Mounika Reddy Marriage:పెళ్లి పీటలెక్కుతున్న యూట్యూబ్ స్టార్ మౌనిక రెడ్డి, వరుడు ఎవరంటే..

‘సూర్య’ అనే వెబ్ సిరీస్ లో నటించి సెలబ్రెటీ ఇమేజ్ సంపాదించుకుంది నటి మౌనిక రెడ్డి. ప్రస్తుతం ఈ బ్యూటీ గురించి ఓ ఇంట్రెస్టింగ్ వార్త వైరల్ అవుతోంది. త్వరలోనే ఈ అమ్మడు పెళ్లి పీటలు ఎక్కనుంది.

image credit : mounika reddy/instagram

యూట్యూబ్‌లో ‘సూర్య’ అనే వెబ్ సిరీస్ లో షణ్ముఖ్ జస్వంత్ తో కలసి నటించిన నటి మౌనిక రెడ్డి త్వరలో పెళ్లి పీటలు ఎక్కనుంది. తన ప్రియుడు సందీప్‌తో ఏడడుగులు వేయనుంది. ఈ విషయాన్ని ఆమే స్వయంగా సోషల్ మీడియా ద్వారా వెల్లడించింది. ఈ సందర్భంగా ఆమె తనకు కాబోయే భర్తను కూడా పరిచయం చేసింది. 

మౌనికా రెడ్డి కెరీర్ ప్రారంభంలో పలు షార్ట్ ఫిల్మ్ లలో నటించింది. వాటిల్లో కొన్ని మంచి గుర్తింపు తెచ్చుకున్నాయి. ఆ తర్వాత కొన్ని వెబ్ సిరీస్ లలోనూ నటించింది. ‘ఈటీవీ ప్లస్’లోనూ ఓ సీరియల్‌లో నటించింది. యూట్యూబ్‌లో స్ట్రీమ్ అవుతున్న ‘సూర్య’ వెబ్ సిరీస్ మౌనికకు మంచి ఇమేజ్ ను తెచ్చిపెట్టింది. అదే ఇమేజ్ తో సినిమాల్లోనూ నటించే చాన్స్ కొట్టేసింది ఈ బ్యూటీ. పవర్ స్టార్ పవన్ కళ్యాణ్ నటించిన ‘భీమ్లా నాయక్’ సినిమాలో కానిస్టేబుల్ గా నటించి మెప్పించింది మౌనిక. ఇటీవల విశ్వక్ సేన్ నటించిన ‘ఓరి దేవుడా’ సినిమాలో ఓ పాత్రలో కనిపించింది. ఇలా వరుసగా సినిమాలు, షార్ట్ ఫిల్మ్స్, వెబ్ సిరీస్‌లతో మౌనిక బిజీ బిజీగా గడిపేస్తోంది. అయితే ఈ బ్యూటీ ఇప్పుడు పెళ్లి చేసుకోవడానికి రెడీ అయ్యింది.

మౌనిక పెళ్లాడనున్న వ్యక్తి పేరు సందీప్. ఆయన ఒక సింగర్. స్నేహంతో మొదలైన వీరి పరిచయం.. ఆ తర్వాత ప్రేమగా మారింది. గత కొన్నేళ్లుగా వీరు ప్రేమలో మునిగి తేలుతున్నారట. వీరి ఫోటోలను కూడా మౌనిక తన సోషల్ మీడియా ఖాతాలో షేర్ చేస్తూ వచ్చింది. ఇప్పుడు వీరి పెళ్లి విషయం అఫీషియల్ గా అనౌన్స్ చేయడంతో క్లారిటీ వచ్చింది. ఇన్నాళ్లూ ప్రేమ పక్షుల్లా ఉన్న ఈ జంట త్వరలో పెళ్లి బంధంతో ఒక్కటవ్వబోతోంది. మౌనిక పెళ్లి వార్త తెలిసి శుభాకాంక్షలు చెబుతూ కామెంట్స్ చేస్తున్నారు నెటిజన్స్. అయితే పెళ్లి తర్వాత కూడా చాలా మంది సెలబ్రెటీలు తమ కెరీర్ ను కంటిన్యూ చేస్తున్నారు. మరి ఆ విషయంలో మౌనిక భవిష్యత్ లో ఎలాంటి నిర్ణయం తీసుకుంటుందో వేచి చూడాలి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mounika Reddy (@monie_kaaa)