Shahrukh Khan Advertisement: ‘జవాన్‘ స్టైల్లో షారుఖ్ యాడ్ - రైల్లో బందీలుగా అలియా, రణబీర్ జంట!

బాలీవుడ్ స్టార్ హీరో షారుఖ్ ఖాన్ నటించిన తాజా స్టీల్ యాడ్ అందరినీ ఆకట్టుకుంటోంది. ఈ యాడ్ లో స్టార్ కపుల్స్ రణబీర్ కపూర్, అలియా భట్‌ తో కలిసి నటించారు. ప్రస్తుతం ఈ యాడ్ ట్రెండింగ్ లో నిలిచింది.

స్టీల్ యాడ్ లో షారుఖ్, రణబీర్, ఆలియా

షారుఖ్ ఖాన్ నటించిన లేటెస్ట్ బ్లాక్ బస్టర్ హిట్ మూవీ ‘జవాన్‘. తమిళ దర్శకుడు అట్లీ తెరకెక్కించిన ఈ సినిమా బాక్సాఫీస్ దగ్గర రికార్డుల మోత మోగించింది. ఈ సినిమాలోని ట్రైన్ సీన్ ప్రేక్షకులను బాగా ఆకటుకుంటుంది. కొంత మందిని బందీలుగా చేసుకుని షారుఖ్ చేసే కామెడీ కడుపుబ్బా నవ్విస్తుంది. ఈ ట్రైన్ సీన్ ను బేస్ చేసుకుని షారుఖ్ తాజాగా ఓ స్టీల్ యాడ్ లో నటించారు. ఈ యాడ్ లో బాలీవుడ్ స్టార్ కపుల్స్ అలియా భట్, రణబీర్ కపూర్‌ కనిపించారు. రుంగ్టా స్టీల్ కోసం నటించిన దాదాపు నిమిషం నిడివి గల యాడ్ ప్రస్తుతం సోషల్ మీడియాలో ట్రెండింగ్ లో నిలిచింది.    

బందీలుగా అలియా, రణబీర్

ముగ్గురు బాలీవుడ్ స్టార్స్ నటించిన ఈ రుంగ్టా స్టీల్ యాడ్ లో ‘జవాన్‘ చిత్రంలో మాదిరిగానే షారుఖ్ బట్టతలలో కనిపిస్తారు. బ్లూ, రెడ్ కలర్ జాకెట్ లో కళ్లకు నల్ల కళ్లజోడు పెట్టుకుని మెట్రో రైల్లో ఆలియా, రణబీర్ ను బందిస్తారు.  అలియా భట్ ‘స్టూడెంట్ ఆఫ్ ది ఇయర్’ మూవీ క్యారెక్టర్ షానయగా కనిపిస్తుంది. ఇక ‘బర్ఫీ’లో మాదిరిగా రణబీర్ కపూర్ కనిపిస్తాడు.  ఈ యాడ్ లో స్టార్టింగ్ నుంచి ఎండింగ్ వరకు బలమైన ఇంటిని నిర్మించేందుకు ఏం చేయాలి? అనే విషయం గురించి షారుఖ్ మాట్లాడుతారు. ప్రస్తుతం ఈ యాడ్ సోషల్ మీడియాలో వైరల్ అవుతోంది. అలియా, రణబీర్, షారుఖ్‌లను ఒకే ఫ్రేమ్‌లో చూసి.. వారి అభిమానులు తెగ సంతోష పడిపోతున్నారు.

బ్లాక్ బస్టర్ ‘జవాన్’ మూవీ సీన్ బేస్ చేసుకుని రూపొందించిన ఈ యాడ్ కూడా బ్లాక్ బస్టర్ అవుతుందని చెప్తున్నారు.  "’జవాన్’ సినిమా క్రేజ్ నెక్స్ట్ లెవెల్, విక్రమ్ రాథోడ్ అదుర్స్" అంటూ కామెంట్స్ పెడుతున్నారు. "లవ్లీ యాడ్. ఇదో బెస్ట్ యాడ్” అని మరికొంత మంది రాసుకొస్తున్నారు. “జవాన్ మెట్రోలో బర్ఫీ & షానాయాతో విక్రమ్ రాథోడ్" అని మరికొంత మంది కామెంట్స్ పెడుతున్నారు. "అద్భుతమైన యాడ్. ‘జవాన్’ స్టైల్లో చాలా బాగుంది” అంటున్నారు. "మొత్తంగా ‘జవాన్’ స్టైల్ యాడ్ ప్రజల్లోకి బాగా వెళ్తోంది.

‘జవాన్’ మూవీ గురించి..

షారుఖ్ చివరిసారిగా నటించిన ‘జవాన్’ మూవీ ఈ ఏడాది అత్యధిక వసూళ్లు రాబట్టిన బాలీవుడ్ చిత్రంగా నిటిచింది. అట్లీ దర్శకత్వం వహించిన ఈ చిత్రం సెప్టెంబర్ 7న విడుదలైంది. ఇందులో నయనతార, విజయ్ సేతుపతి, ప్రియమణి, సన్యా మల్హోత్రా, రిధి డోగ్రా, లెహర్ ఖాన్, గిరిజా ఓక్,  సంజీతా భట్టాచార్య కీలక పాత్రలు పోషించారు.  ఈ చిత్రంలో దీపికా పదుకొణె, సంజయ్ దత్ అతిథి పాత్రలు పోషించారు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial