అన్వేషించండి

Theatre/OTT Movies: ఈ వారం థియేటర్‌ - ఓటీటీలో రిలీజ్‌ అయ్యే సినిమాలు ఇవే!

Upcoming Theater and OTT Movies: ప్రతివారం థియేటర్లో కొత్త సినిమాలు రిలీజ్‌ అవుతుంటాయి. ఇక ఈ వారం థియేటర్‌, ఓటీటీలో పలు కొత్త సినిమాలు సందడి చేయ

By : Sneha Latha | Updated at : 22 Jul 2024 03:30 PM (IST)

Upcoming Theater and OTT Movies on July Last Week 2024 Theatre/OTT Movies: ఈ వారం థియేటర్‌ - ఓటీటీలో రిలీజ్‌ అయ్యే సినిమాలు ఇవే!

Image Credit: Instagram

Source : https://www.instagram.com/p/C9KkxvQpizp/?hl=en

This Week OTT and Theater Movies: ప్రతివారం థియేటర్లో కొత్త సినిమాలు రిలీజ్‌ అవుతుంటాయి. గత రెండు, మూడు వారాలుగా థియేటర్‌లో కొత్త సినిమాల సందడి లేదు. మొత్తం వరల్డ్‌ వైడ్‌గా కల్కి 2898 ఏడీ హావానే కొనసాగుతుంది. దీంతో ఎవరూ కూడా కొత్త సినిమాలు రిలీజ్‌ చేసే సాహసం చేయడం లేదు. కల్కి 2898 ఏడీ విడుదలైన నెల రోజులు అవుతుంది. మెల్లిమెల్లిగా పలు సినిమాలు విడుదలకు రెడీ అవుతున్నాయి. అలా ఈ వారం థియేటర్లోకి తమిళ స్టార్‌ హీరో ధనుష్‌ 'రాయన్‌', రాజ్‌ తరుణ్‌ 'పురుషోత్తముడు', 'ఆపరేషన్‌ రావణ్‌' సినిమాలు విడుదల కాబోతున్నాయి. అయితే ఇందులో స్టార్‌ హీరో సినిమా ఉన్న దానికి పెద్దగా బజ్‌ కనిపించడం లేదు.

రాజ్‌ తరుణ్‌ పురుషోత్తముడులో స్టార్‌ తారాగణం నటించడంతో కాస్తా ఈ మూవీ హైప్‌ క్రియేట్‌ అయ్యింది. అయినా కూడా దీనిపై ఆడియన్స్‌లో పెద్దగా క్రేజ్‌ ఏం లేదనే అనిపిస్తుంది. ఇక 'ఆపరేషన్‌ రావణ్‌' చిన్న సినిమాగా వస్తుంది. మరి వీటిలో ఏ మూవీ ఆడియన్స్‌ని ఆకట్టుకుంటుందో చూడాలి. మరోవైపు ఓటీటీలోనూ కొత్త సినిమాలు విడుదల అవుతున్నాయి. ఒక తెలుగు సినిమా స్ట్రయిట్‌గా ఓటీటీలో విడుదల కాబోతోంది. అలా ఈ శుక్రవారం ఓటీటీలో 'రాజు యాదవ్‌' మూవీ నేరుగా రిలీజ్‌ కాబోతుంది. దానితో పాటు థియేటర్లోరిలీజ్‌ అయిన మరిన్ని సినిమాలు కూడా విడుదలకు రెడీ అవుతున్నాయి. మరి ఆ థియేటర్‌, ఓటీటీలో ఈ వారం సందడి చేసే సినిమాలు ఏంటీ, ఏయే ఏయే ప్లాట్‌ఫాంలో ఏ సినిమా స్ట్రీమింగ్‌ కానుందో చూద్దాం!

ఈ వారం థియేటర్‌ చిత్రాలు

రాజ్‌ తరుణ్‌ 'పురుషోత్తముడు'

రాజ్‌ తరుణ్‌ హీరోగా రామ్‌ భీమన దర్శకత్వంలో తెరకెక్కిన చిత్రం 'పురుషోత్తముడు'. రమ్యకృష్ణ, ప్రకాశ్‌ రాజ్‌, హిందీ నటుడు ముఖేష్‌ ఖన్నా కీలక పాత్రలో నటించిన ఈ సినిమా జూలై 26న థియేటర్లో రిలీజ్‌ కాబోతోంది. ఎప్పుడో షూటింగ్‌ పూర్తి చేసుకున్న ఈ సినిమా ఇప్పుడు రిలీజ్‌కు రెడీ అవుతుండటంతో ప్రక్షకుల్లో ఆసక్తి నెలకొంది. రమేష్‌ తేజావత్‌, ప్రకాశ్‌ తేజావత్‌ సంయుక్తంగా నిర్మించిన ఈ సినిమాలో హాసిని సుధీర్‌ హీరోయిన్‌గా నటించింది.

'రాయన్‌' మూవీ

దర్శన్‌ స్వీయ దర్శకత్వంలో తెరకెక్కిన చిత్రం 'రాయన్‌'. దుషారా విజయన్‌, సందీప్‌ కిషన్‌, కాళిదాసు జయరామ్‌, అపర్ణ బాలమురళి కీలక పాత్రలు పోషిస్తున్నారు. సన్‌ పిక్చర్స్‌ నిర్మించిన ఈ సినిమాను ఏషియన్‌ సురేష్‌ ఎంటర్‌టైన్‌మెంట్స్‌ పతాకంలో జూలై 26న తెలుగులో రిలీజ్‌ అవుతుంది.

'ఆపరేషన్‌ రావణ్'

రక్షిత్‌ అట్లూి హీరో వెంకట సత్య దర్శకత్వంలో రూపొందిన చిత్రం 'ఆపరేషన్‌ రావణ్‌'. సంకీర్తన్‌ విపన్‌ కథానాయికగా నటించిన ఈ సినిమా జూలై 26న థియేటర్లోకి రిలీజ్‌ అవుతుంది. సస్పెన్స్‌, క్రైం త్రిల్లర్‌గా ఈ మూవీ తెరకెక్కింది.