెక్కుతోన్న చిత్రం 'శ్యామ్ సింగరాయ్'. ఈ సినిమాలో ముగ్గురు హీరోయిన్లు నటిస్తున్నారు. ప్రధాన హీరోయిన్ గా సాయిపల్లవి నటిస్తుండగా, సెకండ్ నాయికగా కృతిశెట్టి కనిపించబోతోంది. ఇక మరో హీరోయిన్ మడోన్నా సెబాస్టియన్ ఓ కీలకపాత్ర చేస్తున్నట్టు సమాచారం. ఈ సినిమా కోల్ కతా బ్యాక్ డ్రాప్ తెరకెక్కుతోంది. ఇందులో నాని ద్విపాత్రాభినయం చేస్తున్నాడు. ఇప్పటివరకు విడుదలైన సినిమా పోస్టర్లను గమనిస్తే.. ఈ సినిమా పూర్వజన్మలకు సంబంధించిన కాన్సెప్ట్ మాదిరి అనిపిస్తోంది. 

 

 

ఇదిలా ఉండగా.. తాజాగా ఈ సినిమాకి సంబంధించిన అప్డేట్ ను వెల్లడించింది చిత్రబృందం. 'రైజ్ ఆఫ్ శ్యామ్' అంటూ సినిమాలో అతడు పాత్ర ఎలా ఉండబోతుందో ఓ పాట ద్వారా చెప్పబోతున్నారు. నవంబర్ 6న రాబోతున్న ఈ పాటకు సంబంధించిన ప్రోమోను తాజాగా విడుదల చేశారు. ఇందులో 1970, కలకత్తా అని ఓ టైటిల్ వేశారు. అంటే శ్యామ్ సింగరాయ్ గతానికి సంబంధించిన పాత్ర అని తెలుస్తోంది. 

 

ఈ సినిమాను డిసెంబర్ 24న క్రిస్మస్ కానుక థియేటర్లలోకి విడుదల చేయబోతున్నట్టు అధికారికంగా ప్రకటించింది చిత్రయూనిట్. నిహారిక ఎంటర్టైన్మెంట్స్‌పై వెంకట్ బోయనపల్లి భారీ బడ్జెట్ తో ఈ సినిమాను నిర్మిస్తున్నారు. ఇక సినిమాలో మొదటి పాటను కృష్ణకాంత్ రాయగా.. మిక్కీ జె మేయర్ సంగీతం అందిస్తున్నారు. ఈ సినిమాను ఒకేసారి తెలుగు, తమిళ, కన్నడ, మలయాళ భాషల్లో విడుదలచేయనున్నారు.

Here’s the promo of the first lyrical from #ShyamSinghaRoy :)#RiseOfShyam
Go for full volume this time 🔥

Telugu,Tamil,Malayalam,Kannada pic.twitter.com/2n3Cimxhla

— Nani (@NameisNani) November 2, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి