‘ఖుషీ’ షోలో పవన్ ఫ్యాన్స్ రచ్చ - కాగితాలను కాదు, ఏకంగా మనుషులనే గాల్లోకి ఎగరేసిన అభిమానులు

నూతన సంవత్సర వేడుకల సందర్భంగా పవర్ స్టార్ పవన్ కళ్యాణ్ నటించిన ‘ఖుషి’ సినిమాను రి రిలీజ్ చేశారు. దీంతో ఫ్యాన్స్ పండగ చేసుకున్నారు. థియేటర్లలో ఫ్యాన్స్ రచ్చ చేసిన వీడియోలు నెట్టింట వైరల్ అవుతున్నాయి.

Image Credit: Twitter

పవర్ స్టార్ పవన్ కళ్యాణ్ సినిమా వస్తుందంటే చాలు ఆయన ఫ్యాన్స్ పండగ చేసుకుంటారు. రిలీజ్ రోజు థియేటర్ ముందు పెద్ద పెద్ద కటౌట్ లు, పూల దండలు, పాలాభిషేకాలు, కొబ్బరి కాయలు, హారతులు, తీన్మార్ డప్పులు ఇలా రకరకాలుగా థియేటర్ల వద్ద సంబరాలు జరుపుకుంటారు. టాలీవుట్ లో హిట్ ఫ్లాప్ లతో సంబంధం లేకుండా ఆయన సినిమాలను మిస్ కాకుండా చూడటం పవన్ ఫ్యాన్స్‌కే చెల్లుతుంది. అలాంటిది.. సినిమాకు హిట్ టాక్ వచ్చిందంటే ఆ సంబరాలు వేరే లెవల్ లో ఉంటాయి. పవన్ కళ్యాణ్ సినిమాల్లో 2001 లో వచ్చిన ‘ఖుషి’ ఎంత పెద్ద హిట్ అయిందో పెద్దగా చెప్పక్కర్లేదు. ఆ సినిమాతో పవన్ కళ్యాణ్ కు ఫ్యాన్ బేస్ బాగా పెరిగిపోయింది. ఇప్పటికీ ఆ సినిమాకు అదే క్రేజ్ ఉంది. చాలా మంది యూత్ ఫేవరేట్ లవ్ మూవీస్ లిస్ట్ లో ‘ఖుషి’ తప్పకుండా ఉంటుంది.

ఈ మూవీలో పవన్ కళ్యాణ్, భూమిక నటనకు యూత్ ఫిదా అయిపోయింది. ఈ సినిమాలు పాటలు, డ్యాన్స్, మ్యూజిక్, డైలాగ్స్, ఫైట్స్‌కు ఎక్కడాలేని క్రేజ్ వచ్చింది. మరి అలాంటి భారీ బ్లాక్ బస్టర్ మూవీను దాదాపు 21 ఏళ్ల తర్వాత రి-రిలీజ్ చేస్తే ఎలా ఉంటుంది? థియేటర్ లో టాప్ లేచిపోవాల్సిందే. న్యూ ఇయర్ సందర్భంగా ఈ మూవీని డిసెంబర్ 31న రి-రిలీజ్ చేశారు. ఇంకేముంది పవన్ కళ్యాణ్ ఫ్యాన్స్ పూణకాలతో ఊగిపోయారు. రి-రిలీజ్ రోజు థియేటర్లలో రచ్చ రంబోలా చేశారు. చాలా కాలం తర్వాత వింటేజ్ పవర్ స్టార్ ను చూసి ఫ్యాన్స్ ఫుల్ ఖుషీ అయిపోయారు. థియేటర్ల వద్ద భారీ కటౌట్ లు, తీన్మార్ స్టెప్పులతో పండగ చేసుకున్నారు. ఇక థియేటర్లో సినిమా మొదలైన తర్వాత ఫ్యాన్స్ చేసిన రచ్చకు అంతా ఇంతా కాదు. అసలే పవర్ స్టార్ ఫ్యాన్స్ అందులోనూ ‘ఖుషి’ లాంటి సినిమా ఇక లోపల రచ్చ ఎలా ఉంటుందో మాటల్లో చెప్పక్కర్లేదు. 

Oreyyyyyy🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣#KushiReRelease pic.twitter.com/gLEip6Ot9a

— ustaad #OG (@CultFanIkkada) December 31, 2022

స్క్రీన్ మీద టైటిల్ నుంచి ఎండ్ కార్డ్ పడే వరకూ ఒకటే విజిల్స్, అన్నా అంటూ కేకలు, స్క్రీన్ ముందు డ్యాన్స్ లు.. దీంతో థియేటర్ల లో టాప్ లేచిపోయినంత పనైంది. ఓ థియేటర్ లో కాగితాలకు బదులు మనుషులనే గాల్లోకి ఎగరేశారు అభిమానులు. ఆ వీడియోలు ఇప్పుడు సోషల్ మీడియాలో హల్చల్ చేస్తున్నాయి. ఈ వీడియోలు చూసిన నెటిజన్స్ ‘ఇదెక్కడి మాస్ రా మావా థియేటర్ లో దుమ్ములేపుతున్నారు, పవర్ స్టార్ నా మజాకా నా’ అంటూ కామెంట్స్ చేస్తున్నారు. ఇంకొంత మంది ‘జాగ్రత్తగా ఎంజాయ్ చేయండి అత్యుత్సాహానికి పోయి కాళ్ళు చేతులు విరగొట్టుకోవద్దు’ అంటూ అడ్వైజ్ లు ఇస్తూ కామెంట్స్ చేస్తున్నారు. ఏదేమైనా ‘ఖుషి’ సినిమా రి రిలీజ్ కు వచ్చిన క్రేజ్ చూసి అవాక్ అవుతున్నారు నెట్టింటోళ్లు. ఇక ఈ సినిమా టాలీవుడ్ లో రి రిలీజ్ లలో టాప్ మూవీ గా నిలిచింది. డిసెంబర్ 31 న ఈ మూవీ దాదాపు మూడున్నర కోట్ల రూపాయలు వసూలు చేసి రి రిలీజ్ లలో చరిత్ర సృష్టించింది.