Manchi Rojulochaie : 'ఏక్ మినీ కథ' తర్వాత ' మంచి రొజులొచ్చాయి' .. సంతోష్ శోభన్ కి కలిసొచ్చేనా..!

'ఏక్ మినీ కథ' లాంటి డిఫరెంట్ కాన్సెప్ట్ తో వచ్చి ప్రేక్షకుల ఆదరాభిమానాలు పొందిన సంతోష్ శోభన్ లేటెస్ట్ మూవీ 'మంచి రోజులొచ్చాయి'పై చాలా ఆశలు పెట్టుకున్నాడట...

By: ABP Desam | Updated at : 14 Oct 2021 01:37 PM (IST)

Edited By: RamaLakshmibai

Santosh Shoban, Mehreen Pirzada love Entertainer Manchi Rojulochaie Trailer Out

Manchi Rojulochaie Movie

ఆరంభంలో అదోరకం సినిమాలకు కేరాఫ్ అనిపించుకున్న దర్శకుడు మారుతి 'భలే భలే మగాడివోయ్` సినిమా నుంచి రూటు మార్చారు. ప్రేమకథాచిత్రం, మహానుభావుడు లాంటి సినిమాలతో టాలీవుడ్ లో తనకంటూ ఓ బ్రాండ్ ఉందని నిరూపించుకున్నారు. ఇప్పుడు మారుతి లేటెస్ట్ మూవీ 'మంచి రోజులొచ్చాయి'. టాలీవుడ్ యంగ్ హీరో సంతోష్ శోభ‌న్ ,మెహ‌రీన్ నటించిన ఈ మూవీ ట్రైలర్ విడుదల చేశారు మేకర్స్. ఈ ట్రైలర్ ఆద్యంతం నవ్వులు పూయించడమే కాదు సోషల్ మీడియాలో మంచి రెస్పాన్స్ సంపాదించుకుంది దీంతో ఈ సినిమా కూడా తనకు మంచి సక్సెస్ ఇస్తుందనే నమ్మకంతో ఉన్నాడు సంతోష్ శోభన్.
'తను నేను', 'పేపర్ బాయ్' సినిమాలతో ప్రేక్షకులకు చేరువైన సంతోష్ శోభన్ ఏక్ మినీ కథతో మెప్పించాడు. ఓటీటీ వేదికగా విడుదలైన ఈ సినిమా మంచి హిట్ ను అందుకుంది. అయితే ఏక్ మినీ కథ సినిమా బయటికి రాకముందే ఈ కుర్రాడు వరుస సినిమాలను లైన్లో పెట్టేయడం విశేషం. యూవీ క్రియేషన్స్ బ్యానర్లో .. వైజయంతీ మూవీస్ బ్యానర్లో .. సితార ఎంటర్టైన్మెంట్ బ్యానర్లో సంతోష్ శోభన్ సినిమాలకు సైన్ చేసేశాడు. సారంగ ప్రొడక్షన్స్ బ్యానర్ లో అభిషేక్ మహర్షి అనే నూతన దర్శకుడితో ఓ సినిమా, నందినీ రెడ్డి దర్శకత్వంలో మరో సినిమా ఇలా మరికొన్ని ప్రాజెక్టులు కూడా సంతోష్ లైన్లో పెట్టాడు. ఇప్పుడు మారుతి దర్శకత్వంలో వస్తోన్న'మంచిరోజులొచ్చాయి' తో మరో హిట్ అందుకుని తదుపరి సినిమాలకు మరింత క్రేజ్ పెంచుకుంటా అంటున్నాడు. 'మై వాట్సాప్ అంకుల్స్ అండ్ యూట్యూబ్ ఆంటీస్‌..నా పేరు సంతోష్..ఆనందానికి కేరాఫ్ అడ్రెస్ వీడు' అనేది నా ట్యాగ్‌లైన్..అంటూ సంతోష్ శోభ‌న్ త‌నను తాను ప‌రిచ‌యం చేసే సన్నివేశంతో ట్రైల‌ర్ మొద‌లైంది. ప్రతీ సిసినిమాలో హీరోలకు ఏదో లోపం ఉందన్నట్లు చూపించే మారుతి ఈసారి హీరోయిన్‌ తండ్రికి ఏదో వింత వ్యాధి ఉన్నట్లు చూపించారు.