Simbu and Nidhi: సహజీవనం చేస్తున్న ఆ హీరోహీరోయిన్లు? వారిద్దరి మధ్య వయసు తేడా ఎంతంటే...

తమిళ సినీ ఇండస్ట్రీలో త్వరలో పెళ్లి భాజాలు మోగనున్నట్టు సమాచారం.

ఈశ్వరన్ మూవీలో శింబు, నిధి

సవ్యసాచి సినిమాతో తెలుగు ఇండస్ట్రీలోకి అడుగుపెట్టింది నిధి అగర్వాల్. తమిళనాట కూడా అడుగుపెట్టిన ఈ అందాల తార శింబు హీరోగా తెరకెక్కిన ‘ఈశ్వరన్’సినిమాలో నటించింది. ఆ సినిమాలో ఈ ఇద్దరి జంట చూడముచ్చటగాఉంది. సినిమా కూడా భారీ హిట్ కొట్టింది. వీరి జంట తమిళనాడు సినీ అభిమానులకు తెగ నచ్చేసింది. ఆ సినిమా షూటింగ్ సమయంలోనే వీరిద్దరూ ప్రేమలో పడినట్టు సమాచారం. అప్పటి నుంచి ఇద్దరూ డేటింగ్ చేస్తున్నట్టు తెలుస్తోంది. ఇద్దరూ కలిపి బయట షికార్లు కూడా తిరిగారు. కాగా ఇప్పుడు వీరిద్దరూ సీరియస్ రిలేషన్ షిప్ లో అడుగుపెట్టారట. పెళ్లి చేసుకోవాలన్న నిర్ణయాన్ని తీసుకున్నారట. అందుకే నిధి, శింబు కలిసి ఒకే ఇంట్లో సహజీవనం చేయడం మొదలుపెట్టారని టాక్. ఇలాగే సహజీవనం చాలా పుకార్లు షికార్లు చేయడం వారికి నచ్చడం లేదని, త్వరలోనే పెళ్లి చేసుకుని ఆ పుకార్లకు చెక్ పెట్టాలని ఇద్దరూ భావిస్తున్నారట. పెద్దల సమక్షంలో పెళ్లికి రెడీ అవుతున్నారట. 

వయసు తేడా పదేళ్లు...
నిధి అగర్వాల్ కన్నా శింబు పదేళ్లు పెద్దవాడు. శింబు వయసు 38  ఏళ్లు కాగా, నిధి వయసు 28 ఏళ్లు. ఈ వయసు తేడాను ఇప్పుడు పెద్దగా ఎవరూ పట్టించుకోవడం లేదు. ఈ ఏడాదే వీరి పెళ్లి వార్త వినే అవకాశం ఉంది. ప్రస్తుతం నిధి తెలుగు సినిమా ‘హీరో’విడుదల కోసం ఎదురుచూస్తోంది. ఇక శింబు ‘మానాడు’ సినిమాతో మంచి హిట్ అందుకున్నాడు. ప్రస్తుతం ఆయన సినిమాలు షూటింగ్ దశలో ఉన్నాయి. 

గతంలో ప్రేమాయణాలు
శింబు గతంలో  ఇద్దరు హీరోయిన్లతో ప్రేమాయణం నడిపి బ్రేకప్ చెప్పాడు. నయనతారతో దాదాపు పెళ్లి పీటల దాకా వెళ్లింది వ్యవహారం, కానీ కుదరలేదు. ఇక హన్సికతో ప్రేమ వ్యవహారం త్వరగానే ముగిసింది. అలాగే నిధి కూడా గతంలో క్రికెట్ కేఎల్ రాహుల్ తో ప్రేమలోపడింది. కానీ త్వరగానే విడిపోయారు. శింబు-నిధి ప్రేమ పెళ్లి వరకు చేరుతుందో లేదో చూడాలి. 

Also Read: కళ్లలో దాగి ఉన్న కలలు అద్భుతం, పడి పడి చదివేలా నీ మనసు నా పుస్తకం.. నెక్ట్స్ లెవెల్ కి చేరిన గుప్పెడంత మనసు సోమవారం ఎపిసోడ్...

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి