అన్వేషించండి

This Week OTT Releases: ‘ది కేరళ స్టోరీ’ to ‘నా సామిరంగ’ - ఈ వారం ఓటీటీలో సందడి చేసే సినిమాలు ఇవే!

ఎప్పటిలాగే ఈ వారం కూడా పలు సినిమాలు ఓటీటీలో సందడి చేయనున్నాయి. సంక్రాంతికి విడుదలైన ‘నా సామిరంగ’తో పాటు దేశవ్యాప్తంగా సంచలన విజయాన్ని అందుకున్న ‘కేరళ స్టోరీ’ రిలీజ్ కానున్నాయి.

By : Anjibabu Chittimalla | Updated at : 12 Feb 2024 02:23 PM (IST)

The Kerala Story to Naa Sami Ranga These are the movies releasing on OTT this week This Week OTT Releases: ‘ది కేరళ స్టోరీ’ to ‘నా సామిరంగ’ - ఈ వారం ఓటీటీలో సందడి చేసే సినిమాలు ఇవే!

ఈ వారం ఓటీటీలో సందడి చేసే సినిమాలు, సిరీస్ లు(Photo Credit: X)

This Week OTT Releases: గత వారం ‘ఈగల్’, ‘లాల్ సలామ్’ లాంటి చిత్రాలు థియేటర్లలోకి అడుగు పెట్టాయి. మొదటి నుంచి మంచి బజ్ క్రియేట్ చేసుకున్న మాస్ మహారాజా రవితేజ ‘ఈగల్’ ప్రేక్షకుల నుంచి పాజిటివ్ రెస్పాన్స్ దక్కించుకుని సక్సెస్ ఫుల్ గా రన్ అవుతోంది. ఇక భారీ అంచనాల నడుమ విడుదలైన రజనీకాంత్ ‘లాల్ సలామ్’ మాత్రం తెలుగు రాష్ట్రాల్లో పెద్దగా ప్రభావం చూపించలేకపోయింది. చాలా చోట్ల ప్రేక్షకులు లేక, షోలు క్యాన్సిల్ అయ్యాయి. రజనీకాంత్ నటించిన ‘కాలా’ సినిమా తర్వాత అత్యంత తక్కువ ఓపెనింగ్స్ సాధించిన సినిమాగా ‘లాల్ సలామ్’ నిలిచింది. ఈ సినిమా కేవలం రూ.4.3 కోట్లు సాధించి అందరినీ ఆశ్చర్యానికి గురి చేసింది.

ఇక ఇప్పటికే సంక్రాంతి బరిలో నిలిచిన ‘గుంటూరుకారం’, ‘సైంధవ్’, ‘కెప్టెన్ మిల్లర్’ లాంటి సినిమాలు ఓటీటీలోకి అడుగు పెట్టగా, ఈ వారం అక్కినేని నాగార్జున మూవీ ‘నా సామిరంగ’ స్ట్రీమింగ్ కు రెడీ అవుతోంది. గత ఏడాది మేలో విడుదలై దేశ వ్యాప్తంగా సంచలన విజయాన్ని అందుకున్న వివాదాస్పద చిత్రం ‘ది కేరళ స్టోరీ’. చిన్న సినిమాగా విడుదలై పెద్ద విజయాన్ని అందుకుంది.సుమారు 9 నెలల తర్వాత ఈ సినిమా ఓటీటీ వేదికగా విడుదలకు రెడీ అవుతోంది. మొత్తంగా ఈ వారం 20కి పైగా సినిమాలతో పాటు పలు వెబ్ సిరీస్ లు ప్రేక్షకులను అలరించబోతున్నాయి. ఇంతకీ ఈ వారం ఓటీటీల్లో ఏయే సినిమాలు రాబోతున్నయో ఇప్పుడు తెలుసుకుందాం..