Euphoria OTT : మరో ఓటీటీలోకి గుణశేఖర్ యుఫోరియా - ఎందులో స్ట్రీమింగ్ అవుతుందంటే?

Euphoria OTT Platform : గుణశేఖర్ యుఫోరియా మరో ఓటీటీలోకి వచ్చేసింది. ఇప్పటికే ఈటీవీ విన్‌లో స్ట్రీమింగ్ అవుతుండగా... మరో ప్లాట్ ఫామ్‌లోనూ అందుబాటులోకి వచ్చేసింది.

మరో ఓటీటీలోకి యుఫోరియా

Source : https://www.instagram.com/p/DWnhd15k326/

Bhumika's Euphoria OTT Streaming : గుణశేఖర్ దర్శకత్వంలో చాలా రోజుల తర్వాత భూమిక ప్రధాన పాత్రలో నటించిన రీసెంట్ సోషల్ డ్రామా 'యుఫోరియా'. ఫిబ్రవరి 6న ప్రేక్షకుల ముందుకు వచ్చిన ఈ మూవీ మిక్స్‌డ్ టాక్ సొంతం చేసుకుంది. ఇప్పటికే ఒక ఓటీటీలో స్ట్రీమింగ్ అవుతున్న మూవీ మరో ఓటీటీలోకి కూడా అందుబాటులోకి వచ్చేసింది.

రెండు ఓటీటీల్లో...

ప్రస్తుతం 'ఈటీవీ విన్'లో స్ట్రీమింగ్ అవుతుండగా... మరో తెలుగు ఓటీటీ 'ఆహా'లోనూ అందుబాటులోకి వచ్చేసింది. మంగళవారం అర్ధరాత్రి నుంచి స్ట్రీమింగ్ కానుంది. 'హృదయాన్ని కదిలించే కథ. యుఫోరియా స్ట్రీమింగ్ అవుతోంది.' అంటూ స్పెషల్ పోస్టర్ రిలీజ్ చేశారు మేకర్స్. ఇప్పటికే మూవీ ట్రెండ్ అవుతుండగా మరింత టాప్‌లోకి వచ్చే ఛాన్స్ ఉంది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Guna Handmade Films (@gunahandmadefilms)

ఈ మూవీలో భూమికతో పాటు ధురంధర్ బ్యూటీ సారా అర్జున్, నాజర్, గౌతమ్ వాసుదేవ్ మీనన్, రోహిత్, ఆదర్శ్ బాలకృష్ణ, రవి ప్రకాష్, నవీన రెడ్డి తదితరులు కీలకపాత్రలు పోషించారు. కాలభైరవ మ్యూజిక్ అందించగా... గుణశేఖర్ హోమ్ బ్యానర్ హ్యాండ్ మేడ్ ఫిల్మ్స్ బ్యానర్‌పై నీలిమ గుణ, రాగిణి గుణ, యుక్తా ముఖి నిర్మించారు.

స్టోరీ ఏంటంటే?

పెద్దింటి అమ్మాయి, చదువులో టాపర్ అయిన చైత్ర (సారా అర్జున్) ఐఏఎస్ కావాలని కలలు కంటుంది. అందు కోసం పట్టుదలగా శ్రమిస్తుంది. ఓ రోజు ఫ్రెండ్స్ పార్టీకి పిలవడంతో పేరెంట్స్ పర్మిషన్‌తో వెళ్తుంది. అక్కడే వికాస్ (విఘ్నేష్ గవిరెడ్డి)తో పాటు అతని ఫ్రెండ్స్ పరిచయం అవుతారు. చైత్రపై కన్నేసిన వికాస్ ఆమె తిరిగి వెళ్తుండగా కారులో ట్రిప్ వెళ్దామని ఆఫర్ చేస్తాడు. స్నేహంతో కారెక్కిన ఆమెపై అతనితో పాటు ఫ్రెండ్స్ దారుణానికి పాల్పడతారు.

రాష్ట్రవ్యాప్తంగా ఈ కేస్ సెన్సేషన్ క్రియేట్ చేయగా... సిటీ కమిషనర్ జయదేవ్ (గౌతమ్ మీనన్) ఇన్వెస్టిగేషన్ కోసం గవర్నమెంట్ అపాయింట్ చేస్తుంది. బడాబాాబులు ఇన్వాల్వ్ అయిన కేసును ఆయన ఎలా ఇన్వెస్టిగేట్ చేశాడు? విచారణలో ఎదురైన సవాళ్లేంటి? వింద్య వేములపల్లి (భూమిక)కు ఈ కేసుకు సంబంధం ఏంటి? ఆమెనే నేరం చేసినట్లు ఎందుకు తనకు తానుగా కోర్టు మెట్లెక్కింది? అసలు ఏంటీ ఆపరేషన్ యుఫోరియా? అనేది తెలియాలంటే మూవీ చూడాల్సిందే.

మరిన్ని చదవండి

ధనుష్ డైరెక్షన్‌లో మృణాల్ ఠాకూర్? - రోల్ ఏంటో తెలుసా!