Mirzapur 4: ‘మీర్జాపూర్ 4‘ చివరి సీజన్ కానుందా? ఈ సీజన్ రిలీజ్ అయ్యేది అప్పుడేనా?

రీసెంట్ గా స్ట్రీమింగ్ కు వచ్చిన ‘మీర్జాపూర్‘ సీజన్ 3కి ప్రేక్షకుల నుంచి మిశ్రమ స్పందన వస్తోంది. ఈ నేపథ్యంలో ‘మీర్జాపూర్‘ సీజన్ 4కు సంబంధించి ఆసక్తికర విషయాలు బయటకు వస్తున్నాయి.

‘మీర్జాపూర్‘ సీజన్ 4 (Photo Credit: Amazon Prime Video/Instagram)

Source : ‘మీర్జాపూర్‘ సీజన్ 4(Photo Credit: Amazon Prime Video/Instagram)

Mirzapur Season 4 Release Date: ఓటీటీలో మంచి ప్రేక్షకాదరణ దక్కించుకున్న వెబ్ సిరీస్ ‘మీర్జాపూర్‘. రీసెంట్ గా ‘మీర్జాపూర్‘ సీజన్ 3 ప్రేక్షకుల ముందుకు వచ్చింది. ప్రస్తుతం అమెజాన్ ప్రైమ్ వీడియో వేదికగా అందుబాటులో ఉంది. ఈ వెబ్ సిరీస్ పట్ల ప్రేక్షకుల నుంచి మిశ్రమ స్పందన లభిస్తోంది. అయితే, గత రెండు సీజన్లతో పోల్చితే ఈ సీజన్ యావరేజ్ గా ఉందనే టాక్ వినిపిస్తోంది. ఈ నేపథ్యంలో ‘మీర్జాపూర్‘ సీజన్ 4కు సంబంధించి ఆసక్తికర విషయాలు వెల్లడి అవుతున్నాయి.  

ఇప్పటికే  ‘మీర్జాపూర్‘ సీజన్ 4 స్క్రిప్ట్ వర్క్ ప్రారంభం

‘మీర్జాపూర్’ సీజన్ 3 ప్రేక్షకులను అలరిస్తున్న నేపథ్యంలో ‘మీర్జాపూర్‘ సీజన్ 4కు సంబంధించి స్క్రిప్ట్ పనులు ప్రారంభం అయినట్లు తెలుస్తోంది. ఈ వెబ్ సిరీస్ ను తెరకెక్కించే పనిలో మేకర్స్ తలమునకలై ఉన్నారట. మూడో సీజన్లో కాలిన భయ్యా తిరిగి మీర్జాపూర్‌ను దక్కించుకున్నాడు. గుడ్డు, గులు ప్రేమలో పడ్డారు. వాళ్ల లిప్ లాక్ సీన్‌తో మూడో సీజన్ ముగిసింది. నాలుగో సీజన్‌లో కథ మరింత రంజుగా ఉండనున్నట్లు తెలుస్తోంది. ఇప్పటి వరకు వచ్చిన అన్ని సీజన్లకు తలదన్నేలా నాలుగో సీజన్ ను తెరకెక్కించే ప్రయత్నం చేస్తున్నారట. నాలుగో సీజన్ లో ఊహించని ట్విస్టులు ఉంటాయని తెలుస్తోంది. అంతేకాదు, వీలైనంత త్వరగా నాలుగో సీజన్ ను ప్రేక్షకుల ముందుకు తీసుకురావాలని మేకర్స్ ప్రయత్నిస్తున్నారట.     

గత రెండు సీజన్లతో పోల్చితే మూడో సీజన్ చాలా స్లోగా సాగినట్లు విమర్శలు వచ్చాయి. అయితే, మిగతా వెబ్ సిరీస్ లను ఈ వెబ్ సిరీస్ లతో పోల్చి చూడడం సరికాదంటున్నారు మేకర్స్. ‘మీర్జాపూర్‘ వెబ్ సిరీస్ విడుదలైన సమయంలోనూ చాలా విమర్శలు వచ్చాయనే విషయాన్ని గుర్తు చేశారు. హింస చాలా ఎక్కువగా ఉందని చాలా మంది అన్నా, మంచి హిట్ అయ్యిందని తెలిపారు. నిజానికి హింసాత్మక సన్నివేశాలను షూట్ చేయడం మామూలు విషయం కాదన్నారు. ప్రేక్షకుల అభిరుచికి అనుగుణంగా ‘మీర్జాపూర్‘ తదుపరి సీజన్ ఉంటుందని వెల్లడించారు.

‘మీర్జాపూర్‘ సీజన్ 4 వచ్చేది ఎప్పుడంటే?

‘మీర్జాపూర్‘ వెబ్ సిరీస్ ఇప్పటి వరకు మూడు సీజన్లు ప్రేక్షకుల ముందుకు వచ్చింది. ప్రతి సీజన్ కు మధ్య చాలా గ్యాప్ ఉంది. తొలి సీజన్ నవంబర్ 2018లో ప్రేక్షకుల ముందుకు వచ్చింది. రెండో సీజన్ అక్టోబర్ 2020లో విడుదల అయ్యింది. మూడో సీజన్ జులై 2024లో వచ్చింది. ఈ లెక్కన చూసుకుంటే సీజన్ 4.. 2026 లేదంటే 2027లో వచ్చే అవకాశం ఉంది. కానీ, ప్రేక్షకులు ఈ సీజన్ ఎప్పుడెప్పుడు వస్తుందా? అని ఎదురు చూస్తున్న నేపథ్యంలో గత సీజన్లతో పోల్చితే నాలుగో సీజన్ కాస్త త్వరగానే ప్రేక్షకుల ముందుకు రానున్నట్లు తెలుస్తోంది. నాలుగో సీజన్ లో ‘మీర్జాపూర్‘ పీఠాన్ని దక్కించుకునేది ఎవరో చెప్పి, మేకర్స్ ఈ సిరీస్‌కు శుభం కార్డు వేయనున్నట్లు తెలుస్తోంది.