NTR Health Update : ఎన్టీఆర్‌కు సర్జరీ సక్సెస్ - లేటెస్ట్ హెల్త్ అప్డేట్ ఏంటంటే?
NTR Health : మ్యాన్ ఆఫ్ మాసెస్ ఎన్టీఆర్‌కు సర్జరీ సక్సెస్ అయ్యింది. ఈ మేరకు లేటెస్ట్ హెల్త్ అప్డేట్‌ను కిమ్స్ వైద్యులు అఫీషియల్‌గా రిలీజ్ చేశారు.
NTR Shoulder Surgery Completed : మ్యాన్ ఆఫ్ మాసెస్ ఎన్టీఆర్‌కు సర్జరీ పూర్తి కాగా... ఆయన హెల్త్ అప్డేట్‌ను డాక్టర్స్ రిలీజ్ చేశారు. ఆయన సర్జరీ విజయవంతమైందని హైదరాబాద్ కిమ్స్ ఆస్పత్రి వైద్యులు అఫీషియల్ అనౌన్స్‌మెంట్ రిలీజ్ చేశారు.
వైద్యుల పర్యవేక్షణలో...
ప్రత్యేక వైద్య బృందం పర్యవేక్షణలో సర్జరీ విజయవంతమైందని తెలిపారు కిమ్స్ వైద్యులు. 'ఎన్టీఆర్ భుజానికి ఇటీవల దురదృష్టవశాత్తు గాయమైంది. పూర్తి వైద్య పరీక్షల తర్వాత ఆయనకు ఆర్థ్రోస్కోపిక్ సర్జరీ అవసరమని నిర్ణయించాం. సికింద్రాబాద్‌లోని కిమ్స్ (KIMS) ఆస్పత్రి వైద్యులు డాక్టర్ ఆర్. ఎ. పూర్ణచంద్ర తేజస్వి, డాక్టర్ నితిన్ బెజ్జంకి, డాక్టర్ మధుసూదన్ రావు, డాక్టర్ శ్రీనివాస్ రావు సురపనేని నేతృత్వంలోని ఆర్థోపెడిక్ సర్జన్ల బృందం ఈ సర్జరీని విజయవంతంగా నిర్వహించింది.
శస్త్రచికిత్స పూర్తిగా విజయవంతమైంది. ఎన్టీఆర్ పూర్తి క్షేమంగా ఉన్నారని తెలియజేయడానికి మేము సంతోషిస్తున్నాం. ఆయన ఇప్పుడు వైద్య పర్యవేక్షణలో ఉన్నారు. 2 నుంచి 3 నెలల వ్యవధిలో పూర్తిగా కోలుకుని, సాధారణ స్థితికి తిరిగి వస్తారని ఆశిస్తున్నాం.' అని ప్రకటన విడుదల చేశారు.
జులై 27న షూటింగ్ టైంలో భుజానికి గాయం కాగా వైద్యుల సూచన మేరకు ఎన్టీఆర్ సర్జరీకి సిద్ధమయ్యారు. బుధవారం కిమ్స్ ఆస్పత్రిలో ప్రత్యేక వైద్య బృందం పర్యవేక్షణలో ఆయన సర్జరీ చేయించుకున్నారు. దాదాపు 2 నుంచి 3 నెలల రెస్ట్ తర్వాత ఆయన పూర్తిగా కోలుకుంటారని ఆస్పత్రి వర్గాలు వెల్లడించాయి. మినిమమ్ 6 నుంచి 8 వారాల తర్వాత ఆయన సినిమా షూటింగుల్లో పాల్గొననున్నారు. ఆయన త్వరగా కోలుకోవాలని ఫ్యాన్స్ ఆకాంక్షిస్తున్నారు.
ప్రస్తుతం ఎన్టీఆర్... స్టార్ డైరెక్టర్ ప్రశాంత్ నీల్ దర్శకత్వంలో భారీ యాక్షన్ ఎంటర్టైనర్ డ్రాగన్ మూవీ చేస్తున్నారు. సినిమాలో రుక్మిణీ వసంత్ హీరోయిన్. మైత్రీ మూవీ మేకర్స్, ఎన్టీఆర్ ఆర్ట్స్ సంస్థలపై... నవీన్ యెర్నేని, వై రవిశంకర్, నందమూరి కల్యాణ్ రామ్, కొసరాజు హరికృష్ణ నిర్మిస్తున్నారు. రవి బస్రూర్ మ్యూజిక్ అందిస్తున్నారు. వచ్చే ఏడాది జూన్ 11న వరల్డ్ వైడ్ సినిమా ప్రేక్షకుల ముందుకు రానుంది.
Also Read : Love Entertainer OTT : మూడేళ్ల తర్వాత ఓటీటీలోకి ప్రేమదేశం - రెండు ఓటీటీల్లో లవ్ రొమాంటిక్ మూవీ
టాప్ హెడ్ లైన్స్
ట్రెండింగ్ వార్తలు
