With Love OTT : ఓటీటీలోకి హిట్ బొమ్మ 'విత్ లవ్' - రొమాంటిక్ కామెడీ ఎంటర్టైనర్ ఎప్పుడు, ఎందులో స్ట్రీమింగ్ అంటే?

With Love OTT Platform : రీసెంట్ రొమాంటిక్ కామెడీ ఎంటర్టైనర్ 'విత్ లవ్' ఓటీటీలోకి వచ్చేస్తోంది. ఫిబ్రవరి 6న ప్రేక్షకుల ముందుకు వచ్చిన ఈ మూవీ బాక్సాఫీస్ వద్ద హిట్ టాక్ సొంతం చేసుకుంది.

ఓటీటీలోకి వచ్చేస్తున్న విత్ లవ్

Source : https://www.instagram.com/p/DUZqhGXkq55/?hl=en

Abishan Jeevinth's With Love OTT Release Date Locked : చిన్న సినిమాగా వచ్చి బాక్సాఫీస్ వద్ద బిగ్ హిట్ కొట్టిన రీసెంట్ రొమాంటిక్ కామెడీ ఎంటర్టైనర్ 'విత్ లవ్'. అభిషన్ జీవింత్, అనస్వర రాజన్ జంటగా నటించిన ఈ మూవీ ఫిబ్రవరి 6న ప్రేక్షకుల ముందుకు వచ్చి ఐదు రోజుల్లోనే రూ.10 కోట్ల క్లబ్‌లో చేరింది. సరిగ్గా నెల రోజుల తర్వాత ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

'విత్ లవ్' డిజిటల్ స్ట్రీమింగ్ రైట్స్‌ను ఇంటర్నేషనల్ ఓటీటీ 'నెట్ ఫ్లిక్స్' సొంతం చేసుకోగా... మార్చి 6 నుంచి స్ట్రీమింగ్ కానుంది. తెలుగుతో పాటు తమిళం, హిందీ, మలయాళం, కన్నడ భాషల్లో అందుబాటులోకి రానుంది. విడుదలకు ముందు ఎలాంటి అంచనాలు లేకపోయినా కంటెంట్‌కు ఆడియన్స్ ఫిదా అయ్యారు. 

ఈ మూవీకి మదన్ దర్శకత్వం వహించగా... సూపర్ స్టార్ రజనీకాంత్ కుమార్తె సౌందర్యతో కలిసి నజరత్ పసిలియన్, మహేశ్ రాజ్ పసిలియన్ నిర్మించారు. తెలుగులో ఈ చిత్రాన్ని సురేష్ ప్రొడక్షన్స్ డిస్ట్రిబ్యూట్ చేసింది. అభిషన్, అనస్వర రాజన్‌లతో పాటు కావ్య అనిల్, సచిన్ నాచియప్పన్ తదితరులు కీలకపాత్రలు పోషించారు. కేవలం మౌత్ టాక్‌తోనే థియేటర్లలో బిగ్ రెస్పాన్స్ అందుకున్న మూవీ ఓటీటీలో మరింత సక్సెస్ అవుతుందని టీం భావిస్తోంది.

స్టోరీ ఏంటంటే?

డిజైనర్ అయిన సత్య (అభిషన్ జీవంత్) పెళ్లి చూపులకు వెళ్తాడు. పెళ్లి కూతురు స్కూల్‌లో తనకు రెండేళ్ల జూనియర్ మనీషా (అనస్వర రాజన్) అని తెలుస్తుంది. దీంతో ఇద్దరూ తమ పాత స్నేహాలను, లవ్ స్టోరీస్ గుర్తు చేసుకుంటారు. స్కూల్ డేస్‌లో అనీషా (కావ్య అనిల్)ను సత్య, బాలాజీ (సచిన్ నాచియప్పన్)ను మనీషా ఇష్టపడతారు. అయితే, తమ ప్రేమ విషయం ఎవరికి వారే మనసులో దాచుకుంటారు. ఇప్పుడు అనీషా, బాలాజీ ఎక్కడ ఉన్నారో తెలుసుకుని వాళ్ల దగ్గరకు వెళ్లి అసలు విషయం చెప్పాలనుకుంటారు.

ఆ తర్వాత ఏం జరిగింది? సత్య, మనీషా పెళ్లి చూపులు ఏమయ్యాయి? తాము ప్రేమించిన వారికి అసలు విషయం చెప్పారా? వీరి మధ్య ప్రేమ చిగురించిందా? ఫైనల్‌గా ఏం జరిగింది? అనేది తెలియాలంటే మూవీ చూడాల్సిందే.

మరిన్ని చదవండి

టాక్సిక్ ఫస్ట్ సాంగ్ రెడీ - యశ్, కియారా రొమాంటిక్ ట్రాక్ వచ్చేది ఎప్పుడంటే?