‘The Boys’ Season 4 Trailer: ‘ది బాయ్స్’ సీజన్ 4 ట్రైలర్: జంతువులకూ సూపర్ పవర్స్ వస్తే? ఈసారి మరింత థ్రిల్ పక్కా!
ప్రేక్షకులు ఎంతగానో ఎదురు చూస్తున్న 'ది బాయ్స్' సీజన్ 4 ట్రైలర్ వచ్చేసింది. గత సీజన్లను తలదన్నేలా కొత్త సిరీస్ తెరకెక్కింది. కళ్లు చెదిరే యాక్షన్ సీన్లు అభిమానులను ఆకట్టుకుంటున్నాయి.
‘The Boys’ Season 4 Trailer Out: ఎప్పుడెప్పుడా అని ఎదురు చూస్తున్న హాలీవుడ్ వెబ్ సిరీస్ 'ది బాయ్స్' సీజన్ 4 ట్రైలర్ వచ్చేసింది. చాలా మంది సూపర్ మ్యాన్స్ భూమిని, ప్రపంచాన్ని కాపాడేందుకు ప్రయత్నిస్తే, ఈ సిరీస్ లో మాత్రం తమ స్వార్థం కోసం ప్రపంచాన్ని గుప్పిట్లో పెట్టుకునేందు ప్రయత్నిస్తారు. ఇప్పటి వరకు వచ్చిన మూడు సీజన్లు ప్రేక్షకులను అద్భుతంగా అరించడంతో నాలుగో సీజన్ పై భారీగా అంచనాలు నెలకొన్నాయి. ఈ నేపథ్యంలో సినీ లవర్స్ కు అమెజాన్ ప్రైమ్ వీడియో గుడ్ న్యూస్ చెప్పింది. త్వరలో ఈ సిరీస్ ను ప్రేక్షకుల ముందుకు తీసుకురాబోతున్నట్లు వెల్లడించింది. అందులో భాగంగానే తాజాగా ట్రైలర్ ను విడుదల చేసింది.
ఆకట్టుకుంటున్న 'ది బాయ్స్' సీజన్ 4 ట్రైలర్
తాజాగా విడుదలైన 'ది బాయ్స్' సీజన్ 4 ట్రైలర్ కళ్లు చెదిరే యాక్షన్ సన్నివేశాలతో ఆకట్టుకుంటుంది. ట్రైలర్ అంతా రక్తపాతంతో నిడిపోయింది. హోమ్ల్యాండర్(ఆంటోనీ స్టార్)ను తొలగించడానికి బుచర్ కాలానికి వ్యతిరేకంగా పోటీ పడుతాడు. అత్యంత భయంకరమైన వైరస్ తో అతడిని అంతమొందించేందుకు ప్రయత్నిస్తాడు. ఈ ప్రయత్నం ఎలాంటి ఇబ్బందులు ఎదురవుతాయి? నిజంగానే హోమ్ ల్యాండర్ ను లేకుండా చేస్తారా? హోమ్ ల్యాండర్ ఆ ప్రయత్నాలను ఎలా తిప్పికొడతాడు? అనేది వెబ్ సిరీస్ లో చూపించనున్నారు. అత్యంత ఉత్కంఠ భరితంగా ఉన్న ట్రైలర్ ప్రపంచ వ్యాప్తంగా ఉన్న అభిమానులను ఎంతగానో ఆకట్టుకుంటుంది. ఈ సీజన్ లో కూడా హోమ్ ల్యాండర్ క్యారెక్టర్ లో ఆంటోనీ స్టార్ ఆకట్టుకోబోతున్నారు. ప్రత్యర్థులకు చెమటలు పట్టించనున్నారు. గత సీజన్లతో పోల్చితే మరింత పవర్ ఫుల్ గా కనిపించబోతున్నారు. అంతేకాదు.. ఈ సారి జంతువులకు కూడా సూపర్ పవర్స్ వచ్చినట్లు ట్రైలర్లో చూపించారు.
మే 13 నుంచి అమెజాన్ ప్రైమ్ లో స్ట్రీమింగ్
'ది బాయ్స్' సీజన్ 4 వెబ్ సిరీస్ జూన్ 13 నుంచి అమెజాన్ ప్రైమ్ లో అందుబాటులోకి రానుంది. ప్రీమియర్ గా మూడు ఎపిసోడ్లు స్ట్రీమింగ్ కు రానున్నాయి. ఆ తర్వాత వారానికి ఓ ఎపిసోడ్ రానుంది. జూలై 18న ఈ సీజన్ కంప్లీట్ అవుతుంది. ఈ సీజన్ లో మొత్తం 8 ఎపిసోడ్లు ఉండనున్నట్లు తెలుస్తోంది. ఈ సిరీస్ ఇంగ్లీష్ తో పాటు తెలుగు, హిందీ, తమిళ్, కన్నడ, మలయాళంలో ఒకేసారి విడుదల కానుంది. ‘ది బాయ్స్’ వెబ్ సిరీస్ కు సంబంధించి గత సీజన్లుకు దర్శకత్వం వహించిన ఫిల్ స్గ్రారిక్కియా.. నాలుగో సీజన్ ను కూడా తెరకెక్కించారు. ఈ సిరీస్లో అర్బన్, క్వాయిడ్, స్టార్, మోరియార్టీ, జెస్సీ టి. అషర్, లాజ్ అలోన్సో, చేస్ క్రాఫోర్డ్, టోమర్ కాపోన్, కరెన్ ఫుకుహారా, కోల్బీ మినిఫై, క్లాడియా డౌమిట్, కామెరాన్ క్రోవెట్టి కీలక పాత్రల్లో నటించారు.
View this post on Instagram
Read Also: పేద రైతులకు ఫ్రీగా ట్రాక్టర్లు, మాట నిలబెట్టుకున్న లారెన్స్, నిజంగా మీరు దేవుడు సామీ!
టాప్ హెడ్ లైన్స్
ట్రెండింగ్ వార్తలు
